[᭑᭙ 19B]
᭒᭐
ᬗᭂᬢ᭄ᬭᬶᬂᬢᬫ᭄ᬬᬸ᭞ᬓᬢᬸᬗ᭄ᬓᬸᬮ᭄ᬦᬸᬢᬸᬭᬶᬦ᭄ᬲᬾᬫᬄ᭞ᬓᬕᬾᬢ᭄ᬫᬮᬶᬄ᭞ᬦᬾᬮᬸᬄᬜᬳᬮᭀᬦ᭄ᬳᬗᬸᬘᬧ᭄᭞᭟᭜᭟ᬚᬮᬦ᭄ᬚᬫᭀᬦ᭄ᬢᭀᬲᬸᬳᬸᬤᬂ᭞ᬩᬶᬗᬸᬂᬫᬮᬓ᭄ᬱᬡᬭᬸᬲᬶᬢ᭄᭞ᬓᬤᬸᬂᬚᬜᬩ᭄ᬭᬦ᭄ᬭᬳᬶᬦ᭞ᬗᬮᬶᬄᬧ
ᬗᬦ᭄ᬲᬓᬶᬂᬧᬢᬹᬢ᭄᭞ᬤ᭄ᬬᬲ᭄ᬢᬸᬢᬸᬯᬶᬸᬬᬸᬄᬲᬸᬓᬢᬶᬢ᭄ᬬᬂ᭞ᬬᬦ᭄ᬜᬓ᭄ᬩᭂᬮᬶ᭞ᬯᬸᬲᬦ᭄ᬫᬮᬓ᭄ᬱᬡᬘᭀᬭᬄ᭟᭜᭟ᬩᭂᬮᬶᬲᬫ᭄ᬧᬸᬦ᭄ᬳᬓᬾᬄᬧᬶᬲᬦ᭄᭞ᬭᬶᬂᬩ᭄ᬭᬬᬦᬾᬗᬶᬸᬫᬸᬢᬂᬧᬢᬶ᭞ᬬᬦ᭄ᬢᬦ᭄ᬘᭂᬗᭂᬄᬫᬗ᭄ᬓᬶᬦ᭄ᬗᬶᬮᬓ᭄᭞ᬫ
ᬮᬶᬄᬧᬶᬤᬦ᭄ᬲᭃᬫᬚᬸᬫᬸ᭞ᬧᬓ᭄ᬱᬫᬦᬳᬾᬕᭂᬋᬢᬂ᭞ᬧᬮᬯᬦᬶᬦ᭄᭞ᬧᬗ᭄ᬤᬢᭂᬭᬸᬲ᭄ᬲᬮᬄᬢᬶᬗ᭄ᬓᬄ᭟᭜᭟ᬅᬚᬶᬫᬾᬗᭂᬢᬾᬳᭂᬦ᭄ᬤᬶᬳᬂ᭞ᬧᬂᬓᬦ᭄ᬢᬶᬲᬚᬗᭂᬩᬸᬲᬶᬦ᭄᭞ᬢᭀᬳᬗ᭄ᬕᭀᬦ᭄ᬦᬸᬜ᭄ᬚᭂᬮ᭄ᬫᬸᬘᭂᬳᬂ᭞ᬓᬰ
ᬓ᭄ᬢᬾᬦ᭄ᬲᭀᬮᬳᬾᬚᬭᬸᬄ᭞ᬬᬦ᭄ᬘᭀᬭᬄᬫᬦᬳᬾᬳᬶᬘᬮ᭄᭞ᬲᬬᬦ᭄ᬮᬫᬶ᭞ᬗᬸᬕᬸᬓᬃᬫ᭄ᬫᬦᬸᬫᬩᬸᬯᬄ᭟᭜᭟ᬬᬦ᭄ᬗᭂᬮᬶᬦᬦ᭄ᬤᬸᬃᬉᬢ᭄ᬢᬫ᭞ᬉᬢ᭄ᬢᬫᬶᬓᭂᬦᬶᬧᬸᬧᭀᬦᬶᬦ᭄᭞ᬬᬦ᭄ᬩᭂᬮᬶᬫᬫᬸᬮᬧᬶᬲᬂ᭞ᬧᬮᬶᬂᬢᬸᬲᬶᬂᬫᭂ
[᭒᭐ 20A]
