[᭑᭗ 17B]
᭑᭗
ᬢᬦ᭄ᬤᬤᬶᬧᬘᬂᬮᬓᭀᬦᬶᬦ᭄᭞ᬳᬧᬦ᭄ᬮᬭᬗᬦ᭄ᬲᬚᬢᬶ᭞ᬤᬰᬾᬦ᭄ᬤ᭄ᬭᬶᬬᬰᬢ᭄ᬭᬸᬦᬶᬧᬸᬦ᭄᭞ᬧᬶᬢ᭄ᬕᭂᬲᬾᬤᬰᬰᬶᬮ᭞ᬧᬗ᭄ᬳᬺᬢᬦ᭄ᬤᬰᬾᬦ᭄ᬤ᭄ᬭᬶᬬᬾᬓᬶ᭞ᬰᬓ᭄ᬢᬶᬳᬕᬸᬂ᭞ᬗᬃᬤ᭄ᬥᬶᬘ᭄ᬦᬶᬂᬓᬦᬭᬓᬦ᭄᭟ᬰᬢ᭄ᬭᬸᬰᬓ᭄ᬢᬶᬚ᭄ᬭᭀᬦᬶᬂᬳ᭠
ᬯᬓ᭄᭞ᬳᭂᬦ᭄ᬢᭀᬦᬾᬧᬢᬹᬢ᭄ᬲᬶᬬᬢᬶᬦ᭄᭞ᬧᬗ᭄ᬤᬗᬮᬳᬂᬰᬭᬷᬭ᭞ᬳᬫᬵᬢᬶᬲᬚ᭄ᬭᭀᬦᬶᬗᬸᬭᬶᬧ᭄᭞᭠ᬩᬸᬤ᭄ᬥᬶᬳᬸᬍᬗᬂᬬᬢ᭄ᬦᬳᬶᬦ᭄᭞ᬢᬦ᭄ᬤᬶᬗᬶᬦᬶᬧᬸᬦᬶᬰᬢ᭄ᬭᬸ᭞ᬲᬜ᭄ᬚᬢᬳᬫ᭄ᬧᬸᬄᬲᬬᬗᬂ᭞ᬤᬰᬰᬷᬮᬓ᭄ᬭᬶᬲᬸᬢ᭄ᬢᬫᬶ᭞
ᬤᬾᬦᬶᬗᬫ᭄ᬧᬸᬄ᭞ᬳᬫᬵᬢᬶᬰᬢ᭄ᬭᬸᬭᬶᬂᬭᬕ᭟ᬦᬾᬦᬾᬫᬤᬦ᭄ᬤᬰᬰᬶᬮ᭞ᬳᬤᬰᬧᬢᬹᬢ᭄ᬧᬶᬢᭂᬢᬶᬦ᭄᭞ᬦᬾᬧᬗᬯᬶᬢ᭄ᬫᬦᬄᬓ᭄ᬭᭀᬥ᭞ᬫᭀᬫᭀᬳᬗ᭄ᬓᬸᬳᬶᬭᬶᬳᬢᬶ᭞ᬩᬵᬧᬓᬤᬶᬳᬓᬸᬫᬮᬶᬄ᭞ᬫᬸᬯᬄᬲ᭠
ᬭᬸᬦ᭄ᬢᬸᬢᬦᬶᬧᬸᬦ᭄᭞ᬦᬾᬦᬾᬫᬤᬦ᭄ᬤᬰᬾᬦ᭄ᬤ᭄ᬭᬶᬬ᭞ᬱᬤ᭄ᬭᬶᬧᬸᬫ᭄ᬯᬄᬱᬤ᭄ᬢᬢᬬᬶ᭞ᬲᬸᬩᬓᬸᬫ᭄ᬧᬸᬮ᭄᭞ᬦᬸᬗ᭄ᬕᬮ᭄ᬤᬤᬶᬤᬰᬾᬦ᭄ᬤ᭄ᬭᬶᬬ᭟ᬤᬰᬰᬷᬮᬦᬾᬧᬕᭂᬳᬂ᭞ᬧᬗ᭄ᬳᬺᬢᬦ᭄ᬰᬢ᭄ᬭᬸᬦᬾᬰᬓ᭄ᬢᬶ᭞ᬜᬩ᭄ᬭᬦ᭄ᬤᬶᬦᬳᬸᬢ᭄ᬲᬳᬬᬂ᭞
[᭑᭘ 18A]
