[᭑᭔ 14B]
᭑᭔
ᬜᬶᬦ᭄ᬢᬮᬸᬓ᭄ᬢᬓ᭄ᬦᬶᬫ᭄ᬩᬦᬶᬦ᭄᭞ᬫᬘᬦ᭄ᬤᭂᬢᬦ᭄ᬭᬶᬂᬤᬮᬜ᭄ᬘᬶᬮ᭄᭞ᬮᬸᬯᬶᬃᬩᭂᬡ᭄ᬥᬾᬗᬮᬸᬧᬮᬸᬧ᭄᭞ᬢᬸᬮᬶᬄᬫᭂᬦᬾᬓ᭄ᬧᬧᬶᬦ᭄ᬤᬶᬓᬦ᭄᭞ᬗᬸᬭᬸᬓᬂᬗᭂᬕᭂᬮ᭄ᬳᬶᬧᬭᬶᬓ᭄᭞ᬫᬶᬍᬲ᭄ᬗ᭄ᬮᬶᬧᬸᬓ᭄᭞ᬢᬶᬗ᭄ᬓ᭄ᬮᬶᬓ᭄ᬗᬸ
ᬘᬶᬭᬶᬂᬋᬭᬗ᭄ᬤᬦ᭄᭟᭜᭟ᬯᬾᬦ᭄ᬢᭂᬦ᭄ᬩᬮᬾᬧᬲᬬᬸᬩᬦ᭄᭞ᬫᬓᭂᬫ᭄ᬩᬭᬦ᭄ᬢᬤᬄᬗᭂᬜ᭄ᬚᬶᬓ᭄᭞ᬫᬮᬓᬃᬢᬭᬸᬘᭂᬦ᭄ᬤᬦ᭞ᬫᬚᬕᬯᬸᬮᬦ᭄ᬲᬸᬮᬲ᭄ᬢ᭄ᬭᬶ᭞ᬫᬭᬳᬩ᭄ᬤᬸᬓ᭄ᬫᬭᬓᬶᬢ᭄᭞ᬢᬶᬲ᭄ᬗᭂᬦ᭄ᬤᬶᬃ᭠
ᬳᬸᬗ᭄ᬓᬸᬮᬶᬦ᭄ᬚᭂᬧᬸᬦ᭄᭞ᬭᬲᬧᬦ᭄ᬢᭂᬲ᭄ᬫᬮᬶᬄᬚᬳᬦ᭄᭞ᬤᬤᬭᬶᬢᭂᬤᬸᬦ᭄ᬗᬸᬩᬶᬃᬩᬶᬃ᭞ᬧᬘᬩᬸᬃᬩᬸᬃᬭᬶᬂᬢ᭄ᬮᬕᬦᬾᬫᬘᬶᬫ᭄ᬧ᭄ᬮᬸᬗᬦ᭄᭟᭜᭟ᬢᬫ᭄ᬩᬶᬲ᭄ᬳᭂᬗ᭄ᬲᭂᬧ᭄ᬢᬓᬸᬦ᭄ᬳᬯᬓ᭄᭞ᬗᭂᬢᭀᬦ᭄ᬯᬦ᭄ᬯᬦᬾᬍᬲ᭄ᬢᬭᬶ᭞
ᬓᬕᬾᬢ᭄ᬲᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬜ᭄ᬚ᭞ᬳᬶᬘᭀᬗᬾᬘᭀᬗᬾᬫᬯᬗ᭄ᬲᬶᬢ᭄᭞ᬢᬮᬸᬬᬦᬸᬦ᭄ᬤᬾᬦ᭄ᬫᬦᬗ᭄ᬓᬶᬮ᭄᭞ᬓᬧᭀᬦ᭄ᬤᭀᬓ᭄ᬳᬶᬤᬲᬂᬳᭂᬫ᭄ᬧᬸ᭞ᬲᬤ᭄ᬬᬬᬦ᭄ᬲᭂᬤᭂᬓ᭄ᬲᬂᬢᬧ᭞ᬫᬗᭀᬜ᭄ᬚᬓ
[᭑᭕ 15A]
