[᭒᭑ 21B]
᭒᭒
ᬢᬸᬫᬲᬶᬄᬲᭂᬮᬂᬩ᭄ᬯᬶᬤ᭄ᬫᬓᬶᬲᬶᬤ᭄᭞ᬫᭂᬕᬳᬂᬗᬮᬶᬄᬳᬸᬫ᭄ᬧᬸᬢᬦ᭄᭟᭜᭟ᬮᬸᬳᬸᬂᬤᬶᬢᬸᬫᬲᬳᬸᬩᬦ᭄᭞ᬲᭂᬓᭂᬦ᭄ᬢᭀᬂᬳᬤᬦᬶᬗᬮᬶᬦ᭄᭞ᬦᬗ᭄ᬳᬶᬂᬲᭂᬮᬗᬾᬗᭂᬤᬾᬦᬂ᭞ᬩᬳᬦᬾᬦᬾᬗ᭄ᬓ᭄ᬮᭂᬧ᭄ᬤᬶᬳᬸᬫ᭄ᬧᬸᬢ᭄᭞ᬲᭂ
ᬮᬂᬓᬾᬦ᭄ᬮᬮᬶᬧᬶᬕᬤᬂ᭞ᬬᬾᬦ᭄ᬢᭀᬗᬸᬢᬶᬮ᭄᭞ᬢᬦᬸᬭᬸᬂᬤᬶᬦᬶᬲᭂᬗ᭄ᬓᬮ᭟᭜᭟ᬩᬸᬯᬸᬩᬗ᭄ᬓᬋᬚᭂᬓ᭄ᬩᬜ᭄ᬚᬃ᭞ᬧᬬᬸᬮᬫ᭄ᬧᬸᬲ᭄ᬘᭀᬢᭀᬢ᭄ᬮᬮᬶᬧᬶ᭞ᬓᬾᬢᭀᬗᬭᬶᬫᬶᬓ᭄ᬭᬶᬂᬫᬦᬄ᭞ᬲᬫ᭄ᬩᬶᬮ᭄ᬗ᭄ᬭᭀᬭᭀᬤ᭄ᬦᬸ
ᬮᬸᬄᬧᬗ᭄ᬓᬸᬂ᭞ᬳᬕᭂᬢ᭄ᬦᭂᬧᬸᬓᬶᬦ᭄ᬧᬜ᭄ᬘᭀᬭᬦ᭄᭞ᬢᭀᬢᬸᬗ᭄ᬓᬸᬓᬶᬦ᭄᭞ᬜᬭᬸᬧᬦᭂᬲ᭄ᬗᭂᬫᭂᬫ᭄ᬩᬗ᭄ᬓ᭄ᬬᬂ᭟᭜᭟ᬭᬶᬲᭂᬤᭂᬓ᭄ᬜᬭᬸᬫᭂᬫᭂᬫᬦ᭄᭞ᬢ᭄ᬯᬭᬢᬯᬂᬘᬲᬭᬶᬓ᭄ᬘᭂᬭᬶᬓ᭄᭞ᬲᬮᬶᬫ᭄ᬧᭂᬩᬸᬦ᭄ᬬᬦᭂᬤᬸᬦᬂ᭞ᬚᬸᬦ᭄ᬜᬳᬸᬮᬸᬂ
ᬦᭂᬧᬾᬦ᭄ᬩᬢᬸ᭞ᬫᬲᬶᬄᬗᬯᬶᬦᬂᬫᬓᭂᬲ᭄ᬬᬩ᭄᭞ᬓᬦ᭄ᬢᬶᬜᬸᬫ᭄ᬧ᭄ᬭᬶᬢ᭄᭞ᬕᬶᬕᬶᬧᭀᬗ᭄ᬕᬂᬜᬧ᭄ᬮᭀᬓ᭄ᬰᬷᬮ᭟᭜᭟ᬫᭀᬦ᭄ᬢᭀᬦᬾᬮᬸᬄᬜᬯᬢᬂ᭞ᬫᬧᬶᬢᭂᬓᭂᬢ᭄ᬗᬮᬾᬫᬾᬓᬶᬦ᭄᭞ᬳᬦᬾᬫ᭄ᬯᬦᬶᬮᬸᬢ᭄ᬫᬸ
[᭒᭒ 22A]
