[᭗᭒72B]
᭗᭒
ᬲᬸᬢᬺᬧᬸᬢᬶᬄ᭞ᬬᬦ᭄ᬱᬸᬩᬵᬢ᭄ᬯᬭᬵᬲᬬᬗᬂ᭞ᬢ᭄ᬓᬵᬳᬗ᭄ᬕᭀᬦ᭄ᬫᭂᬲᬾᬄᬲᬳᬶ᭞ᬮ᭄ᬘᭂᬓ᭄ᬳ᭄ᬯᬾᬓ᭄ᬚᬵᬚᬳᬶᬢᬦ᭄᭞ᬫᬸᬜ᭄ᬘᬸᬓ᭄ᬩᭂᬡ᭄ᬦᬵᬂᬢᬸᬦᬵᬳᬚᬶ᭟ᬫᭀᬫᭀ
ᬦ᭄ᬳᬶᬤᭂᬧᬾᬬᬦ᭄ᬢᬸᬭᬸᬢ᭄᭞ᬦᬕᬶᬄᬫᭀᬝᬵᬄᬗᬫᬄᬲᬳᬶ᭞ᬢ᭄ᬯᬭᬵᬲᬸᬳᬸᬤ᭄ᬩᭂᬢᭂᬓ᭄ᬮᬬᬄ᭞ᬬᬦ᭄ᬢᬸᬦᬬᬦ᭄ᬥᬤᬶᬩ᭄ᬭᬗ᭄ᬝᬶ᭞ᬯᬶᬭᬾᬄᬓᬤᬸᬂᬘᬘᬸᬓ᭄ᬮᬶᬓ
ᬦ᭄᭞ᬫᭀᬫᭀᬦᬾᬓᬤᬸᬂᬳᬸᬮᬸᬭᬶᬦ᭄᭟ᬩ᭄ᬢᭂᬓ᭄ᬩᬲᬂᬚᬢ᭄ᬣᬶᬧᬢᬸᬄ᭞ᬤᬳᬃᬵᬦᬲᬶᬫᬩᬾᬕᬸᬮᬶᬂ᭞ᬭᬶᬂᬦᬲᬶᬓᬵᬲᬾᬮᬵᬫᬩᬾᬕ᭄ᬭᬂ᭞ᬚᬳᭂᬦ᭄ᬜᬦᬾ
ᬩᬶᬦᬵᬕᬶᬕᬶᬲ᭄᭞ᬬᬡ᭄ᬦᬶᬂᬲᬸᬩᬵᬚᬢ᭄ᬣᬶᬮᬬᬄ᭞ᬳᬲᬶᬂᬚᬳᭂᬡ᭄ᬥᬳᬃ᭠ᬭᬲᬦᬶᬦ᭄᭟ᬓ᭄ᬭᬫᬡᬶᬂᬦᬸᬫᬤᬶᬳᭂᬮᬸᬄ᭞ᬳ᭄ᬤᬵᬫᬤᬾᬦ᭄ᬳᬦᬓ᭄ᬫ᭄ᬯᬦᬶ
[᭗᭓73A]
ᬭᬾᬄᬫᬸᬮᬵᬧᬢᬸᬢ᭄ᬓᬲᭀᬭᬦ᭄᭞ᬭᬶᬂᬢᬶᬗ᭄ᬓᬄᬲᬂᬕᬸᬭᬸᬮᬓᬶ᭞ᬓᬳᬸᬘᬧ᭄ᬲᬂᬘᬢᬸᬃᬚᬤ᭄ᬫᬵ᭞ᬓᬤᬶᬲᬂᬩ᭄ᬭᬳ᭄ᬫᬵᬡ᭄ᬦᬵᬚᬢ᭄ᬣᬶ᭟ᬧᬢᬸᬢ᭄ᬯᬄᬫ᭄ᬭᬩᬶᬡᬢᬸᬃ᭞
ᬲᬂᬰᬢ᭄ᬭ᭄ᬬᬵᬫ᭄ᬭᬩᬾᬶᬢ᭄ᬢ᭄ᬭᬶ᭞ᬬᬦ᭄ᬯᬾᬲ᭄ᬬᬵᬫ᭄ᬭᬩᬶᬥᬤ᭄ᬯᬵ᭞ᬬᬦ᭄ᬱᬸᬤ᭄ᬭᬵᬢᬸᬗ᭄ᬕᬮ᭄ᬲ᭄ᬝᬡ᭄ᬥᬶᬂ᭞ᬓ᭄ᬭᬡ᭄ᬦᬵᬧᬲ᭄ᬢ᭄ᬬᬂᬦᬡ᭄ᬥᬶᬗᬂᬳ᭞ᬳᬧᬂᬘᬸᬫ᭄ᬧᬸᬫᬜᬶᬗᬓᬶᬦ᭄᭟
ᬲ᭄ᬫᬸᬢ᭄ᬣᬡ᭄ᬦᬵᬫᬦᬶᬲ᭄ᬫᬮᬸ᭞ᬬᬦ᭄ᬓᬼᬓ᭄ᬢᭂᬓ᭄ᬫᬦᬶᬲ᭄ᬓᬳᭀᬭᬶ᭞ᬬᬦ᭄ᬢᭀᬦ᭄ᬤᬾᬦ᭄ᬩᬓᬢ᭄ᬭᬲᬬᬂ᭞ᬫᬜᬸᬮ᭄ᬲᬸᬮ᭄ᬳᬦ᭄ᬢᭂᬂᬗᬬᬳᬶᬦ᭄᭞ᬓᬧ᭄ᬭᬾᬦ᭄ᬢᬄᬢ᭄ᬯᬭᬵᬫ
ᬦᬸᬮᬓ᭄᭞ᬫᬫᭀᬗᬄᬧᬘᬂᬵᬓᬯᬾᬮᬶᬦ᭄᭟ᬫᬶᬭᬶᬩ᭄ᬧᭀᬮᭀᬲ᭄ᬬᬵᬫᬦᬸᬦ᭄ᬢᬸᬓ᭄᭟ᬮ᭄ᬬᭃᬧ᭄ᬮ᭄ᬬᭂᬧ᭄ᬫᬶᬭᬶᬩ᭄ᬚ᭄ᬭᬶᬄ᭞ᬤᬵᬦ᭄ᬤᬾᬦ᭄ᬫᬗᬸᬕᬸᬦᬼᬩᬵᬂ᭞ᬢ
Page:Bali-lontar-gaguritan-dukuh-suladri-03-400ppi.pdf/73
Jump to navigation
Jump to search
This page has been proofread.
