[᭒᭑21B]
᭒᭑
ᬳᬶᬲ᭄ᬢ᭄ᬭᬶ᭟ᬓ᭄ᬮᬸᬗᬂᬮᬸᬗᬂᬵᬳᭀᬃᬢᬦᬾᬢ᭄ᬓᭂᬤ᭄ᬓᬵᬚᬯ᭄ᬯᬵ᭞ᬧ᭄ᬬᬦᬓ᭄ᬳᬶᬤᬸᬓᬸᬄᬲᬶᬮᬤ᭄ᬭᬶ᭞ᬚ᭄ᬕᬾᬕ᭄ᬢ᭄ᬯᬵᬭᬵᬳᬤᬧᬥ᭄ᬥᬵ᭞ᬳᬧ᭄ᬱᬭᬶᬢᬸᬮ᭄ᬬᬵᬢᬸᬃᬧ᭄ᬭᬤ᭄ᬜᬵᬦ᭄᭞ᬰᬸ
ᬕᬶᬄᬢ᭄ᬯᬭᬗᬶᬢᬸᬂᬤᬕᬶᬂ᭞ᬳᬶᬫᬤᬾᬓᬾᬃᬢ᭄ᬣᬶᬦᬶᬗᭂᬳᬵᬂ᭞ᬫᬩᬸᬤᬶᬧᬘᬂᬦ᭄ᬮᭀᬓᬶᬦ᭄᭟ᬤᬾᬦᬶᬂᬲᬸᬩᬵᬧ᭄ᬬᬦᬓ᭄ᬜᬦᬾᬫᭂᬂᬧᭂᬂᬢ᭄ᬭᬸᬡ᭄ᬦᬵ᭞ᬳᬶᬫᬸᬤᬶᬢ᭄ᬣᬵ
ᬓᬳᬤᬦᬶᬦ᭄᭞ᬩᬕᬸᬲ᭄ᬳᬮᭂᬧ᭄ᬢᬸᬃᬰᬺᬗ᭄ᬕᬭᬵ᭞ᬧ᭄ᬭᬤ᭄ᬜᬵᬦ᭄ᬭᬶᬂᬢᬸᬢᬸᬃᬲᭂᬱᬡ᭄ᬦ᭞ᬧ᭄ᬤᬡ᭄ᬥᬵᬩᬸᬤᬵᬗᬚᬳᬶᬦ᭄᭞ᬧᭂᬧᬰᬶᬄᬳᬶᬤᬵ᭞ᬤᬗ᭄ᬳ᭄ᬬᬂᬯᬾᬭᭀᬘᬦᬵ
ᬳᬚᬶ᭟ᬳᬶᬫᬤᬾᬓᬾᬃᬢ᭄ᬣᬶᬭᬭᬶᬲ᭄ᬫᬗᬯᬸᬓᬶᬦ᭄ᬧᬸᬯᬦᬓ᭄᭞ᬲᬋᬂᬲᭀᬫᬳᬾᬫᬲᬡ᭄ᬥᬶᬦ᭄᭞ᬳᬶᬫᬸᬤᬶᬢ᭄ᬣᬵᬬᬵᬢ᭄ᬓᬵ᭞ᬧ᭄ᬭᬦᬫ᭄ᬬᬮᬯᬸᬢ᭄ᬫᬦ᭄ᬕᬓ᭄᭞ᬳᬶᬫ
[᭒᭒22A]
ᬤᬾᬓᬾᬃᬢ᭄ᬣᬶᬫᬫᬸᬜᬶ᭞ᬤᬸᬄᬘᬳᬶᬫᬸᬤᬶᬢ᭄ᬣᬵ᭞ᬓ᭄ᬭᬡ᭄ᬦᬵᬩᬧᬵᬫᬗᬯᬸᬓᬶᬦ᭄᭟ᬤᬾᬦᬶᬂᬩᬧᬵᬲᬸᬩᬵᬚᬢᬶᬦᬶᬗᭂᬄᬯᭀᬃᬢ᭄ᬣᬵ᭞ᬭᬵᬭᬫᬦ᭄ᬘᬳᬶᬦᬾ
ᬗᬸᬦᬶ᭞ᬤᬶᬕᬸᬦᬸᬂᬓᬯᬶᬫ᭄ᬢᬧᬵ᭞ᬳᬶᬲᬶᬮᬤ᭄ᬭᬶᬲᬸᬗ᭄ᬓᬸᬲᬦ᭄ᬜᬵ᭞ᬚᬦᬶᬲᬸᬩᬵᬫᬸᬚᬗ᭄ᬕᬡ᭄ᬦᬶᬦ᭄᭞ᬫᬗᬚᬓ᭄ᬧ᭄ᬬᬦᬓ᭄᭞ᬫᬳᬤᬡ᭄ᬦᬶᬵ᭞ᬲᬸᬫ᭄ᬫᬵᬲᬭᬶ᭟ᬲᬸᬚ
ᬢᬶᬦ᭄ᬜᬵᬳᭂᬦ᭄ᬢᭀᬫᬸᬮᭂᬧ᭄ᬬᬦᬓ᭄ᬩᬧᬵ᭞ᬘᬳᬶᬫᬸᬮᬵᬧ᭄ᬬᬦᬓ᭄ᬳᬶᬩ᭄ᬮᬶ᭞ᬓᬯᬶᬢ᭄ᬱ᭄ᬥᬸᬓᬾᬦᬾᬮ᭄ᬯᬲ᭄᭞ᬧᬘᬂᬓᬕᬸᬦᬸᬂᬓᬯ᭄ᬬᬵ᭞ᬘᬳᬶᬧᬢᬸᬄᬳ᭄ᬦᬸᬘ᭄ᬦᬶᬓ᭄᭞
ᬩᬧᬵᬫᬜᬶᬮᬸᬭᬂ᭞ᬘᬳᬶᬫᬗᭂᬦ᭄ᬢᭀᬲ᭄ᬳᬶᬩ᭄ᬮᬶ᭟ᬩ᭄ᬯᬶᬦᬵᬳᬤᬵᬧᬩ᭄ᬱᭂᬦ᭄ᬳᬶᬯᬵᬓᬾᬦ᭄ᬩᬧᬵ᭞ᬳᬧᬂᬩᬧᬵᬫᬘᬳᬶ᭞ᬩᬸᬗ᭄ᬓᬸᬂᬗᬾᬳᬸᬢᬫ᭄ᬫᬵ᭞ᬚᬕᬵ᭠
Page:Bali-lontar-gaguritan-dukuh-suladri-03-400ppi.pdf/22
Jump to navigation
Jump to search
This page has been proofread.
