[᭑᭓᭔ 134B]
᭑᭓᭕
ᬦᬤᬶᬚᬓᬗ᭄ᬓᭂᬩᬂ᭟᭜᭟ᬫᭀᬦ᭄ᬢᭀᬳᬶᬮᬸᬩ᭄ᬤᬓᬵᬗ᭄ᬭᬶᬫᬶᬓ᭄᭞ᬭᬶᬂᬳᬮᬲᬾᬲᬶᬬᭂᬧ᭄ᬰᬸᬦ᭄ᬬ᭞ᬦᬾᬭᬫᬾᬓᬧᬶᬋᬂᬯᬦ᭄ᬢᬄᬓ᭄ᬭᭀᬬᬵᬓᬦ᭄ᬩᬲᬂᬫᬢᬮᬂ᭞ᬲᭀᬓ᭄ᬳᬤᬜᬯᬸᬭᬶᬦ᭄ᬩᬶᬚᬮ᭄᭞ᬳᬶᬢᭀᬓᬾᬭᬶᬂᬕᭀᬳᭀᬓ᭄ᬓᬬᬸ᭞
ᬓᭂᬤᬾᬓ᭄ᬗᬋᬓᭂᬓ᭄ᬗᬦ᭄ᬤᬸᬧᬂ᭟᭜᭟ᬳᬶᬮᬸᬩ᭄ᬤᬓᬩᬗᬸᬦ᭄ᬲᭂᬗᬶᬢ᭄᭞ᬦᬶᬗᭂᬄᬓᭂᬤᬾᬓ᭄ᬳᬶᬧᬸᬦ᭄ᬩᬶᬚᬮ᭄᭞ᬜᬕ᭄ᬚᬕ᭄ᬲᬫ᭄ᬩᬶᬮ᭄ᬗᬸᬬᭂᬂᬢᬸᬫ᭄ᬩᬓ᭄᭞ᬳᬶᬄᬳᬶᬢᭀᬓᬾᬩᬲ᭄ᬧᭀᬗᬄ᭞ᬳᬶᬩᬢᬸᬯᬄᬩᬸᬭᭀᬦ᭄ᬦᬶᬱ᭄ᬝ᭞ᬧᬶᬂᬲᬢᬓ᭄ᬫᬲ
ᬮᬶᬦ᭄ᬩᬚᬸ᭞ᬧ᭄ᬭᬕᬢ᭄ᬭᬾᬂᬭᬾᬂᬳᬳᬶᬤᬸᬧᬦ᭄᭟᭜᭟ᬳᬶᬩᬗᭂᬮᬄᬢᬓᬸᬢ᭄ᬫᬶᬭᬶᬩ᭄᭞ᬢᭀᬂᬩᬦᬶᬗᬾᬤᬾᬗᬂᬕᭀᬩ᭞ᬗᬯᬶᬦᬂᬳᬶᬩᬢᭀᬂᬧᭂᬤᬲ᭄᭞ᬢᭂᬓᬾᬦ᭄ᬓᬳᬶᬲᬂᬮᬸᬩ᭄ᬤᬓ᭞ᬦᬾᬗᬶᬲᬳᬶᬦ᭄ᬓᬯᬦᬾᬦᬦ᭄᭞
ᬤ᭄ᬬᬲ᭄ᬢᬸᬯᬭᬓ᭄ᬲᬢᬸᬲ᭄ᬗᬫᬸᬓ᭄᭞ᬢᭀᬂᬮᬲ᭄ᬬᬬᬦ᭄ᬓᬳᬶᬫᬧᬲ᭄᭟᭜᭟ᬓᬾᬢᭀᬲᬂᬮᬸᬩ᭄ᬤᬓᬗᭂᬫ᭄ᬩᬃ᭞ᬓᬤᬶᬳᬦᬓ᭄ᬓᬲᬸᬭᬸᬧᬦ᭄᭞ᬲᬫ᭄ᬩᬶᬮ᭄ᬫᬕᬶᬩ᭄ᬭᬲ᭄ᬫᬚᬮᬦ᭄᭞ᬳᭂᬦ᭄ᬤᭂᬮᬦ᭄ᬤᭂᬮ᭄ᬦᬢᬦ᭄ᬢᬸᬫ᭄ᬩᬓ᭄᭞ᬦᬃᬯᬸᬗᬗᬚᬓᬗᬶ
[᭑᭓᭕ 135A]
