This page has been proofread.
[᭑᭐᭗ 107B]
᭑᭐᭘
᭞ᬲᬫ᭄ᬧᬸᬦ᭄ᬫᬤᬸᬯᬾᬍᬓ᭄ᬳᬢᬶ᭞ᬲᬸᬓ᭄ᬱ᭄ᬫᬦ᭄ᬮᭂᬓᬾᬉᬢ᭄ᬢᬫ᭟᭜᭟ᬯᬦ᭄ᬢᬄᬳᬶᬧᬸᬦ᭄᭞ᬳᬶᬩᭂᬮᭀᬕ᭄ᬩᭂᬗ᭄ᬓᬸᬂᬢᭀᬂᬗᬃᬢ᭄ᬢᬶ᭞ᬫᬮᬶᬄᬬᬜᭂᬓᭂᬦᬂ᭞ᬚᬤ᭄ᬫᬦᬾᬲᬩᬢᬦ᭄ᬮᬗᬶᬢ᭄᭞ᬢᬦ᭄ᬳᭀᬜᬫᬤ᭄ᬯᬾᬍᬓ᭄ᬫᬦᬄ᭟᭐
᭟ᬬᬦ᭄ᬭᬯᭀᬲᬂ᭞ᬲᬂᬪᬶᬫᬲᬂᬓᬸᬭᬸᬧᬢᬶ᭞ᬓᬺᬱ᭄ᬡᬵᬩᬮᬤᬾᬯ᭞ᬲᬂᬧᬃᬣᬅᬯᬗ᭄ᬕᬧᬢᬶ᭞ᬲᬋᬂᬲᬶᬋᬧ᭄ᬫᬮᬶᬄᬚᬳᬦ᭄᭟᭜᭟ᬓᬾᬢᭀᬫ᭄ᬭᬸᬩᬸᬲ᭄᭞ᬧᭂᬢᬦ᭄ᬳᬶᬩᭂᬗ᭄ᬓᬗᬾᬗᭂᬫ᭄ᬩᬶᬃ᭞ᬢᭀᬂᬦᬯᬂᬮᬮᬶ
[᭑᭐᭘ 108A]
ᬦ᭄ᬢᬄ᭞ᬗᭀᬫ᭄ᬧᬂᬲᬫ᭄ᬩᬶᬮ᭄ᬤᭂᬮᬓ᭄ᬓᭂᬮᬶᬓ᭄᭞ᬢᬸᬮ᭄ᬬᬫᬢᬦ᭄ᬤᬯᬂᬤᬯᬂ᭟᭜᭟ᬚᭂᬕ᭄ᬓᬢᬸᬦ᭄ᬤᬸᬦ᭄᭞ᬧᬮᬶᬂᬓᭂᬤᬾᬓ᭄ᬲᬂᬫᬶᬭᬕᬶ᭞ᬳᬶᬩᭂᬗ᭄ᬓᬸᬂᬗᬭᬾᬘᬓ᭄᭞ᬓᬤᬶᬳᭀᬜᬓᬳᬸᬦᬶᬗᬶᬦ᭄᭞ᬫᬧᭂᬢᬢᭀᬂ
ᬤᬤᬶᬲᭂᬮᬕ᭄᭟᭜᭟ᬢᭂᬓᬦᬤᬓ᭄᭞ᬳᬶᬩᭂᬗ᭄ᬓᬸᬂᬫᬢᭂᬤ᭄ᬫᬫᬸᬜᬶ᭞ᬭᬾᬄᬓᬫᬸᬮᬦ᭄ᬓᭂᬢ᭞ᬩᬸᬗᬸᬢ᭄ᬜᬳᭂᬗ᭄ᬕᬂᬫᬤᬶᬤᬶᬄ᭞ᬳᬕᭂᬢ᭄ᬯᬾᬦ᭄ᬢᭂᬦ᭄ᬗᬢᬭᬬᬂ᭟᭜᭟ᬳᬸᬮᬶᬂᬧᬶᬤᬦ᭄᭞ᬘᬳᬶᬓᭂᬦᬕᬸᬡᬦ᭄ᬓᭂᬮᬶᬃ᭞ᬳᬸ
ᬮᬸᬓᬸᬮᬸᬓ᭄ᬯᬬᬂ᭞ᬫᬢᬦᬾᬓᬦ᭄ᬢᬶᬫᬩᬤᬶᬂ᭞ᬯᬬᬗᬾᬓᬤᬾᬦ᭄ᬫᬦᬸᬱ᭟᭜᭟ᬘᬳᬶᬢᬳᬾᬦ᭄᭞ᬫᬩᬮᬶᬄᬯᬬᬂᬤᬶᬓᭂᬮᬶᬃ᭞ᬤᬸᬓ᭄ᬗᬭᬫᬬᬦ᭞ᬫᬕᭂᬦ᭄ᬤᬾᬃᬫᬓᭂᬫ᭄ᬧᬸᬮ᭄ᬚᬗᬶᬄ᭞ᬫᬓᭂᬦᭀᬓ᭄ᬫᬘᬾᬂᬘᬾᬶ᭠
ᬓᭂᬦ᭄ᬤᬂ᭟᭜᭟ᬲᬚᬮᬸᬯᬸᬂ᭞ᬳᬶᬕᭂᬮ᭄ᬯᬬᬗᬾᬗ᭄ᬮᬗᭂᬦᬶᬦ᭞ᬫᬶᬗ᭄ᬓᬶᬦ᭄ᬲᬂᬲᬸᬕ᭄ᬭᬶᬯ᭞ᬤᬸᬓ᭄ᬤᬦᬾᬫᬧ᭄ᬭᬂᬢᬦ᭄ᬤᬶᬂ᭞ᬭᬶᬂᬲᬂᬩᬮᬶᬢᭀᬭᬦᬦ᭄ᬜ᭟᭜᭟ᬲᬮᬶᬂᬩᬢ᭄ᬩᬢ᭄᭞ᬓᬤᬾᬦ᭄ᬯᬬᬗᬾᬫᬸᬜᬶ᭞ᬜ
