[᭘ 8B]
᭘
ᬮᬦ᭄ᬫᬗᬢᬸᬭᬂᬲᬳᬸᬦᬶᬗ᭞ᬓᬦᭂᬕᬭᬫᬗ᭄ᬭᬭᬶᬲ᭄᭞ᬲᬂᬧ᭄ᬭᬪᬸᬭᬶᬂᬳᭀᬤᬮ᭄᭞ᬓᬢᬗ᭄ᬓᬶᬮ᭄ᬭᬶᬂᬧᬗᬲ᭄ᬢ᭄ᬭᬶᬬᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗᬶᬭᬶᬂ᭞ᬲᬂᬦᬵᬣᬳᬗᬸ
ᬘᬧ᭄᭞ᬤᬲᬸᬳᬸᬦ᭄ᬮᬸᬯᬲ᭄ᬫᬗᬮᬶᬄ᭟ᬲᬳᬸᬃᬲᭂᬫ᭄ᬩᬄᬲᬂᬓᬤᬯᬸᬳᬦ᭄ᬢᬦ᭄ᬧᬶᬯᬮ᭄᭞ᬫᬶᬚᬶᬮ᭄ᬲᭀᬲᭀᬢ᭄ᬦᬺᬧᬢᬶ᭞ᬦᬄᬤᬸᬫᬤᬓ᭄ᬩᬓᬢ᭄᭞ᬳᬶᬦᬦᬓ᭄ᬕᬮᬸᬄ
ᬭᬶᬂᬤᭂᬳᬵ᭞ᬲᬚᬕᬢ᭄ᬓᭀᬭᬶᬧᬦ᭄ᬲᬫᬶ᭞ᬢᬸᬢ᭄ᬳᬢ᭄ᬫᬦ᭄ᬢᬶᬢ᭄ᬬᬂ᭞ᬧᬤᬦ᭄ᬤᬵᬳᬶᬗ᭄ᬕᬶᬄᬲᬓ᭄ᬱᬶᬦᬶᬦ᭄᭟ᬲᬯᬸᬃᬫᬦᬸᬓ᭄ᬲᬂᬦᬗ᭄ᬓᬶᬮ᭄ᬲᬶᬦᬫ᭄ᬬᬦ᭄᭞ᬤ᭄ᬯᬕᬸᬂᬓᬤᬶᬢᬗᬶᬦᬶᬦ᭄᭞
ᬲᭂᬲᭂᬓ᭄ᬧᬓᬬᬸᬦᬦ᭄᭞ᬗᬮ᭄ᬬᬩᬶᬂᬯᬤᬦ᭞ᬫᬯᬸᬯᬸᬄᬩᬕᬸᬲ᭄ᬳᬫᬦᬶᬲ᭄᭞ᬮ᭄ᬯᬶᬄᬫᬫᭀᬪᬵᬯ᭞ᬜᬸᬗ᭄ᬓᭂᬮ᭄ᬓᬦ᭄ᬢᬸᬧ᭄ᬭᬫᬗ᭄ᬓᬶᬦ᭄᭟ᬲᬫᬶᬓᬕ᭄ᬬᬢ᭄ᬲᬂᬭᬶᬂᬧᬦᬗ᭄ᬓᬶᬮᬦ᭄᭞ᬘᭀ
[᭙ 9A]
ᬓᭀᬃᬤ᭄ᬥᬳᬃᬬ᭄ᬬᬧᬢᬶᬄ᭞ᬢᬸᬫᭂᬗ᭄ᬕᬸᬂᬫ᭄ᬯᬂᬤᭂᬫᬂ᭞ᬲᬶᬭᬶᬓᬦᬸᬃᬯᬦ᭄᭞ᬕ᭄ᬯᬓ᭄ᬲᬤᭂᬫᬸᬂᬫᬗᬸᬭᬶ᭞ᬲ᭄ᬭᬩ᭄ᬫᬜ᭄ᬚᬕ᭄ᬚᬕ᭄᭞ᬧᬢᬶᬄᬫᬗ᭄ᬓᬸᬜᬸᬦ᭄ᬤᬂᬕᭂᬮᬶᬲ᭄᭞ᬦᬾᬓᬋᬕᭂ
ᬮᬸᬂᬭᬭᬶᬲ᭄ᬫᬗᬦ᭄ᬤᬶᬓ᭞ᬧᬥᬵᬓᭂᬤᬵᬗ᭄ᬕᬶᬄᬢᬸᬮᬸᬗᬶᬦ᭄᭞ᬦᬦᬓ᭄ᬳᬕᬸᬲ᭄ᬕᭂᬮᬶᬲᬂ᭞ᬧᬥᬓᭂᬤᬵᬗ᭄ᬭᬭᬶᬲ᭄ᬦᬫ᭄ᬧᭂᬓᬂ᭞ᬭᬭᬶᬲ᭄ᬫᬗᬲ᭄ᬢ᭄ᬭᬾᬦ᭄ᬳᬫᬸᬲ᭄ᬢᬶ᭞ᬦᬾ ᬓᬋᬕᭂ
ᬧᬂ᭞ᬤᬰᬩᬬᬸᬦᬾ ᬢᬦ᭄ᬫᬭᬶ᭟ᬲᬸᬯᬾ ᬓᬦ᭄ᬢᬸᬳᬶᬤᬢᬦ᭄ᬳᬾᬮᬶᬂᬭᬶᬂᬳᬗ᭄ᬕ᭞ᬲᬫ᭄ᬧᬸᬦ᭄ᬓᬢᬸᬃᬓᬧᬸᬭᬶ᭞ᬧ᭄ᬭᬫᬶᬰ᭄ᬯᬭᬶᬓᭀᬤᬮ᭄᭞ᬳᬶᬤ᭄ᬯᬕᬸᬂᬳᬬᬸᬗᬶᬭᬶᬗᬂ᭞
ᬲᬥᬕᬶᬂᬧᬸᬭᬶᬦᬾ ᬦᬗᬶᬲ᭄᭞ᬫᬲᭂᬲᬫ᭄ᬩᬢ᭄᭞ᬳᬶᬤ᭄ᬯᬕᬸᬂᬳᬶᬤᬗᬸᬮᬶᬮᬶᬃ᭞᭟ᬳᬚᬳᬦ᭄ᬮᬮᬶᬭᬶᬂᬭᬕᬦ᭄ᬳᬶᬤ᭞ᬲᬂᬧ᭄ᬭᬪᬸᬕᭂᬮᬶᬲ᭄ᬗᬲ᭄ᬢ᭄ᬭᬾᬦᬶᬦ᭄᭞ᬗ᭄ᬭᬭᬶᬲ᭄ᬳᬶᬤᬫᬘᬶᬗ
Page:Bali-lontar-gaguritan-galuh-deha-350ppi.pdf/9
Jump to navigation
Jump to search
This page has been proofread.
