[᭑᭑᭐ 110B]
᭑᭑᭑
ᬭᬓᭀᬩᭂᬢ᭄ᬗᬫ᭄ᬧᬸᬭᬬᬂ᭟᭜᭟ᬓᬾᬢᭀᬳᬸᬦ᭄ᬢᬸᬂ᭞ᬲᬂᬚᭂᬫᭂᬢ᭄ᬗᬸᬮᬶᬓ᭄ᬰᬲ᭄ᬢ᭄ᬭᬵᬚᬶ᭞ᬦ᭄ᬢᭀᬓ᭄ᬭᬡᬕᬶᬩ᭄ᬭ᭠ᬲᬂ᭞ᬤᭂᬫᭂᬦ᭄ᬤᭂᬦᭂᬦ᭄ᬤᭂᬦᬦ᭄ᬩᬸᬯᬶᬦ᭄᭞ᬗᭂᬓᭀᬄᬳᬢᬶᬦᬾᬢᬶᬗ᭄ᬕᬮᬂ᭟᭜᭟ᬬᬦᬶᬂᬓᬤᬸᬓ᭄᭞ᬗᭂᬓᭀᬄᬳᬢᬶ
ᬦᬾᬳᬸᬮᬸᬭᬶᬦ᭄᭞ᬲᬤ᭄ᬬᬦᬾᬗᭂᬚᭀᬳᬂ᭞ᬫᬗ᭄ᬓᬶᬦ᭄ᬓᬤᬸᬓ᭄ᬲᬫ᭄ᬩᬶᬮ᭄ᬧᭂᬮᬶᬄ᭞ᬩᬳᬦ᭄ᬗᬮᬶᬄᬓᬓᬲᬶᬳᬦ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬂᬫᬶᬲᬤ᭄ᬬᬫᬢᬶᬦᬗᬂ᭞ᬳᬶᬦ᭄ᬤᬶᬓ᭄ᬭᬶᬂᬳᬶᬤᬲᬂᬋᬱᬶ᭞ᬩᭀᬜ᭄ᬘᭀᬲ᭄ᬗᭂᬢᬹ
ᬢ᭄ᬲᬂᬅᬃᬚ᭄ᬚᬯ᭞ᬳᬕᭂᬢ᭄ᬳᬗᬶᬦᬾᬗᬶᬮᭀᬦᬶᬦ᭄᭞ᬗᬯᬶᬦᬂᬢᬦ᭄ᬧᭂᬮᬸᬄᬧᬶᬤᬶᬢ᭄᭞ᬗᭂᬦ᭄ᬢᬧ᭄ᬲᬸᬦᬸᬢ᭄ᬲᬶᬮᬓ᭄ᬲᬶᬮᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬦ᭄ᬗᬫᬸᬗ᭄ᬕᬳᬂ᭞ᬬᬦ᭄ᬮ᭄ᬬᬦᬦ᭄ᬭᬶᬂᬕᬶᬭᬶᬧᬸᬢ᭄ᬭᬶ᭞ᬲᬶᬦᬄᬕᭂᬧᬸ᭞ᬫᭀᬦ᭄ᬢᭀᬲᬸᬯᬾ
ᬦ᭄ᬜᬗᬸᬗ᭄ᬕᬳᬂ᭟᭜᭟ᬳᬦ᭄ᬢᬸᬓ᭄ᬳᬓᬾᬄᬦᬾᬦᬸᬗ᭄ᬓᬸᬮᬂ᭞ᬯᬾᬦ᭄ᬢᭂᬦ᭄ᬜᬭᬶᬂᬢᭂᬗᬄᬫᬃᬕ᭄ᬕᬶ᭞ᬩᬸᬭᬾ᭠ᬦᬾᬫᬗᬾᬦ᭄ᬤᬄᬧᬾᬮᬕ᭄᭞ᬧᬲᭂᬮᬶᬬᬩ᭄ᬫᭂᬕᬢ᭄ᬫᬃᬕ᭄ᬕᬶ᭞ᬲᬫᬶᬓᬤᬶᬫᬜᬬᬢᬶᬦ᭄᭞ᬯᬯᬸᬭᬯᬸᬄᬚ᭄ᬭᭀᬢᬫ᭄ᬬᬸ
[᭑᭑᭑ 111A]
