[᭔ 4B]
᭔
ᬳᬶᬤᬫᬫᬶᬲᬦ᭄᭞ᬦᬗ᭄ᬳᬶᬂᬓᬭᬶᬭᬭᬾᬲᬫᬶ᭞ᬲᬂᬭᬵᬚᬧᬸᬢ᭄ᬭᬓᭀᬭᬶᬧᬦ᭄ᬘᬢ᭄ᬭᬦᬶᬂᬕᬸᬫᬶ᭟ᬦᬾᬭᬶᬂᬤᭂᬳᬫᬧᬸᬢ᭄ᬭᬓᬢ᭄ᬭᬶᬦᬶᬳᬶᬤ᭞ᬲᬦᬾ ᬧᬶᬦᬶᬄ
ᬤᬸᬳᬸᬃᬇᬲ᭄ᬢ᭄ᬭᬶ᭞ᬳᬬᬸᬯᬃᬡ᭄ᬦᬦ᭄ᬳᬶᬤ᭞ᬤ᭄ᬯᬕᬸᬂᬧᬸᬢ᭄ᬭᬦᬾ ᬓᬮᬶᬳᬦ᭄᭞ᬤ᭄ᬯᬬᬸᬳᬦᭀᬫ᭄ᬧᬶᬦᬶᬄᬳᬮᬶᬢ᭄᭞ᬦᬾᬭᬶᬂᬕᬕ᭄ᬮᬂᬫᬧᬸᬢ᭄ᬭᬮᬦᬂᬲᬯᬶᬚᬶ᭟ᬲᬶᬂᬳ
ᬲᬭᬶᬓᬃᬯᬋᬓᬾᬧᬸᬢ᭄ᬭᬦ᭄ᬳᬶᬤ᭞ᬮᬸᬳᬸᬭᬦ᭄ᬳᬶᬲ᭄ᬢ᭄ᬭᬶᬍᬯᬶᬄ᭞ᬤ᭄ᬯᬬᬸᬭᬢᬸᬓᬮᬸᬫ᭄ᬩ᭄ᬭᬄ᭞ᬮ᭄ᬯᬶᬃᬳ᭄ᬬᬂᬫᬦᬲᬶᬚᬵ᭞ᬦᬾᬳᬮᬶᬢᬦ᭄ᬮᬦᬂᬧᭂᬓᬶᬓ᭄᭞ᬫᬦᬶᬲ᭄ᬲᬺᬗ᭄ᬕᬭᬵ᭞ᬧ
ᬫᬸᬮᬸᬦ᭄ᬫᬥᬸᬕᭂᬦ᭄ᬤᬶᬲ᭄᭟ᬮᬗ᭄ᬲᬶᬂᬮᬜ᭄ᬚᬃᬧᬫᬸᬮᬸᬫᬲ᭄ᬲᬶᬦᬗ᭄ᬮᬶᬗᬦ᭄᭞ᬳᬗ᭄ᬕᭀᬗ᭄ᬭᬦᬂᬭᬫ᭄ᬧᬶᬂ᭞ᬜᭂᬜᭂᬭᬶᬂᬘᬘᬶᬗᬓ᭄᭞ᬫᬦᬶᬲ᭄ᬳᬲᭂᬫ᭄ᬩᬃᬓᬶᬮᬂ᭞ᬓᬮᬸᬫ᭄ᬩ᭄ᬭᬳᬶᬤ᭄ᬯ
[᭕ 5A]
ᬕᬸᬂᬭᬳᬶ᭞ᬓᬸᬓᬸᬤᬂᬳᬶᬭ᭞ᬳᬶᬤ᭄ᬯᬬᬸᬳᬦᭀᬫ᭄ᬓᬤᬶᬭᬶ᭟ᬦᭂᬗᬓᭂᬦᬳᬦᬕᬦ᭄ᬢ᭄ᬬᬦᬶᬂᬘᬭᬶᬢᬵ᭞ᬭᬢᬸᬳᬜᬓ᭄ᬭᬯᬺᬢᬶ᭞ᬫᬗᭀᬘᬾᬢᬂᬚᬕ
ᬢ᭄᭞ᬫᬓᬘᬢ᭄ᬭᬦᬶᬂᬲᬭᬢ᭄᭞ᬭᬶᬂᬲ᭄ᬯᬾᬮᭀᬓᬂᬦᬕᬭᬶ᭞ᬧᬸᬧᬸᬢ᭄ᬪᬶᬲᬾᬓᬵ᭞ᬳᬶᬤᬧ᭄ᬭᬪᬸᬧᬸᬲᭂᬃᬪᬸᬫᬶ᭟ᬧᬶᬢᬸᬂᬩᬗ᭄ᬲᬶᬢ᭄ᬭᬢᬸᬦᬾ ᬲᬫ᭄ᬧᬸᬦ᭄ᬓᬧᬜ᭄ᬚᬓ᭄᭞
ᬯᬶᬦᬵᬯᬮᬶᬦ᭄ᬢᬂᬍᬯᬶᬄ᭞ᬳᬕᬸᬂᬫᬉᬢ᭄ᬢᬫ᭞ᬫᬧᬸᬢ᭄ᬭᬳᬶᬤᬓᬃᬯ᭞ᬦᬾᬤᬸᬳᬸᬭᬦ᭄ᬮ᭄ᬯᬶᬃᬳ᭄ᬬᬂᬭᬢᬶᬄ᭟ᬳᬮᬶᬢᬦ᭄ᬮᬦᬂ᭞ᬳᬶᬤ᭄ᬯᬕᬸᬂᬜ᭄ᬚᭂᬦᭂᬂᬧᬧᬲᬶᬄ᭟ᬦᬄ
ᬳᬓᬾᬢᭀᬭᬶᬂᬤᭂᬳᬵᬫᬮᬶᬄᬳᬸᬘᬧᬂ᭞᭖ᬫᬧᬚᬕᬢᬾᬲᬫᬶ᭞ᬗᬯᬗᬸᬦ᭄ᬲᬲᬶᬤᬦ᭄᭞ᬳᬶᬤᬰ᭄ᬭᬶᬦᬭᬦᬵᬣ᭞ᬧᬸᬚᬲ᭄ᬫᬭᬵᬫᬧᬲᬶᬮᬶᬄ᭞ᬫᬢᬶᬢᬶ
Page:Bali-lontar-gaguritan-galuh-deha-350ppi.pdf/5
Jump to navigation
Jump to search
This page has been proofread.
