[᭑᭒᭕ 125B]
᭑᭒᭖
ᬧᬶᬢ᭄᭞ᬲᬫᬶᬓᬳᬶᬜ᭄ᬘᭂᬧ᭄ᬭᬶᬂᬳᬢᬶ᭞ᬭᬶᬂᬢᭂᬗᬄᬕᬸᬳᬦᬾᬧᭂᬗᬸᬂ᭞ᬫᬤᬫᬃᬳᬦ᭄ᬢᬸᬓ᭄ᬩᬍᬫᬦ᭄᭞ᬦᬾᬩᭂᬓ᭄ᬫᬤᬕᬶᬂᬓᭂᬮᬤᬶ᭞ᬬᬓ᭄ᬱᬮᬸᬘᬸ᭞ᬢᬸᬗ᭄ᬕᬶᬮ᭄ᬭᬢᭂᬂᬓᬳᬢᬸᬭᬂ᭟᭜᭟ᬧᭂᬢᭂᬗᬾᬓᬕᬾᬢ᭄ᬫᬍᬲᬢ᭄᭞ᬫᭂᬮᬳᬶ
ᬩ᭄ᬓᬩᬮᬶᬓ᭄ᬪᬸᬫᬶ᭞ᬩᬦ᭄ᬢᬓᬸᬢ᭄ᬫᬧᬲ᭄ᬳ᭄ᬬᬂᬲᬸᬃᬬ᭄ᬬᬵ᭞ᬧᬓ᭄ᬱᬶᬦᬾᬭᬫᬾᬜᬸᬭ᭄ᬬᬓᬶᬦ᭄᭞ᬲᭀᬓ᭄ᬳᬶᬘᬾᬍᬧᬸᬓ᭄ᬦᬾᬲᭂᬧᬶ᭞ᬓᬦ᭄ᬢᬶᬗᬶᬤᭂᬫ᭄ᬦᬳᬦᬂᬢᬓᬸᬢ᭄᭞ᬭᬾᬄᬓᬢᬶᬗ᭄ᬕᬮ᭄ᬭᬶᬂᬓᬦ᭄ᬢᬶᬦ᭄ᬜ᭞ᬦᬗ᭄ᬳᬶᬂᬢᭀᬂᬜᬓ᭄ᬜᭂᬭᬄ
ᬕᭂᬮᬶᬲ᭄᭞ᬜᬦᬦ᭄ᬳᬶᬧᬸᬦ᭄᭞ᬧᬲᬂᬫᬮᬶᬄᬓᬯᬍᬲᬂ᭟᭜᭟ᬭᬶᬂᬯᬸᬲᬦᬾᬲᬂᬅᬃᬚ᭄ᬚᬯ᭞ᬫᬸᬓ᭄ᬢᬶᬢᬫ᭄ᬩᬸᬲᬦ᭄ᬓᬮᬤᬶ᭞ᬫᬮᬶᬄᬳᬶᬤᬫᬗᬦ᭄ᬤᬶᬓᬵ᭞ᬤᬸᬄᬓᬓᬶᬭᬵᬓ᭄ᬱᬲᬰᬓ᭄ᬢᬶ᭞ᬚᬮᬦ᭄ᬳᬫᭀᬦ᭄ᬢᭀᬦᬾᬚᬦᬶ᭞
ᬲᬢ᭄ᬯᬦᬾᬧᬗ᭄ᬓᭂᬤᬂᬫᬮᬸ᭞ᬯᬶᬭᬾᬄᬲᬸᬩᬧᬲᭂᬫᭂᬗᬦ᭄᭞ᬳᬶᬬᬂᬧᬸᬫᬸᬦ᭄ᬢᬸᬓ᭄ᬦᬾᬚᬦᬶ᭞ᬓᬓᬶᬧᬬᬸ᭞ᬩᬋᬂᬢᬗ᭄ᬓᬶᬮ᭄ᬓᬧᬰ᭄ᬭᬫᬦ᭄᭟᭜᭟ᬲᬶᬗ᭄ᬕᬶᬄᬭᬢᬸᬬᬦᬶᬂᬯᬦ᭄ᬢᬄ᭞ᬤᬤᭀᬲ᭄ᬳᬗ᭄ᬕᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬚ
[᭑᭒᭖ 126A]