ᬦᬂ᭞ᬢᬦ᭄ᬲᬯᬾᬓᬕᬾᬢ᭄ᬬᬤᬶᬢᬸ᭞ᬫᬫᬗ᭄ᬕᬸᬳᬶᬦ᭄ᬩᬩᬢᬸᬭᬦ᭄᭟᭜᭟ᬯᭂᬢ᭄ᬚᭂᬧᬸᬦᬾᬢᭂᬕᭂᬄᬗᬕ᭄ᬮᬶᬓ᭄᭞ᬧᬩᬺᬦ᭄ᬢᭀᬂᬩᭂᬦ᭄ᬤᭀᬢ᭄ᬫᬶᬮᬸᬢᬦ᭄᭞ᬩᬸᬗᬦ᭄ᬜᬦᬾᬦᭂᬤᭂᬂᬓᭂᬫ᭄ᬩᬂ᭞ᬳᬳᬲ᭄ᬦᬫ᭄ᬧ᭄ᬬᬕ᭄ᬭᬶᬂᬧᬶᬬᬲᬦ᭄᭞ᬯᬾᬦ᭄ᬢᭂᬦ᭄ᬫ
ᬤᬸᬕ᭄ᬤᬸᬕ᭄ᬭᬶᬂᬘᬫ᭄ᬧ᭞ᬫᬤᬸᬓᬦ᭄ᬭᬶᬂᬩᬸᬗᬦ᭄ᬢᬜ᭄ᬚᬸᬂ᭞ᬤᬸᬄᬫᬶᬬᬶᬓ᭄ᬜᬗ᭄ᬮᬸᬄᬳᬫ᭄ᬩᬸᬦ᭄ᬜ᭟᭜᭟ᬯᬾᬦ᭄ᬢᭂᬦ᭄ᬓᬢᭀᬦ᭄ᬩᬮᬾᬳᬮᬶᬢ᭄᭞ᬲᬓᬦ᭄ᬜᬦᬾᬫᬓᬧᬢ᭄ᬧᬢ᭄᭞ᬭᬾᬬᭀᬤ᭄ᬲᬾᬦ᭄ᬤᭀᬄᬫᬢ᭄ᬭᬶᬬᬸᬕᬦ᭄᭞ᬭᭀᬫᭀᬓ᭄ᬮᭂᬧᬲ᭄ᬭᬶᬂ
ᬲᭂᬦ᭄ᬤᬶᬦ᭄ᬜ᭞ᬫᬭᬳᬩ᭄ᬤᬸᬓ᭄ᬧᬢᭂᬄᬭᬸᬲᬓ᭄᭞ᬗᬮᬦ᭄ᬢᭂᬂᬓᭂᬮᬾᬲ᭄ᬗᬮᬬᬸᬢ᭄᭞ᬮᬧᬸᬓ᭄ᬮᬤ᭄ᬕᬾᬫ᭄ᬧᬾᬮ᭄ᬮᬸᬫᬸᬢᬦ᭄᭟᭜᭟ᬦᬾᬓᬭᬶᬤᬶᬤᬸᬯᬸᬃᬓᬶᬤᬶᬓ᭄᭞ᬢᭂᬧᭀᬂᬫᬍᬫ᭄ᬧᭂᬂᬍᬫ᭄ᬧᭂᬗᬦ᭄᭞ᬳᬓᬄᬧᬓᬸᬦᬾᬜᬮᬶᬫᬢ᭄᭞ᬲᬗ᭄ᬓ
ᬦ᭄ᬩᬸᬯᬸᬂᬫᬢᬳᬲᬦ᭄᭞ᬧᬬᬸᬤᬶᬤᬸᬯᬸᬃᬳᬾᬫ᭄ᬩᭀᬦᬦ᭄᭞ᬓᬸᬤ᭄ᬬᬂᬧᬂᬮᬾᬧᬾᬕ᭄ᬩᬦ᭄ᬤᬫᬸᬄ᭞ᬭᬾᬄᬮᬸᬯᬸᬂᬫᬧᬬᬸᬂᬲᬶᬫ᭄ᬩᬃ᭟᭜᭟ᬳᬓᬄᬩᬸᬦᬸᬢᬾᬫᬗᭂᬦ᭄ᬤᬶᬕ᭄᭞ᬲᬶᬧᭀᬓ᭄ᬗᬮᬸᬫ᭄ᬩᬶᬄᬧᬶᬬᬲᬦ᭄᭞ᬗᬢᬸᬧᬭᬲ᭄ᬫ
Page:Bali-lontar-gaguritan-giriputri-250ppi.pdf/136
Jump to navigation
Jump to search
This page has been proofread.