᭞ᬘᬭᬓᬾᬢᭀᬓᬭᬲᬬᬂ᭞ᬲᬗ᭄ᬓᬦ᭄ᬩᭀᬄᬜᬮᬶᬫ᭄ᬧᬸᬢ᭄ᬩᬢᬶᬲ᭄᭞ᬓᬬᬂᬮᬸᬢᬸᬂ᭞ᬳᬶᬭᬶᬓᬢᬦ᭄ᬯᬾᬦ᭄ᬢᭂ᭠ᬦ᭄ᬩᬶᬚᬮ᭄᭟᭜᭟ᬕᬶᬭᬂᬲᬂᬓᬮᬶᬄᬳᬶᬭᬶᬓ᭞ᬲᬫ᭄ᬩᬶᬮ᭄ᬗᭂᬦ᭄ᬢᬧ᭄ᬲᬸᬦᬸᬢ᭄ᬩᬺᬲᬶᬄ᭞ᬳᬦ᭄ᬢᬸᬓ᭄ᬲᬳᬶᬫᬧᬶᬬᬭ᭞ᬫᬯᬶᬦ
ᬦ᭄ᬕᬮᬂᬜᬸᬭᬶᬭᬶᬢ᭄᭞ᬳᬯᬸᬩᬾᬦᬾᬗᬸᬭᬫ᭄ᬩᬢᬶᬦ᭄᭞ᬳᬢᬧ᭄ᬫᬭᬜ᭄ᬘᬧ᭄ᬓᬤᬸᬮᬸ᭞ᬘᬫᬭᬦᬾᬫᬮᬾᬕᭀᬲᬦ᭄᭞ᬲᬺᬬᬂᬲᬺᬬᭀᬂᬢᭂᬫ᭄ᬧᬸᬄᬳᬗᬶᬦ᭄᭞ᬮᬫ᭄ᬢᭀᬭᭀᬕᬸᬂ᭞ᬦᬗ᭄ᬓᭂᬩ᭄ᬕᬸᬦᬸᬂᬫᬳᬶᬍᬳ
ᬦ᭄᭟᭜᭟ᬯᬶᬢ᭄ᬓᬧᬄᬓᬧᬄᬳᬶᬭᬶᬓ᭞ᬲᬫᬶᬩᬗᭂᬢ᭄ᬗᬧᬶᬗᭀᬦᬶᬦ᭄᭞ᬓᬤᬶᬓᬶᬤᬗᬾᬓᬓᭀᬢ᭞ᬢᬸᬫ᭄ᬩᬾᬦ᭄ᬗᭂᬦᭀᬢ᭄ᬮᬶᬲ᭄ᬢ᭄ᬭᬶᬓ᭄ᬗᭂᬦ᭄ᬤᬶᬄ᭞ᬓᬤᬮᭀᬦᬮᬦ᭄ᬢᬸᬤ᭄ᬫᬃᬕ᭄ᬕᬶ᭞ᬢᬸᬫ᭄ᬩᬾᬦ᭄ᬢᬸᬫ᭄ᬩᬾᬦᬾᬓᬕᬸᬦᬸᬂ᭞ᬓᬸ
ᬤ᭄ᬬᬂᬩᬦ᭄ᬢ᭄ᬯᬭᬗᬗᭀᬩᬂ᭞ᬭᬾᬄᬲᭂᬓᭂᬦ᭄ᬓᬢᭀᬦ᭄ᬮᭂᬲ᭄ᬢᬭᬶ᭞ᬕᬶᬭᬶᬯᬥᬸ᭞ᬧᬦ᭄ᬢᭂᬲ᭄ᬓᬮᭀᬓ᭄ᬢᬄᬭᬶᬂᬚᬕᬢ᭄᭟᭜᭟ᬦᬾᬩᬗᭂᬢ᭄ᬤᬤᭀᬲ᭄ᬗᬾᬦ᭄ᬗᭀᬦᬦ᭄᭞ᬮ᭄ᬬᬦᬦ᭄ᬭᬶᬂᬕᬸᬦᬸᬗᬾᬭᬯᬶᬢ᭄᭞ᬫᬓᬓᬸᬯᬸᬩ᭄ᬮᭂᬫ᭄ᬧᬸᬂ
Page:Bali-lontar-gaguritan-giriputri-250ppi.pdf/112
Jump to navigation
Jump to search
This page has been proofread.