ᬦ᭄ᬢᬶᬓ᭄ᬩᬶᬬᬸ᭞ᬲᬶᬭᬓᬾᬧᬸᬭᬸᬦ᭄ᬜᬗ᭄ᬕᬸᬧᬂ᭞ᬦᬦ᭄ᬤᬸᬃᬧᬤᬶ᭞ᬧᬘᬂᬫᭂᬦ᭄ᬢᬶᬓ᭄ᬚᬕᬸᬂᬕᬾᬫ᭄ᬩᬮ᭄᭟᭜᭟ᬤ᭄ᬬᬲ᭄ᬢᬸᬩᬗᭂᬢ᭄ᬳᬲᬶᬄᬲᬬᬂ᭞ᬢᬶᬢ᭄ᬬᬂᬫᬲᭀᬫᬄᬭᬶᬂᬩᭂᬮᬶ᭞ᬲᬮᬸᬂᬮᬸᬂᬲᬩᬬᬵᬦ᭄ᬢᬓ᭞ᬧᬢᬶᬩ᭄ᬭᬢᬲᬢ᭄ᬬᬓᬓᬸᬂ᭞ᬬᬾᬦ᭄ᬩᭂᬮᬶᬫᬗᬸᬤᬸᬄ
ᬢᬶᬢ᭄ᬬᬂ᭞ᬗ᭄ᬮᬸᬓᬢ᭄ᬩᭂᬮᬶ᭞ᬤᭀᬄᬧᬭᬢᬶᬢ᭄ᬬᬂᬜᬶᬤᬬᬂ᭟᭜᭟ᬲᬚᬩᬯᬦ᭄ᬢᬄᬳᬶᬭᬕ᭞ᬲᬶᬤᬗ᭄ᬮᬸᬓᬢ᭄ᬭᬕᬦᬾᬦᬶᬭᬶ᭞ᬤᬜᬕᭂᬃᬲᬂᬮ᭄ᬬᬦ᭄ᬜᬶᬤᬬᬂ᭞ᬧᬘᬂᬫᬗᭂᬮᬸᬓᬢ᭄ᬳᬓᬸ᭞ᬬᬦ᭄ᬭᬯᭀᬲᬂᬧᬧᭀᬚᭀᬮᬦ᭄᭞
ᬢᭀᬳᬶᬲᭂᬦ᭄ᬤᬶ᭞ᬢᬦ᭄ᬫᬫ᭄ᬧᬸᬄᬗ᭄ᬮᬸᬓᬢ᭄ᬳᬶᬤᬕ᭄ᬤᬕ᭄᭟᭜᭟ᬬᬾᬦ᭄ᬩᭂᬮᬶᬜᬓ᭄ᬫᭂᬲᬾᬄᬢᬶᬗ᭄ᬓᬄ᭞ᬓᬗ᭄ᬕᭀᬯᬂᬫᬮᬸᬮᬯᬦ᭄ᬮᬯᬦᬶᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬫ᭄ᬮᬄᬧ᭄ᬮᬧᬦ᭄ᬩᬦ᭄ᬜᬫᬢᬸᬃ᭞ᬦᬸᬦᬲ᭄ᬧᬶᬢᬸᬢᬸᬃᬉᬢ᭄ᬢᬫ᭞
ᬧᭂᬢᭂᬂᬧᬫᬶᬢ᭄᭞ᬢᬗ᭄ᬓᬶᬲ᭄ᬗᬗ᭄ᬕᬸᬃᬳᬓᬶᬬᬧᬦ᭄᭟᭜᭟ᬫᬸᬂᬧᬸᬂᬲᭂᬤᭂᬂᬗᭂᬮᬄᬧᭂᬲᬦ᭄᭞ᬳᬤᬲᬦ᭄ᬢᬶᬕᬶᬢᬤᬶᬦᬶ᭞ᬓᬫᬸᬮᬓᬸᬫᬲᬬᬸᬩᬦ᭄᭞ᬲᬫ᭄ᬩᬶᬮ᭄ᬫᬮᬚᬄᬓᬶᬤᬸᬂ᭞ᬧᭀᬘᭀᬮ᭄ᬧᭀᬘᭀᬮᬦ᭄ᬫᬮ
Page:Bali-lontar-gaguritan-giriputri-250ppi.pdf/21
Jump to navigation
Jump to search
This page has been proofread.
