[᭑᭐᭕ 105B]
᭑᭐᭖
ᬦᬶᬢ᭄ᬭ᭄ᬬ᭟᭜᭟ᬩᭂᬮᭀᬕ᭄ᬧᬗ᭄ᬕᬸᬂᬢᬦ᭄ᬳᬸᬦᬶᬂᬜᬸᬓᬦᬶᬦ᭄ᬳᬢᬶ᭞ᬲᭂᬩᭂᬂᬫᬭᬸᬗᬸᬲᬂ᭞ᬧᬸᬧᬸᬢ᭄ᬯᬦ᭄ᬢᬄᬫᬦᭀᬍᬕᬶᬦ᭄᭞ᬢ᭄ᬯᬭᬩᬶᬲᬫᬓᬶᬧᭂᬓᬦ᭄᭟᭜᭟ᬩᬦ᭄ᬢᬲ᭄ᬦᬸᬚᬸ᭞ᬭᬯᬸᬄᬢᬫ᭄ᬬᬸᬓᬧᬄᬳᬾᬮᬶᬂ᭞ᬫᬭᬶᬂᬧᭀᬦ᭄ᬤᭀ
ᬓ᭄ᬢᬶᬢ᭄ᬬᬂ᭞ᬗᬾᬗ᭄ᬕᬮᬂᬢᬶᬢ᭄ᬬᬂᬜᬮᬶᬩ᭄ᬲᬶᬩ᭄᭟᭜᭟ᬩᬦ᭄ᬢᬦ᭄ᬳᬸᬦᬶᬂᬫᬘᬧᬢᬦ᭄᭟᭜᭟ᬧᬸᬢ᭄ᬭᬶᬕᬸᬦᬸᬂ᭞ᬢ᭄ᬯᬭᬦᬯᬂᬭᬲᬦ᭄ᬦᬲᬶ᭞ᬯᬋᬕᬂᬓᬲᬾᬮ᭞ᬫᬯᬶᬦᬦ᭄ᬜᬮᬶᬦᬾᬘᭂᬭᬶᬓ᭄᭞ᬫᬦᬳᬾᬳᬘᭂᬗ᭄ᬓᬂᬦᬸᬗ᭄ᬓᬓ᭄᭞
᭟᭜᭟ᬚᭀᬄᬧᬭ᭞ᬲᬶᬤᬤᬤᭀᬲ᭄ᬳᬦᬓ᭄ᬭᬶᬭᬶᬄ᭞ᬦᬾᬲᬸᬕᬶᬄᬯᬶᬯᬾᬓ᭞ᬢᬢᬲ᭄ᬭᬶᬂᬳᬗ᭄ᬓᬶᬬᬦ᭄ᬕᬸᬫᬶ᭞ᬓᭂᬜ᭄ᬘᬄᬭᬶᬂᬲᬮ᭄ᬯᬶᬃᬓᭂᬜ᭄ᬘᬦ᭄᭟᭜᭟ᬬᬦᬶᬂᬢᬶᬢ᭄ᬬᬂ᭞ᬲᬶᬭᬗᬗ᭄ᬓᬾᬦ᭄ᬢᭂᬤᬸᬂᬕᬸᬫᬶ᭞ᬦᬾᬲᬫ᭄ᬧᬸᬦ᭄ᬓᬭ᭄ᬯᬦ᭄᭞ᬳᬸ
ᬦᬶᬂᬯᬦ᭄ᬢᬄᬧᬓᬸᬮᬶᬓᬶᬂ᭞ᬫᬩᬜ᭄ᬚᬭᬦ᭄ᬗᬚᬓ᭄ᬮᬸᬩᬓ᭄᭟᭜᭟ᬲᬧᬸᬦᬶᬓᬵ᭞ᬤ᭄ᬬᬄᬫᬢ᭄ᬭ᭄ᬬᬜᬯᬸᬭᬶᬦ᭄᭞ᬢᬤᬄᬫᬭᬸᬗᬸᬲᬂ᭞ᬲᬓᬶᬂᬤᬸᬯᭂᬕ᭄ᬗᬯᬾᬳᬚᬶ᭞ᬓᬤᬶᬗᬫ᭄ᬩᬸᬮ᭄ᬫᬢᭂᬳᭂᬦᬦ᭄᭟᭜᭟ᬳᬸᬓᬸᬄᬜᬯᬸᬃ᭞ᬲᬂᬅᬃᬚ᭄ᬚ
[᭑᭐᭖ 106A]
