[᭑᭒᭗ 127B]
᭑᭒᭗
ᬦ᭄ᬗᬶᬘᬾᬦ᭄ᬧᬶᬢᬸᬢᬸᬃ᭞ᬗᬸᬦ᭄ᬢᬸᬮ᭄ᬫᬧᬶᬫᬳᬶᬢᬶᬗᭂᬳᬂ᭞ᬦᬗ᭄ᬳᬶᬂᬫᬩᭀᬬᬭᬶᬂᬳᬢᬶ᭟᭜᭟ᬫᬦᬳᬾᬢᬸᬗ᭄ᬓᬲ᭄ᬫᬩᭀᬬ᭞ᬭᬶᬂᬧᬶᬢᬸᬢᬸᬃ᭞ᬳᬬᬸᬫᬯᬰᬦᬍᬯᬶᬄ᭞ᬗᬯᬶᬦᬂᬫᬦᬳᬾᬩ᭄ᬭᬸᬲᬸᬢ᭄᭞ᬲᬶᬂᬢᬸᬓᬂᬫ᭄ᬭ
ᬲᬲᭂᬮᬂ᭞ᬲᬓᬶᬂᬲᭂᬮᬂ᭞ᬗᬸᬦ᭄ᬤᬂᬭᬸᬦ᭄ᬢᬕᬾᬫᬢᬫ᭄ᬩᬸᬦ᭄᭞ᬲᬸᬕᬶᬄᬭᬸᬦ᭄ᬢᬕᬾᬗᬯᬶᬦᬂ᭞ᬗᬾᬤᬾᬗᬂ᭠ᬢᬓᬸᬢᬾᬫᬢᬶ᭟᭜᭟ᬮᬶᬬᬦ᭄ᬧᬶᬲᬦ᭄ᬭᬶᬂᬲᬂᬧ᭄ᬭᬚ᭄ᬜᬦ᭄᭞ᬲᬦᬾᬲᬫ᭄ᬧᬸᬦ᭄᭞ᬗᭂᬮᬭᬂᬚ᭄ᬜᬦᬫᬃᬕ᭄ᬕᬶ᭞ᬲᬸᬘᬶᬢ
ᬦ᭄ᬓᬯᭀᬭᬦ᭄ᬮᭂᬢᬸᬄ᭞ᬚ᭄ᬜᬦᬦ᭄ᬳᬶᬤᬫᬮᬶᬮᬂ᭞ᬓᬗ᭄ᬕᬾᬦ᭄ᬰ᭄ᬭᬦ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬢᬸᬤᬸᬄ᭞ᬪᬓ᭄ᬢᬶᬦᬸᬮᬸᬲ᭄ᬗᬯᬾᬮᬕᬲ᭄᭞ᬧᬸᬦᬄᬲᭂᬮᬗᬾᬭᬶᬂᬳᬢᬶ᭟᭜᭟ᬓᬦᬶᬃᬫ᭄ᬫᬮᬚ᭄ᬜᬦ᭄ᬳᬶᬤ᭞ᬗᬯᬾᬢᬓᬸ
ᬢ᭄᭞ᬢᬫ᭄ᬧᭂᬓ᭄ᬧᬧᬶᬦᭂᬳᬾᬭᬸᬲᬶᬢ᭄᭞ᬰᬓ᭄ᬢᬶᬦ᭄ᬢᬶᬗ᭄ᬓᬳᬾᬭᬳᬬᬸ᭞ᬫᬸᬘᭂᬄᬲᬓᬜ᭄ᬘᬦ᭄ᬤᬸᬃᬰᬶᬮ᭞ᬲᬗ᭄ᬓᬦ᭄ᬳᬶᬤ᭞ᬲᬢᬢᬫᬦᬸᬤᬸᬢ᭄ᬓᬬᬸᬦ᭄᭞ᬭᬾᬄᬲᬮ᭄ᬯᬶᬃᬢᬶᬓᬲ᭄ᬳᬶᬤ᭞ᬢᭀᬂᬗᬶᬫ᭄ᬧᬲᬶᬦ᭄ᬰᬶᬮᬬᬸᬓ᭄ᬢᬶ᭞
[᭑᭒᭘ 128A]