ᬮᬶᬳᬦ᭄᭞ᬓᬕᬾᬢ᭄ᬤᬶᬗᭂᬄᬘᭂᬕᬸᬢ᭄ᬘᭂᬕᬸᬢ᭄᭞ᬗᭂᬮᬶᬂᬫᬶᬦᬩ᭄ᬫᬧᬗᭂᬦᬦ᭄᭞ᬜᬓᬶᬢ᭄ᬳᬢᬶ᭞ᬚᬸᬫᬳᬦ᭄ᬳᭂᬗ᭄ᬲᭂᬓ᭄ᬲᬶᬕ᭄ᬲᬶᬕᬦ᭄᭟᭜᭟ᬳᬦᬾᬮᬸᬄᬦᬸᬢᬸᬕ᭄ᬫᬸᬮᬶᬳᬦ᭄᭞ᬘᬭᬦᬸᬗ᭄ᬓᬓ᭄ᬫᬶᬢᬸᬢᬸᬭᬶ
ᬦ᭄᭞ᬦᬗ᭄ᬳᬶᬂᬩᬧᬢᬦ᭄ᬗᬦ᭄ᬢᭂᬦᬂ᭞ᬩᬦ᭄ᬢᭂᬲ᭄ᬤᬶᬗᭂᬄᬘᭂᬢᬕ᭄ᬘᭂᬢᬸᬕ᭄᭞ᬫᬦᬯᬶᬫᬦ᭄ᬢᬶᬕᬂᬳᬯᬓ᭄᭞ᬳᬦᬾᬫ᭄ᬯᬦᬶ᭞ᬫᬗᭂᬦᬂᬦᬾᬲᬸᬩᬮᬶᬯᬢ᭄᭟᭜᭟ᬓᬕᬾᬢ᭄ᬲᭂᬧᬶᬳᬘᭂᬧᭀᬓᬦ᭄᭞ᬩᬸᬓᬵᬚᬗ᭄ᬓ᭄ᬭᬶᬓᬾᬓᭂᬢᭂ
ᬩᬶᬦ᭄᭞ᬩᬧᬦᬸᬗ᭄ᬓ᭄ᬭᬸᬓ᭄ᬭᬶᬂᬦᬢᬃᬜ᭞ᬓᬕᬾᬢ᭄ᬳᬬᬫᬾᬓ᭄ᬭᬸᬬᬸᬓ᭄᭞ᬢᬸᬮᬶᬄᬓᬗᬶᬦ᭄ᬲᬸᬩᬕᬮᬂ᭞ᬓᭂᬤᬶᬲ᭄ᬗᬸᬘᬶ᭞ᬩᬧᬫᬩᬸᬤ᭄ᬥᬶᬫᬓᬳᬤ᭄᭟᭜᭟ᬢᬓᬸᬢ᭄ᬫᬕᭂᬤᬶᬫᭀᬭᬳᬦ᭄᭞ᬫᬧᬦ᭄ᬲᬸᬩᬢᬯᬂ
ᬫᬮᬶᬂ᭞ᬩᭂᬓᭂᬮ᭄ᬩᬧᬵᬦᬸᬳᬮᬾᬬᬃ᭞ᬬᬾᬦ᭄ᬳᭂᬦ᭄ᬢᭀᬓᬩᬾᬕᬮ᭄ᬮᬘᬸᬃ᭞ᬭᬾᬄᬢᭀᬦᬲᬶᬦᬾᬤᬶᬚᬮᬦ᭄᭞ᬧᬮᬶᬂᬩᭂᬘᬶᬓ᭄᭞ᬫᬕᭂᬤᬶᬳᭂᬤᬫᭀᬭᬳᬦ᭄᭟᭜᭟ᬩᬧᬗᬾᬗ᭄ᬕᬮᬂᬫᬓᬳᬤ᭄᭞
Page:Bali-lontar-gaguritan-giriputri-250ppi.pdf/23
Jump to navigation
Jump to search
This page has been proofread.
