[᭑᭘18A]
᭑᭘
ᬮᬵᬂ᭞ᬳᬶᬮᬂᬩᬳᬦ᭄ᬳᬸᬬᬓ᭄ᬥᬕᬶᬂ᭞ᬤᬕᬶᬂᬢ᭄ᬯᬭᬵᬩᬓᬢ᭄᭞ᬩᬲᬂᬧᬸᬬᬸᬂᬦᬫ᭄ᬧᬶᬧᬶᬧᬶᬲ᭄᭟ᬳᬧᬦ᭄ᬮᬶᬗ᭄ᬮᬸᬂᬵᬦᬾᬮᬢᭂᬄᬓᬤᬾᬦᬂᬓ᭄ᬥᬲ᭄᭞ᬧᬮ᭄ᬬ
ᬢᬾᬲᬸᬩᬵᬧᬮᬶᬂ᭞ᬫ᭄ᬓᬘᬵᬲᬸᬫᬶᬗ᭄ᬓᬶᬦ᭄ᬩᬸᬝᬵ᭞ᬩ᭄ᬯᬫᬗ᭄ᬭᬱᬵᬲᬤ᭄ᬭᬱᬵ᭞ᬫᬗᬸᬮ᭄ᬫᬸᬄᬧᬺᬚᬦᬶ᭞ᬫᬮᬵᬮᬕᬭᬦ᭄᭞ᬓ᭄ᬭᬡ᭄ᬦᬚᬦᬶᬓ᭄ᬦᭂᬳᬂᬵ᭞ᬲ᭄ᬤᬦᬵ
ᬦᬾᬩ᭄ᬓᭂᬮᬂᬫᬢ᭄ᬣᬶ᭟ᬦᬄᬳᬓᬾᬢᭀᬋᬲᭂᬧᬂᬧᬶᬢᬸᬢᬸᬃᬪᬨ᭞ᬩᬧᬫᭂᬓ᭄ᬮᬶᬦ᭄ᬘᬳᬶ᭞ᬲᬲ᭄ᬢ᭄ᬭᬦᬾᬫᬗ᭄ᬕᭂᬳᬵᬂ᭞ᬘᭂᬘᬢᬸᬦ᭄ᬳᬶᬤᬵᬲᬂᬥᬃᬫ᭄ᬫᬵ᭞ᬬᬵ
ᬦ᭄ᬯᬂᬲᬸᬤᬺᬦᬾᬓᬩᬸᬓ᭄ᬝᬶ᭞ᬫᬘᭂᬘᬢᬸᬲᬯᬄ᭞ᬲᬸᬓᬵᬬᬵᬫᬗ᭄ᬮᬄᬤᬕ᭄ᬕᬶᬂ᭟ᬬᬦᬶᬂᬫ᭄ᬭᬵᬢ᭄ᬣᬵᬧᬶᬘᬦ᭄ᬧ᭄ᬭᬵᬢᬶᬯᬶᬦᬾᬲ᭄ᬝᬵ᭞ᬬᬡ᭄ᬦᬶᬂᬧᬶᬘᬦ᭄ᬱᬗ᭄ᬳ᭄ᬬᬂᬳ
[᭑᭙19A]
ᬚᬶ᭞ᬳᭂᬦ᭄ᬢᭀᬮ᭄ᬯᬶᬄᬉᬢ᭄ᬢᬫᬵ᭞ᬦᬗ᭄ᬳᬶᬂᬓᬾᬫᬰᬶᬄᬢᬢᬲᬵᬂ᭞ᬦᬸᬦᬲ᭄ᬱ᭄ᬯᬾᬘᬦ᭄ᬱᬂᬳ᭄ᬬᬂᬲᬸᬓᬶᬮ᭄᭞ᬫᬺᬢ᭄ᬣᬵᬫᬯᭀᬃᬯᬶᬲ᭄ᬬᬵ᭞ᬳᬧᬂᬩᬶᬲᬵᬫ᭄ᬗᬮᬶᬳᬶᬦ᭄᭟
ᬢ᭄ᬯᬄᬳᬓᬾᬢᭀᬧ᭄ᬭᬕᬢ᭄ᬘᬳᬶᬦᬾᬓᬸᬓᬸᬳᬵᬂ᭞ᬳᬧᬂᬭᬳᬬᬸᬦᬾᬕᬶᬲᬶ᭞ᬇᬲᬶᬮᬤ᭄ᬭᬶᬫᬜᬸᬫ᭄ᬩᬄ᭞ᬇᬤᭂᬧ᭄ᬜᬦᬾᬲᬸᬓᬵᬩᬶᬗᬃᬵ᭞ᬓᬲ᭄ᬯᬾᬘᬡ᭄ᬦᬦ᭄ᬢᬸᬢᬸᬃ
ᬮ᭄ᬯᬶᬄ᭞ᬧ᭄ᬢᭂᬗᭂᬦ᭄ᬤᬶᬚᬮᬦ᭄᭞ᬳᭂᬦ᭄ᬤᬕ᭄ᬩᬸᬮᬦᬾᬜᬸᬡ᭄ᬥᬭᬶᬦ᭄᭟ᬓᬘᬭᬶᬢ᭄ᬣᬵᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬢᬶᬕᬂᬵᬤᬶᬦᬵ᭞ᬫ᭄ᬧᬸᬤᬶᬩ᭄ᬬᬵᬭᬚᬵᬫᭂᬫᬃᬕᬶ᭞ᬳᬶᬲᬶᬮᬤ᭄ᬭᬶᬓᬢᬶ
ᬗ᭄ᬕᬮ᭄᭞ᬓᬭᬶᬫᬗᬚᬓ᭄ᬧ᭄ᬬᬦᬓ᭄᭞ᬳᭂᬫ᭄ᬧᬸᬤᬶᬩ᭄ᬬᬚᬵᬢᭀᬂᬫᬦᭀᬮᬶᬄ᭞ᬩᬾᬪᬲ᭄ᬫᬵᬫᬃᬖ᭄ᬕᬵ᭞ᬓᬲᬸᬕ᭄ᬬᬦᬾᬢᭀᬂᬓᬢᭀᬮᬶᬄ᭟ᬩᭂᬂ
Page:Bali-lontar-gaguritan-dukuh-suladri-03-400ppi.pdf/19
Jump to navigation
Jump to search
This page has been proofread.