ᬦ᭄ᬢᬢ᭄ᬯᬍᬯᬶᬄ᭞ᬧᭀᬮᬶᬄᬤᬶᬢᬸ᭞ᬲᬋᬂᬫᬚᭂᬦᬸᬓᬂᬓᬃᬡ᭄ᬦ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬗᬮᬦ᭄ᬢᬸᬃᬫᬗ᭄ᬓᬶᬦ᭄ᬩᬯᭀᬲᬂ᭞ᬭᬶᬂᬧᬰ᭄ᬭᬫᬦ᭄ᬕᬶᬭᬶᬧᬸᬢ᭄ᬭᬶ᭞ᬭᬶᬂᬲᬫ᭄ᬧᬸᬦᬾᬗᬭᭀᬭᭀᬓᬂ᭞ᬲᬂᬳ᭄ᬬᬂᬭᬯᬶᬢᬫ᭄ᬩᬶᬲ᭄ᬲᬸᬭᬸ
ᬧ᭄᭞ᬮᬗᬶᬢᬾᬫᬲᬯᬂᬗᬭᬓ᭄᭞ᬳᬗᬶᬦ᭄ᬢᬭᬶᬓ᭄᭞ᬢᬭᬸᬦᬾᬍᬫᬸᬄᬫᬬᭀᬤᬦ᭄᭟᭜᭟ᬭᬶᬗᬬᬢ᭄ᬧᭂᬢᭂᬗᬾᬦᬶᬫ᭄ᬩᬮ᭄᭞ᬓᬕᬾᬢ᭄ᬩᬸᬮᬦᬾᬦᬤᬭᬶᬦ᭄᭞ᬗᬢᬸᬚᬸᬋᬃᬡ᭄ᬦᬫᬦ᭄ᬓᬧᬢ᭄᭞᭞ᬕᬸ
ᬍᬫ᭄ᬜ᭄ᬭᬫᬢ᭄ᬢᬶᬧᬶᬲᬮᬸᬲ᭄᭞ᬕᬮᬂᬩᬸᬮᬦ᭄ᬫᬓᬮᬗᬦ᭄᭞ᬩᬶᬦ᭄ᬢᬢᬭᬶᬓ᭄᭞ᬗᬯᬸᬯᬸᬳᬶ᭠ᬦ᭄ᬫᬦᬄᬮᬶᬬᬂ᭟᭜᭟ᬚᬗ᭄ᬓ᭄ᬭᬶᬓᬾᬲᬫ᭄ᬧᬶᬂᬧᬰ᭄ᬭᬫᬦ᭄᭞ᬓᬤᬶᬫᬲᬫᬬᬗᭂᬭᬶᬂ᭞ᬳᬶᬘᭂᬍᬧᬸᬓ᭄ᬳᬸᬦ᭄ᬤ
ᬧᬸᬦ᭄ᬤᬧ᭄᭞ᬦᬤᬓ᭄ᬗᭂᬤᬢ᭄ᬓᬯᬸᬓᬯᬸᬓ᭄᭞ᬘᭂᬘᭂᬄᬫᬗᬸᬦ᭄ᬤᬂᬭᭀᬯᬂᬜ᭞ᬫᬗᬚᬓᬶᬦ᭄᭞ᬗᬶᬦ᭄ᬢᬶᬧ᭄ᬲᬂᬧᬡ᭄ᬥᬶᬢᬗᬃᬕ᭄ᬕ᭟᭜᭟ᬲᬧᬸᬦᬶᬓᬬᬦ᭄ᬭᬲᬬᬂ᭞ᬩᬸᬭᭀᬦᬾᬳᬶᬭᬶᬓᬵᬲᬫᬶ᭞ᬧᬥᬵ
Page:Bali-lontar-gaguritan-giriputri-250ppi.pdf/15
Jump to navigation
Jump to search
This page has been proofread.
