This page has been proofread.
[᭓᭙39B]
᭓᭙
ᬤᬦᬾᬲᬶᬦᬫ᭄ᬬᬦ᭄᭞ᬬᬤᬶᬦ᭄ᬭᬶᬂᬯᭀᬂᬦᬶᬲ᭄ᬝᬵᬩᭀᬤᭀ᭞ᬢ᭄ᬯᬭᬵᬩ᭠ᬩᬓᬍᬢᭂᬳᬦ᭄᭞ᬬᬦ᭄ᬱᬸᬩᬵᬳᬍᬧ᭄ᬫᭂᬮᬦ᭄᭞ᬩᬢᬶᬲᬾᬢ᭄ᬯᬭᬵ
ᬓᬢᬜ᭄ᬚᬸᬂ᭞ᬢᬳᬶᬢ᭄ᬯᬭᬵᬩᬓᬢ᭄ᬳᬶᬗ᭄ᬲᬸᬦ᭄᭟ᬓ᭄ᬭᬡ᭄ᬦᬵᬫ᭄ᬮᬄᬩ᭄ᬭᬶᬰᬶᬄᬲᬳᬶ᭞ᬫᬓ᭄ᬭᬦᬵᬳᬯᬓᬾᬓ᭄ᬥᬲ᭄᭞ᬫ᭄ᬮᬄᬏᬳᬗ᭄ᬕᭀᬦ᭄ᬧ᭄ᬗᬗ᭄ᬕᭀ᭞ᬤ
ᬤᬶᬕᭀᬩᬦᬾᬤᬸᬫ᭄ᬫᬶᬮᬄ᭞ᬓ᭄ᬭᬦᬵᬭᬳᬬᬸᬫᬢᬶᬗ᭄ᬓᬄ᭞ᬢᬦ᭄ᬯᬗ᭄ᬤᬾᬫᬦ᭄ᬫᬸᬳᬬᬸ᭞ᬲᬮᬫ᭄ᬧᬄᬮᬓᬸᬦᬾᬲᬤ᭄ᬬ᭟ᬳᬸᬮᬶᬂᬚᬦᬶᬚ᭄ᬯᬵᬓᬃ
ᬤᬶᬡ᭄ᬦᬶᬦ᭄᭞ᬯᬦᬓ᭄ᬩᬧᬵᬫᬓᬵᬤᬤ᭄ᬯ᭞ᬧᬢᬸᬢ᭄ᬳᬸᬝᬵᬫᬦᬾᬳᬗ᭄ᬕᭀᬦ᭄᭞ᬲᬗ᭄ᬓᬦ᭄ᬜᭂᬫ᭄ᬩᬄᬫᬢ᭄ᬣᬵ᭞ᬕᬸᬦᬦ᭄ᬜᬵᬳᬗ᭄ᬕᭀᬦ᭄ᬫᬮ᭄ᬬᬢ᭄᭞ᬫᬗ᭄ᬮᬶᬬ
[᭔᭐40A]
ᬢᬶᬦ᭄ᬦᬾᬦᬾᬳᬬᬸ᭞ᬳᬬᬸᬧᬢᬸᬢ᭄ᬝᬾᬳ᭄ᬦᭀᬢ᭄ᬣᬂᬵ᭟ᬲᬗ᭄ᬓᬦ᭄ᬜᭃᬫᬗ᭄ᬮᬄᬓᬸ᭠ᬧᬶᬂ᭞ᬕᬸᬦᬦ᭄ᬜᬵᬳᬗ᭄ᬕᭀᬡ᭄ᬦᬶᬗᭂᬳᬂᬵ᭞ᬫᬦᬶᬗᭂᬄᬳᬸᬢᬫᬦ᭄ᬭᬯᭀᬲ᭄᭞ᬋ
ᬲᭂᬧᬂᬧ᭄ᬚᬂᬤᬶᬫᬦᬄ᭞ᬳ᭄ᬤᭂᬧᬢᬶᬤᬶᬗᭂᬄᬤᬶᬗᭂᬳᬵᬂ᭞ᬲᬗ᭄ᬓᬦ᭄ᬜᬵᬫᬗ᭄ᬕᬄᬘᬸᬗᬸᬄ᭞ᬳᬗ᭄ᬕᭀᬦ᭄ᬗᬤᭂᬓ᭄ᬚᭂᬮᬾᬫ᭄ᬮᬄ᭟ᬦᬗ᭄ᬳᬶᬂᬧᬢᬶᬳᬤᭂᬓᬶᬦ᭄᭞
ᬗᬸᬮᬳᬂᬫᬢᬦ᭄ᬫᬤᬶᬫᬦ᭄᭞ᬳ᭄ᬤᭂᬩᬜᬩᬲ᭄ᬓᬤ᭄ᬭᭀᬧᭀᬦ᭄᭞ᬧᬢᬸᬢᬾᬚ᭄ᬯᬳᬭᬲᬂᬵ᭞ᬕᬸᬦᬦ᭄ᬩᬶᬩᬶᬄᬢ᭄ᬯᬄᬫᬗᬸᬘᬧ᭄᭞ᬤᬵᬗᬸᬘᬧᬂᬧᬢᬶ
ᬓᬯᬸᬄ᭞ᬧᬢᬸᬢᬾᬚ᭄ᬯᬭᬯᭀᬲᬂ᭟ᬮᬶᬫᬦᬾᬤᬧᬢᬶᬕᬸᬤᬶᬧ᭄᭞ᬳᬧᬶᬓᬶᬦ᭄ᬜᭂᬫᬓᬂᬮᬶᬫ᭄ᬫᬵ᭞ᬧᬢᬸᬢᬾᬚ᭄ᬯᬵᬚ᭄ᬫᬓᬂᬵᬫᬗ᭄ᬓᭀ᭞ᬳᬲ᭄ᬢᬵ
