[᭒᭗ 27B]
᭒᭘
ᬦᬾᬩᭂᬮᬶᬂ᭞ᬲᬂᬅᬃᬚ᭄ᬚᬸᬤᬵᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬓᬚᬫᬄᬦᬾᬢᬸᬦᬶ᭞ᬳᭀᬮᬶᬄᬬᬳᬶᬢᬸᬫ᭄ᬮᬶᬮᬶᬗᬦ᭄᭟᭜᭟ᬲᬂᬅᬃᬚ᭄ᬚᬯᬵ᭞ᬢᬸᬫ᭄ᬩᬾᬦ᭄ᬧᬸᬭᬸᬦ᭄ᬗᬮᬳᬸᬭᬶ᭞ᬫᬢᬸᬃᬭᬶᬂᬲᬂᬢᬧ᭞ᬳᬦ᭄ᬢᬸᬓ᭄ᬩᬗᭂᬢ᭄ᬍᬓ᭄ᬭᬶᬂᬳ
ᬢᬶ᭞ᬭᬶᬂᬘᬗ᭄ᬓᭂᬫ᭄ᬜᬩᭂᬮᬶᬂᬓᬤᬓ᭄᭟᭜᭟ᬧᬸᬧᬸᬄᬲᬫᬭ᭄ᬥᬦ᭟᭜᭟ᬬᬦ᭄ᬫᬍᬢᬦ᭄ᬓᬸᬤᬂᬰᬰᬶᬄ᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬗᬯᬶᬮᬂ᭞ᬤᬯᭂᬕ᭄ᬘᬗ᭄ᬓᭂᬫ᭄ᬲᬂᬅᬃᬚ᭄ᬚᬯᬵ᭞ᬩᭂᬲᭂᬄᬕᬘᭂᬮ᭄ᬢᬸᬫ᭄ᬮᬶᬮᬶᬗᬦ᭄᭞ᬗᭂᬩᬾᬢ᭄ᬓ
ᬮᬤᬶᬭᬶᬂᬳᬩ᭄ᬬᬦ᭄᭞ᬫᬶᬯᬄᬤᬸᬓ᭄ᬗᭀᬓᭀᬄᬩ᭄ᬬᬯᬸᬂ᭞ᬢᬸᬲᬸᬓ᭄ᬤᬸᬯᬶᬢᬗᬦ᭄ᬳᬶᬤ᭟᭜᭟ᬦᬾᬫᬗ᭄ᬓᬶᬦ᭄ᬳᬸᬘᬧᬶᬫᬮᬶᬄ᭞ᬳᬶᬭᬶᬓᬵᬭᬶᬂᬧᬰ᭄ᬭᬫᬦ᭄᭞ᬳᬶᬤᬲᬂᬩᬸᬤ᭄ᬟᬶᬲᬢ᭄ᬯᬶᬓᬵ᭞ᬓᬳᬶᬭᬶᬂᬳᭀᬮᬶᬄ
ᬰᬶᬱ᭄ᬬᬦ᭄ᬜ᭞ᬫᬶᬦᬩ᭄ᬲᭂᬤᭂᬓ᭄ᬫᬕᭀᬜ᭄ᬚᬓᬦ᭄᭞ᬲᬗ᭄ᬓᬦ᭄ᬲᬂᬅᬃᬚ᭄ᬚᬯᬗᬸᬦ᭄ᬢᬸᬮ᭄᭞ᬦ᭄ᬤᬵᬢᬦ᭄ᬧᬸᬭᬸᬦ᭄ᬫᬦ᭄ᬤᬺᬂᬫᬸᬓᬵ᭟᭜᭟ᬲᬂᬢᬧᬗᬦ᭄ᬤᬶᬓᬳᬭᬶᬲ᭄᭞ᬉᬥᬸᬄᬦᬦᬓ᭄ᬲᬂᬅᬃᬚ᭄ᬚᬯᬵ᭞ᬩᬧᬓᬸᬫᭂ᭠
[᭒᭘ 28A]