ᬓᭂᬦ᭄ᬢᬰᬢ᭄ᬭᬸᬦᬾᬧᬂᬫᬵᬢᬶ᭞ᬬᬦ᭄ᬲᬸᬩᬓᭂᬦ᭄ᬢᬘ᭄ᬦᬶᬂ᭞ᬲᬶᬦᬄᬩ᭄ᬭᬕ᭄ᬧᬢᬶᬳᬸᬬᬸᬤ᭄᭞ᬓᬾᬢᭀᬘ᭄ᬦᬶᬂᬧᬶᬢ᭄ᬕᭂᬲ᭄ᬜ᭞ᬤᬩ᭄ᬤᬩᬂᬤᬾᬯᬾᬓᬾᬚᬦᬶ᭞ᬚᭂᬫᭂᬢ᭄ᬫᬸᬭᬸᬓ᭄᭞ᬫᬸᬭᬸᬓᬶᬦ᭄ᬢᬢ᭄ᬯᬳᬕᬫ᭟ᬮᬶᬬᬸᬧᬮᬶᬳᬦᬕᬕᬶᬹᬫ᭞᭠
ᬦᬾᬤᬗ᭄ᬳᬂᬕᬸᬭᬸᬭᬶᬳᬶᬦ᭄᭞ᬕᬸᬭᬸᬤ᭄ᬫᭂᬦ᭄ᬫᬤᬶᬗᭂᬳᬂ᭞ᬩᬶᬲᬦᬾᬩᬦ᭄ᬢᬲ᭄ᬤᬶᬩᬶᬩᬶᬄ᭞ᬢ᭄ᬯᬭᬬᬓᬢ᭄ᬓᬾᬗ᭄ᬳᬢᬶ᭞ᬩ᭄ᬮᭀᬕ᭄ᬕᬸᬭᬸᬦᬾᬓᬮᬗ᭄ᬓᬸᬂ᭞ᬤᬸᬓ᭄ᬕᬸᬭᬸᬦᬾᬳ᭄ᬦᬸᬩᬚᬂ᭞ᬩᬬᬸᬕ᭄ᬥᬾᬢᬦ᭄ᬧᬳᬶᬦ᭄ᬤᬶᬓ᭄᭞ᬢ᭄ᬯᬭᬓᬶᬫᬸᬤ᭄᭞ᬩᭂ
ᬢᭂᬓ᭄ᬩᬲᬗᬾᬳᬸᬮᬳᬂ᭟ᬫᬜᬸᬚᬸᬄᬲᬸᬓᬲᬓᬮ᭞ᬤᬰᬾᬦ᭄ᬤ᭄ᬭᬶᬬᬦᬾᬫᭀᬗ᭄ᬓᭀᬮᬶᬦ᭄᭞ᬳᭂ᭠ᬦ᭄ᬢᭀᬳᬍᬫ᭄ᬕᬸᬭᬸᬜᬩ᭄ᬭᬦ᭄᭞ᬳᬗ᭄ᬕᭀᬦ᭄ᬓᬤᬂᬢᬺᬱ᭄ᬡᬳᬲᬶᬄ᭞ᬩᬳᬂᬗᬫᬄᬲᬳᬶᬲᬳᬶ᭞ᬤᬤᬶᬳᬶᬧᬸᬦ᭄ᬫᭀᬓᭀᬄ
ᬮᬸᬲᬸᬄ᭞ᬫᬫᬜ᭄ᬘᬦᬢᭀᬂᬕᬶᬕᬶᬲᬦ᭄᭞ᬓᬦ᭄ᬢᬶᬕᬸᬭᬸᬧᬸᬮᬂᬧᬮᬶᬂ᭞ᬧ᭄ᬢᭂᬗᬶᬩᬸᬢ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟ᬤᬶᬲᬸᬩᬦᬾᬕᬸᬭᬸᬢ᭄ᬯ᭞ᬫᬭᬕᬸᬭᬸᬫᬗ᭄ᬭᬲᬦᬶᬦ᭄᭞ᬰᬢ᭄ᬭᬸᬦᬾᬩᬓᬢᬗ᭄ᬦᬫᬂ᭞ᬢᬺᬱ᭄ᬡᬳᬶᬦ᭠
Page:Bali-lontar-gaguritan-gde-upeksa-300ppi.pdf/18
Jump to navigation
Jump to search
This page has been proofread.
