Page:Bali-lontar-gaguritan-dukuh-wanasari-300ppi.pdf/39

[᭓᭘38B]
ᬕᬶᬡᬤ᭟
ᬦ᭄ᬫᬭᬶᬂᬚᬮᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬺᬤᬾᬰᬚᬕ᭄ᬭᬧᬵᬤ᭞ᬳᬶᬲᬢ᭄ᬯᬫᬮᬶᬄᬓᬯᬃᬡᬶ᭟᭒᭕᭟ᬓᬵᬮᬦᭂᬕᬓ᭄ᬦᬸᬢᬹᬃᬦᬸᬢᬹᬃ᭞ᬲᬋᬂᬯᬬᬦ᭄ᬘᬶᬢ᭄ᬢᬳᬭᬶᬲ᭄᭞ᬤᬸᬓᬸᬄᬯᬦᬰ
ᬭᬧ᭄ᬭᬧ᭄ᬢᬵ᭞ᬲᬂᬓᬮᬶᬄᬫᬘᭂᬩᬸᬃᬳᬭᬶᬲ᭄᭞ᬲᬓᬶᬂᬕᭂᬦᬄᬜᬫᬦᭂᬕᬓ᭄᭞ᬢᬸᬫᬸᬮᬶᬫᬳᬢᬹᬃᬳᬭᬶᬲ᭄᭚᭜᭚ᬧᬸᬄᬕᬶᬡᬵᬤ᭚᭜᭚᭑᭟ᬭᬭᬶᬲᬂᬕᬸᬭᬸᬭᬭᬶᬲᬂ᭞ᬫᬭᬶᬂᬓᭀᬃ
ᬱᬶᬦᬾᬫᬮᬶᬗ᭄ᬕᬶᬄ᭞ᬯᬦᬰᬭᬲᬵᬫ᭄ᬧᬸᬦ᭄ᬫᬦᭂᬕᬓ᭄᭞ᬢᬸᬫᬸᬮᬶᬫᬢᬓᭀᬦ᭄ᬳᬲ᭄ᬭᬸ᭞ᬫᬭᬶᬂᬳᬶᬧᬸᬦ᭄ᬯᬬᬦ᭄ᬘᬶᬢ᭞ᬦᬵᬭᬡᬤᬶᬦᬶ᭞ᬯᬬᬦ᭄ᬘᬶᬢ᭄ᬢᬫᬦᬸᬢᬸᬭᬂ᭟᭒᭟ᬲᬓᬶᬂᬓᬵᬯᬶᬢ᭄ᬗ
ᬦ᭄ᬢᭀᬲ᭄ᬢᭂᬮᬲ᭄᭞ᬫᬵᬯᬶᬦᬦ᭄ᬳᬶᬧᬸᬦ᭄ᬓᬧᬗ᭄ᬕᬶᬄ᭞ᬯᬾᬦ᭄ᬢᭂᬦ᭄ᬫᬭᬶᬂᬯᬬᬦ᭄ᬲᬢ᭄ᬯ᭞ᬳᬶᬤᬸᬓᬸᬄᬦᬶ᭠ᬫ᭄ᬩᬮ᭄ᬫᬲᬯᬸᬃ᭞ᬓᬾᬦᬾᬨᬮᬦ᭄ᬜᬵᬓᬢᬶᬩᬵ᭞ᬢᭂᬓᬾᬦ᭄ᬘᬳᬶ᭞ᬧᭂᬗ᭄ᬓᬸᬂᬢ᭄ᬯᬭᬗᬸᬕᬸᬲᬢ᭄ᬯ᭟᭓᭟ᬳ
[᭓᭙39A]
ᬦᬓ᭄ᬲᬸᬩᬮᬶᬬᬸᬧᭂᬲᬦ᭄᭞ᬢᬸᬢᬹᬃᬕᬸᬭᬸᬳᬦᬾᬗᬹᬦᬶ᭞ᬘᬳᬶᬢ᭄ᬯᬭᬫᬗᬶᬥᭂᬧᬂ᭞ᬚᬦᬶᬘᬸᬢᭂᬢ᭄ᬲᬢ᭄ᬯᬦ᭄ᬕᬸᬭᬸ᭞ᬤᬶᬦᬶᬘᬳᬶᬚᬦᬶᬫ᭄ᬮᬚᬄ᭞ᬳᬧᬂᬧᬱ᭄ᬝᬶ᭞ᬫᬕᬸᬭᬸᬭᬶᬯᬬᬦ᭄ᬲᬢ᭄ᬯᬵ᭟
᭔᭟ᬬᬦ᭄ᬘᬳᬶᬢ᭄ᬯᬭᬗᬶᬥᭂᬧᬂ᭞ᬧᬶᬢᬸᬢᬹᬃᬳᬶᬲᬢ᭄ᬯᬬᬸᬓ᭄ᬢᬶ᭞ᬳᭂᬤᬧᭂᬲᬦ᭄ᬘᬳᬶᬢᬸᬮᬓ᭄᭞ᬓᬾᬦ᭄ᬢᭀᬧᬸᬧᬸᬢ᭄᭞ᬭᬯᭀᬲ᭄ᬕᬸᬭᬸᬦᬾᬓᭂᬦᭂᬳᬂ᭞ᬳᭂᬤᬘᬳᬶ᭞ᬲᬗᭂᬢ᭄ᬫᬜᬮᬄ
ᬢᬫ᭄ᬧ᭄ᬬᬂ᭟᭕᭟ᬯᬬᬦ᭄ᬘᬶᬢᬫᬵᬢᬹᬃᬗᬲᬩ᭄᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬗᬶᬭᬶᬂ᭞ᬩᭀᬬᬧᬸᬭᬸᬦ᭄ᬢᬶᬢ᭄ᬬᬂᬢᬸᬮᬓ᭄᭞ᬤᬕᬶᬂᬯᬭᬄᬕᬸᬭᬸᬧᬵᬢᬹᬢ᭄᭞ᬲᬓᬾᬯᬮᬫᬦᬯᭂᬕᬂ᭞ᬳᬶᬯᬂᬭᬶᬳᬶᬦ᭄᭞ᬲ᭄ᬯᬾ
ᬘᬕᬸᬭᬸᬗᬫ᭄ᬧᬹᬭᬬᬂ᭟᭖᭟ᬳᬶᬤᬸᬓᬸᬄᬫᬲᬯᬸᬃᬦᬶᬫ᭄ᬩᬮ᭄᭞ᬧᬗᬫ᭄ᬧᬹᬭᬦᬾᬲᬸᬚᬵᬢᬶ᭞ᬢᭂᬫᭂᬲ᭄ᬘᬳᬶᬦᬾᬫ᭄ᬮᬚᬄ᭞ᬫᬢᬶᬢᬶᬲᬂᬦᬾᬲᬢᬸᬳᬸ᭞ᬢᬢᬦᬶᬂᬤᬤᬶᬫᬵᬦᬸᬱᬵ᭞ᬍᬓᬤ᭄