᭟᭜᭟ᬢᬍᬃᬦᬾᬗᬯᬶᬦᬂᬳᬶᬤ᭞ᬚ᭄ᬭᭀᬦᬶᬂᬓᬬᬸᬦ᭄᭞ᬢ᭄ᬯᬭᬢᬓᬸᬢ᭄ᬢᭂᬓᬾᬦ᭄ᬫᬢᬶᬫᬧᬦ᭄ᬳᬶᬤᬲᬫ᭄ᬧᬸᬦ᭄ᬯᭂᬭᬸᬄ᭞ᬭᬶᬂᬦᬫ᭄ᬮᬳᬤ᭄ᬢ᭄ᬯᬭᬳᬤ᭞ᬧᬫ᭄ᬭᬕᬢ᭄ᬜ᭞ᬧᬘᬂᬳᬶᬘᬮ᭄ᬢᬦ᭄ᬧᬕᬦ᭄ᬢᬸᬮ᭄᭞ᬲᬦᬾᬢᭀᬂᬢᬳᬾᬦ᭄ᬢᭀᬂᬳ
ᬤ᭞ᬯᬦ᭄ᬢᬄᬳ᭄ᬬᬂᬲᬸᬓ᭄ᬱ᭄ᬫᬮᬶᬘᬶᬦ᭄᭟᭜᭟ᬲᬧᬸᬦᬶᬓᬲᬂᬧ᭄ᬭᬚ᭄ᬜᬦ᭄᭞ᬚᬢᬶᬯᭂᬭᬸᬄ᭞ᬫᬭᬶᬂᬓᬦ᭄ᬤᬦᬶᬂᬤᬸᬫᬤᬶ᭞ᬳᬸᬦᬶᬂᬭᬶᬂᬓᬚᬢᬾᬦ᭄ᬧᬮ᭄ᬲᬸ᭞ᬲᬸᬩᬳᬤᬧ᭄ᬭᬕᬢ᭄ᬳᬶᬮᬂ᭞ᬢᬸᬃᬲᬂᬯᬶᬓᬦ᭄᭞ᬢᭀᬂᬢᬳᬾᬦ᭄ᬲᬦ᭄ᬢᬸᬮᬶ
ᬦ᭄ᬳᬸᬦ᭄ᬤᬸᬓ᭄᭞ᬢᬦ᭄ᬓᬓ᭄ᬯᬲᬾᬂᬲᬸᬓᬤᬸᬄᬓ᭞ᬲᬗ᭄ᬓᬦ᭄ᬮᬦ᭄ᬤᬸᬳᬾᬓᬧᬗ᭄ᬕᬶᬄ᭟᭜᭟ᬲᬧᬸᬦᬶᬓᬵᬳᬢᬸᬃᬢᬶᬢ᭄ᬬᬂ᭞ᬘᭀᬗᬄᬧᬸᬭᬸᬦ᭄᭞ᬗᬸᬭᬸᬓᬂᬩ᭄ᬮᬶᬩᬶᬲ᭄ᬗᭂᬮᬗᬶ᭞ᬲᬦᬾᬲᬓᬶᬂᬭᬶᬳᬶᬦ᭄ᬓᬲᬸᬩ᭄᭞ᬜᬶᬍᬫ᭄ᬢᬦ᭄ᬩᭂᬮᬸᬲᬂᬢᭀ
ᬬ᭞ᬓᬮᬶᬲ᭄ᬓᬫ᭄ᬩᬂ᭞ᬫᬢᬶᬗ᭄ᬕᬄᬭᬶᬂᬳᭀᬫ᭄ᬩᬓ᭄ᬤᬦᬸ᭞ᬲᬧᬸᬦᬶᬓᬵᬉᬧᬫᬶᬦ᭄ᬜ᭞ᬮᬾᬤᬂᬜᬶᬦᬫ᭄ᬧᬸᬭᬳᬸᬕᬶ᭟᭜᭟ᬢᬶᬢ᭄ᬬᬂᬳᬸᬦᬶᬂᬢᬦ᭄ᬚᬧᬘᬂ᭞ᬫᬦᬄᬭᬢᬸ᭞ᬓᬤᬾᬮᭀᬦᬂᬭᬶᬂᬧᬸᬦᬧᬶ᭞ᬧᬸᬦᬶᬓᬫᬯᬦᬦ᭄ᬧᬸᬭᬸᬦ᭄
Page:Bali-lontar-gaguritan-giriputri-250ppi.pdf/129
Jump to navigation
Jump to search
This page has been proofread.