ᬢᭂᬫᭂᬍᬤ᭄ᬫᬦᬄᬢᬢᬢ᭄ᬬᬂ᭞ᬢᬗ᭄ᬓᬶᬮ᭄ᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬳᬶᬭᬶᬓᬭᬶᬂᬕᬶᬭᬶᬧᬸᬢ᭄ᬭᬶ᭞ᬲᬫ᭄ᬩᬶᬮ᭄ᬗᬶᬭᬶᬗᬂ᭞ᬳᬶᬭᬢᬸ᭞ᬓᬾᬢᭀᬳᬢᬸᬃᬳᬶᬭᬓ᭄ᬱᬲ᭞ᬲᬂᬅᬃᬚ᭄ᬚᬯᬫᬗᬤᬸᬗᬶᬦ᭄᭞ᬘ᭄ᬭᬶᬢᬲᬫ᭄ᬧᬸᬦ᭄᭞ᬫᭂᬢᬸᬲᬂᬓ᭠
ᬮᬶᬄᬫᬫᬃᬕᬕ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬓᬢᭀᬦ᭄ᬲᬤᬫᬮᭀᬦ᭄ᬮᭀᬦᬦ᭄᭞ᬦᬸᬜ᭄ᬘᬧ᭄ᬫᬸᬦ᭄ᬤᬸᬓ᭄᭞ᬓᬲᭀᬮ᭄ᬓᬲᭀᬮ᭄ᬬᬫᬫᬃᬕ᭄ᬕᬶ᭞ᬗᬺᬕᬄᬦ᭄ᬭᬶᬧᬶᬂᬲᬶᬮᬓ᭄ᬲᬶᬮᬸᬓ᭄᭞ᬩᬢᬸᬫᬕᭂᬂᬢᬶᬗ᭄ᬩᬶᬮ᭄ᬓᬢᬾ᭞ᬓ
ᬲᬸᬮᬸᬩᬦ᭄᭞ᬕᭀᬯᭀᬓ᭄ᬤᬍᬫ᭄ᬳᬓᬾᬄᬧᬗ᭄ᬕᬸᬄ᭞ᬭᬗ᭄ᬤᬸᬧᭀᬭᭀᬂᬓᬪᬶᬦᬯ᭞ᬚᬾᬗ᭄ᬕᭀᬢ᭄ᬢᬭᬸᬧᬲᬸᬮᬯᬶᬃ᭟᭜᭟ᬳᬶᬭᬵᬓ᭄ᬱᬲᬦᬾᬭᬶᬳᬶᬦᬦ᭄᭞ᬫᬓ᭄ᬩᬓ᭄ᬤᬶᬢᬸ᭞ᬮᬢᭂᬂᬓᬶᬤᬗᬾᬳᬜᬫ᭄ᬧᬶᬄ
᭞ᬳᭂᬫ᭄ᬧᬢ᭄ᬳᬢᭂᬧ᭄ᬚᭂᬚᭂᬮ᭄ᬫᬮᬸᬳᬸᬦ᭄᭞ᬓᭂᬤᬧᬦ᭄ᬜᬫᬲᬯᬂᬩᬂ᭞ᬗᬺᬲᬶᬦ᭄ᬫᬦᬄ᭞ᬬᬦ᭄ᬮᬘᬸᬃᬦ᭄ᬢᭀᬩᬓᬢ᭄ᬧᬸᬯᬸᬓ᭄᭞ᬫᭂᬤᬂᬮᬢᭂᬂᬗᬾᬫᬳᬸᬧᬲ᭄᭞ᬓᭂᬩ᭄ᬬᬄᬓᭂᬩ᭄ᬬᬸᬄᬲᬓᬶᬢ᭄ᬕᭂᬦᬶᬢ᭄᭟᭜᭟ᬕ᭄ᬮᬶᬲᬶᬂ
Page:Bali-lontar-gaguritan-giriputri-250ppi.pdf/127
Jump to navigation
Jump to search
This page has been proofread.