ᬯᬵᬗ᭄ᬯᬯᬦᬶᬦ᭄᭞ᬚᭂᬕ᭄ᬦᬤᬓ᭄ᬫᬯᭀᬲᬂ᭞ᬢᬦ᭄ᬫᬫ᭄ᬧᬸᬄᬜᬸᬚᬸᬓᬂᬤᬶᬭᬶ᭞ᬲᬗ᭄ᬓᬦ᭄ᬩᬋᬂᬫᬲ᭄ᬮᬾᬧᭀᬲᬦ᭄᭟᭜᭟ᬧᬸᬧᬸᬢ᭄ᬤᬶᬢᬸ᭞ᬧᬥᬩᭂᬗᭀᬂᬫᬓᬓᬮᬶᬄ᭞ᬢᭂᬧᬾᬦ᭄ᬤᬯᬸᬄᬰᬹᬦ᭄ᬬ᭞ᬦᬗ᭄ᬳᬶᬂᬢᬗᬦ᭄ᬜᬦᬾᬕᬸ
ᬤᬶᬧ᭄᭞ᬲᬂᬅᬃᬚ᭄ᬚᬯᬗᭂᬮᬸᬢ᭄ᬫᬤ᭄ᬬ᭟᭜᭟ᬲᬦᬾᬓᬶᬯ᭞ᬗᭂᬮᬸᬢ᭄ᬩᬳᬸᬗᬭᬲ᭄ᬧᬶᬧᬶ᭞ᬦᬾᬳᬗ᭄ᬓᭂᬩᬶᬄᬦ᭄ᬭᭀᬫ᭞ᬲᬗ᭄ᬓᬦ᭄ᬲᬭᬸᬯᬦ᭄ᬳᬓᬶᬤᬶᬓ᭄᭞ᬦᬧᬶᬓᬾᬫᬲᭂᬧ᭄ᬲᭂᬧ᭄ᬮᬶᬤᬄ᭟᭜᭟ᬦᬶᬫᬾᬢ᭄ᬭ᭄ᬬ᭞ᬓ
ᬤᬾᬦ᭄ᬲᬚᬍᬓ᭄ᬳᬢᬶ᭞ᬓᬶᬫᬸᬤ᭄ᬫᬢᬶᬍᬲᬂ᭞ᬢᬓᬸᬢ᭄ᬗᭂᬦ᭄ᬢᬸᬮ᭄ᬳᬦᬓ᭄ᬫ᭄ᬯᬦᬶ᭞ᬦᬗ᭄ᬳᬶᬂᬯᬯᬸᬧᬤᬤ᭄ᬯᬦᬦ᭄᭟᭜᭟ᬢᭂᬓᬵᬧᬢᬸᬄ᭞ᬕᬮᬓ᭄ᬜᬭᬶᬲᬦᬾᬫ᭄ᬯᬦᬶ᭞ᬢᭂᬓᭂᬓ᭄ᬫᬕᬺᬫᭂᬢᬦ᭄᭞ᬢᬗᬦ᭄ᬜᬗᭂᬮᬸᬢ᭄ᬜᬗ᭄ᬓᬸ
ᬢᬶᬦ᭄᭞ᬗᭀᬬᭀᬢ᭄ᬧᬶᬧᬶᬫᭂᬤ᭄ᬫᬶᬤᬦ᭄᭟᭜᭟ᬘᬸᬗᬸᬄᬫᬜ᭄ᬘᬸᬂ᭞ᬤ᭄ᬬᬲ᭄ᬢᬸᬳᬩᬸᬮᬦ᭄ᬧ᭄ᬭᬩᭀᬢᬶᬦ᭄᭞ᬳᬗ᭄ᬕᬾᬦ᭄ᬗᬸᬋᬓ᭄ᬫᬸᬳᬵ᭞ᬢᬦ᭄ᬧᬘᬂᬢᬸᬢᬸᬤ᭄ᬳᬓᬶᬤᬶᬓ᭄᭞ᬧᬸᬧᬸᬢ᭄ᬬᬗᬲᬸᬦᬦᬸᬗ᭄ᬕᬮ᭄᭟᭜᭟
Page:Bali-lontar-gaguritan-giriputri-250ppi.pdf/107
Jump to navigation
Jump to search
This page has been proofread.