ᬢᭂᬕ᭄ᬭᬶᬂᬫᬦᬄ᭞ᬓᬢᭀᬦ᭄ᬮᬾᬦ᭄ᬢᬶᬓᬲ᭄ᬳᬶᬤᬾᬯ᭞ᬫᬶᬭᬶᬩ᭄ᬳᬤᬦᬾᬢᬓᭀᬦᬂ᭞ᬭᬯᭀᬲᬂᬫᬦᬳᬾᬩᬕᬸᬲ᭄᭞ᬫᬗ᭄ᬤᬾᬦ᭄ᬩᬧᬲᬶᬤ᭄ᬥᬢᬢᬲ᭄᭟᭜᭟ᬲᬂᬅᬃᬚ᭄ᬚᬯᬵᬜᭂᬍᬤᬾᬢ᭄ᬜᬸᬭᬶ᭞ᬫᬢᬸᬃᬲᬶᬲᬶ
ᬧ᭄ᬭᬶᬂᬲᬂᬢᬧ᭞ᬥᬸᬄᬭᬢᬸᬲᬂᬧᬗᭂᬫ᭄ᬧ᭄ᬯᬦ᭄᭞ᬫᭂᬍᬤ᭄ᬢᬶᬢ᭄ᬬᬂᬫᬗ᭄ᬤᬢᬢᬲ᭄᭞ᬢᬶᬢ᭄ᬬᬂᬲᭀᬓ᭄ᬳᬸᬦᬶᬂᬭᬶᬂᬧᬭᬩ᭄᭞ᬭᬶᬂᬭᬹᬧᬢᬶᬢ᭄ᬬᬂᬢᬦ᭄ᬯᭂᬭᬸᬄ᭞ᬳ᭄ᬬᬂᬯᬶᬥᬶᬤᬶᬚᬫᬮᬶᬗ᭄ᬕ᭟᭜᭟ᬲᬂᬢᬧᬓᭂᬜᭂᬫ᭄ᬜᬳᬸᬭᬶᬦ᭄᭞
ᬘᭂᬦᬶᬂᬩᬕᬸᬲ᭄ᬲᬂᬅᬃᬚ᭄ᬚᬯ᭞ᬲᬓᬶᬂᬧᬢᬓᭀᬦ᭄ᬫᬘᬶᬳ᭄ᬦᬵ᭞ᬫᬦᬄᬘᭂᬦᬶᬂᬫᬓ᭄ᬭᬶᬢᬶᬧᬦ᭄᭞ᬢᭂᬍᬩ᭄ᬗᬸᬮᬶᬓ᭄ᬰᬵᬲ᭄ᬢ᭄ᬭᬵᬕᬫ᭞ᬫᬤᬓ᭄ᬘᭂᬦᬶᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬤᬤᬶᬳᬦᬓ᭄ᬲᬥᬸᬥᬃᬫ᭄ᬫ᭟᭜᭟ᬫᭂᬮᬄᬦᬾᬚ
ᬦᬶᬯᬯᬦᬶᬦ᭄᭞ᬓᭀᬦ᭄ᬘᭂᬦᬶᬗᬾᬗᬾᬩᬸᬲᬦ᭄᭞ᬫᭂᬍᬤ᭄ᬘᭂᬦᬶᬂᬳᬧᬂᬦᬯᬂ᭞ᬓᬾᬦ᭄ᬓᬾᬦ᭄ᬭᬸᬧᬦ᭄ᬲᬂᬳ᭄ᬬᬂᬢᬶᬢᬄ᭞ᬳᬶᬤᬭᬶᬂᬤᬶᬚᬫᬮᬶᬗ᭄ᬕ᭞ᬩᬸᬯᬢ᭄ᬧᬢᬓᭀᬦ᭄ᬳᬶᬩᬕᬸᬲ᭄᭞ᬩᬧᬗᬶᬦ᭄ᬤᬬᬂᬜ᭠
Page:Bali-lontar-gaguritan-giriputri-250ppi.pdf/29
Jump to navigation
Jump to search
This page has been proofread.
