[᭑᭑᭔ 114B]
᭑᭑᭕
᭞ᬕ᭄ᬭᬶᬬᬦ᭄ᬳᬶᬤᬢᬶᬢ᭄ᬬᬂᬳᬸᬦᬶᬂ᭞ᬤᬸᬓ᭄ᬗᬢᭂᬳᬶᬦ᭄ᬳᬶᬧᬸᬦ᭄ᬭᬶᬳᬶᬦ᭄᭞ᬓᬾᬢᭀᬲᬂᬅᬃᬚ᭄ᬚᬯᬫᬢᬸᬃ᭞ᬲᬂᬢᬧᬓᭂᬜᬸᬂᬫᬦᬶᬫ᭄ᬩᬮ᭄᭞ᬥᬸᬄᬳᬦᬓ᭄ᬳᬃᬚ᭄ᬚᬯᬵᬘᭂᬦᬶᬂ᭞ᬤᬚᬓᬶᬫᬸᬤ᭄᭞ᬳᭂᬦ᭄ᬢᭀᬳᬦᬓ᭄ᬲᬸᬩᬧᭂᬭᬄ᭟᭜᭟ᬳᬦ
ᬓᬾᬓᬦ᭄ᬢᬸᬦ᭄ᬢᬭᬸᬡ᭞ᬢᬶᬫ᭄ᬧᬮ᭄ᬜᬫᬸᬮᬢᬭᬸᬡᬶ᭞ᬲᬗᭂᬢ᭄ᬲᭂᬗ᭄ᬓᬫᬫᬸᬘᭂᬳᬂ᭞ᬦᬾᬫᬤᬦ᭄ᬳᬶᬦ᭄ᬤ᭄ᬭᬶᬬᬰᬓ᭄ᬢᬶ᭞ᬓᬮᬶᬂᬓᬾᬩᬧᬮᬦ᭄ᬘᭂᬦᬶᬂ᭞ᬜᬶᬤᬬᬂᬗᬮᬗᬶᬦ᭄ᬳᬦ᭄ᬢᬸᬓ᭄᭞ᬢᬶᬫᬦ᭄ᬳᬶᬤᬲᬂᬲᬸᬚᬦ᭞ᬦᬾᬲᬫ᭄ᬧᬸᬦ᭄ᬫᭀ
ᬮᬶᬳᬶᬂᬓᬾᬃᬢ᭄ᬢᬶ᭞ᬮᬶᬬᬸᬗᬬᬸᬄ᭞ᬧᬸᬧᬸᬢ᭄ᬤᬸᬭᬸᬲ᭄ᬫᬕ᭄ᬭᬳᬲ᭄ᬢ᭟᭜᭟ᬦᬾᬳᬤᬧᬳᬶᬗᭂᬢ᭄ᬩᬧ᭞ᬲᬤᬸᬭᬸᬂᬢᬸᬢᬸᬕ᭄ᬳᬶᬘᭂᬦᬶᬂ᭞ᬫᬳᬸᬭᬸᬓᬶᬦ᭄ᬤᬕᬶᬂᬢᬢ᭄ᬯ᭞ᬧᬂᬢᬯᬂᬓᬦ᭄ᬤᬦ᭄ᬤᬸᬫᬤᬶ᭞ᬦ᭄ᬤᬾᬦ᭄ᬳᬶᬚᬸᬫᬗᬫᬾᬢ᭄ᬭᬩᬶ᭞ᬢᬸᬢ᭄
ᬕᬂᬫᬮᬸᬳᬶᬩᬕᬸᬲ᭄᭞ᬫ᭄ᬮᬚᬄᬤᬶᬦᬶᬳᬚᬓ᭄ᬩᬧ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬫᬦᬶᬫᬦᬶ᭞ᬚ᭄ᬭᭀᬦᬶᬂᬳᬶᬤᬸᬧ᭄᭞ᬫᬕᬸᬡᬤᬶᬦᬶᬤᬶᬚᬕᬢ᭄᭟᭜᭟ᬳᭂᬤᬧᭂᬲᬦ᭄ᬢᬸᬦᬬᬢ᭄ᬦ᭞ᬫᬢᬶᬗ᭄ᬓᬄᬚᭂᬭᭀᬦᬶᬂᬳᬸᬭᬶᬧ᭄᭞ᬓ
[᭑᭑᭕ 115A]
ᬢᬸᬢᬦ᭄ᬳᬗ᭄ᬕᭀᬦ᭄ᬤᬲᬃ᭞ᬗᬮᬶᬄᬲᬮᬸᬭᬶᬦ᭄ᬦᬾᬳᬮᬶᬄ᭞ᬳᭂᬤᬕᬗ᭄ᬕᬸᬫᬦᭂᬕᬭᬶᬦ᭄᭞ᬓᬜ᭄ᬘᬦ᭄ᬘᭀᬭᬳᬾᬦᬾᬓᬤᬸᬓ᭄᭞ᬢᬸᬲᬶᬂᬢᬳᬾᬦ᭄ᬮᬓ᭄ᬱᬡᬬᬂ᭞ᬫᬶᬗ᭄ᬓᬶᬦ᭄ᬲᬸᬩᬯᬂᬘᭂᬦᬶᬂ᭞ᬘᭀᬭᬄᬳᬶᬓᬸ᭞ᬫ
ᬢᬸᬗ᭄ᬓᬲ᭄ᬢᭂᬓᬾᬦ᭄ᬓᬥᬃᬫ᭄ᬫᬦ᭄᭟᭜᭟ᬲᬗ᭄ᬓᬦ᭄ᬜᬦ᭄ᬤᬂᬧᬺᬢ᭄ᬬᬓ᭄ᬱᬬᬂ᭞ᬲᬓᬜ᭄ᬘᬦ᭄ᬳᬸᬦ᭄ᬤᬸᬓᬾᬲᬫᬶ᭞ᬦᬾᬫᭂᬢᬸᬲᬓᬶᬓᬬᬯᬓ᭄᭞ᬫᬦᬄᬘᭂᬦᬶᬗᬾᬧᬶᬢᬸᬯᬶ᭞ᬬᬦ᭄ᬘᭂᬦᬶᬂᬢ᭄ᬯᬭᬜᬸᬫ᭄ᬧᭀᬦᬶᬦ᭄᭞ᬩᬶᬮᬶᬄᬗᬯᬾ᭠
ᬲᬓᬶᬢ᭄ᬓᬬᬸᬦ᭄᭞ᬳᬶᬤᬤᬦᬾᬭᬶᬂᬧᬸᬦᬶᬓᬵ᭞ᬳᬾᬗ᭄ᬕᬮᬂᬧᬸᬘᭂᬄᬤᬶᬳᬢᬶ᭞ᬧᬗ᭄ᬤᬢᬸᬫ᭄ᬩᬸᬄ᭞ᬲᬮ᭄ᬯᬶᬃᬗᬯᬾᬲᬓᬶᬢ᭄ᬚᬕᬢ᭄᭟᭜᭟ᬳᬧᬩᬸᬯᬶᬦ᭄ᬘᭂᬦᬶᬂᬲᬬᬂ᭞ᬧᬦᬗ᭄ᬓᬦᬾᬩᬸᬓᬚᬦᬶ᭞ᬚ᭄ᬭᭀᬦᬶᬂᬓᬮᬶᬬᬸᬕ
ᬦᬦᬓ᭄᭞ᬮᬶᬬᬸᬳᬦᬓ᭄ᬫᬶᬤᭂᬧ᭄ᬧᬮᬶᬂ᭞ᬳᬶᬩᭂᬮᭀᬕ᭄ᬬᬫᬧᬶᬭᬶᬭᬶᬄ᭞ᬳᬶᬧ᭄ᬬᬦᬓ᭄ᬳᬮ᭄ᬧᬓᬕᬸᬭᬸ᭞ᬩᬯᭀᬲ᭄ᬳᬮᬸᬲ᭄ᬢᬦ᭄ᬓᬳᬾᬢᬂ᭞ᬲᬂᬧ᭄ᬭᬚ᭄ᬜᬦ᭄ᬲᭀᬓ᭄ᬓᬘᬫ᭄ᬧᬳᬶᬦ᭄᭞ᬮᬶᬬᬸᬕᬸᬮᬸᬓ᭄᭞ᬗᬚᬧᬚᬧ᭄ᬤ
Page:Bali-lontar-gaguritan-giriputri-250ppi.pdf/116
Jump to navigation
Jump to search
This page has been proofread.
