[᭑᭓13B]
᭑᭓
ᬤᬶᬢᬸᬓᬜᬸᬤᬵᬂ᭞ᬫᬳᭂᬫ᭄ᬩᬄᬮᬯᬸᬢ᭄ᬓᬧᬰᬶᬄ᭞ᬲᬕᬾᬢᭂᬦ᭄ᬲᬜ᭄ᬚᭃ᭞ᬲᬬᭀᬗᬾᬢ᭄ᬓᬵᬜᬧᬸᬳᬶᬦ᭄᭟ᬇᬲᬶᬮᬤ᭄ᬭᬶᬭᬭᬶᬲ᭄ᬢᬸᬮᬓᬧᬲ᭄ᬭᬫᬦ᭄᭞
ᬲᬢᬶᬦ᭄ᬤᬓ᭄ᬚᬗ᭄ᬕᭂᬮ᭄ᬫᬦᭀᬮᬶᬄ᭞ᬧ᭄ᬚᬮᬦᬾᬓᬫ᭄ᬩᬵᬂᬓᬸᬫ᭄ᬩᬵᬂ᭞ᬲᬢ᭄ᬓᬦᬾᬤᬶᬧᬲ᭄ᬭᬫᬦ᭄᭞ᬤᬧᭂᬢ᭄ᬣᬂᬧᬬᬦᬓᬾᬗ᭄ᬮᬶᬂ᭞ᬢᬸᬃᬓ᭄ᬘᬂᬓ᭄ᬭᬶᬫᬂ᭞ᬳᬦ᭄ᬢᬸᬓ᭄ᬳᬶᬤᬵᬲᬂᬤᬶᬩ᭄ᬬ
ᬚᬶ᭟ᬳᬶᬲᬮᬤ᭄ᬭᬶᬓᬗᭂᬦ᭄ᬫᬦᬳᬾᬗᬦ᭄ᬢᭂᬡ᭄ᬦᬂᬵ᭞ᬭᬭᬶᬲ᭄ᬫᬳᬢᬸᬃᬩᬓ᭄ᬢᬶ᭞ᬲᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬫᬫᬶᬢᬂᬢᬶᬢ᭄ᬬᬂᬫ᭄ᬗᬚᬓ᭄᭞ᬧᬜ᭄ᬚ᭄ᬭᭀᬯᬦ᭄ᬥᬸᬯᬾ
ᬦᬾᬫᬮᬶᬓ᭄᭞ᬳᬶᬤᬵᬳᭂᬫ᭄ᬧᬸᬗᬦ᭄ᬤᬶᬓᬵ᭞ᬳ᭄ᬬᬗᬵᬩ᭄ᬥᬓ᭄ᬭᬡ᭄ᬦᬵᬫᬗ᭄ᬮᬶᬂ᭟ᬦᬄᬦᬾᬚ᭄ᬫᬓ᭄ᬚᬮᬦ᭄ᬳᬮ᭄ᬬᬂᬬᬵᬅᭂᬫ᭄ᬧᭂᬳᬦ᭄᭞ᬳᬧᬂᬳ᭄ᬬᬸᬲᬸᬳᬸᬤ᭄ᬫᬗ᭄ᬮᬶᬂ᭞ᬇᬲᬶ
[᭑᭔14A]
ᬮᬤ᭄ᬭᬶᬫᬗᬶᬭᬶᬗᬵᬂ᭞ᬧ᭄ᬥᬡ᭄ᬥᬵᬭᬭᬶᬲ᭄ᬫᬫᬃᬕᬵ᭞ᬓᬚᬵᬓ᭄ᬧᬦᬓᬾᬘ᭄ᬦᬶᬓ᭄᭞ᬓᬢ᭄ᬗᬳᬶᬂᬦ᭄ᬗᬮᬲ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬯᬾᬦ᭄ᬢᭂᬦ᭄ᬩᬢᬸᬮᬾ
ᬫ᭄ᬧᬾᬄᬤᬶᬩᬢᬡ᭄ᬦᬶᬂᬓ᭄ᬧᬄ᭞ᬇᬭᬶᬓᬵᬳᬶᬤᬵᬫᬮᬶᬗ᭄ᬕᬶᬄ᭞ᬫᬗᬸᬜ᭄ᬘᬭᬂᬫᬦ᭄ᬢ᭄ᬭᬵ᭞ᬯ᭄ᬬᬓ᭄ᬢᬶᬲᬶᬤ᭄ᬥᬶᬲᬓ᭄ᬘᬧ᭄᭞ᬕᬾᬕᬾᬃᬩᬸᬭᭀᬦᬾᬧ᭄ᬭᬚᬦᬶ᭞ᬢ᭄ᬓᬵᬧᬤᬶ
ᬗ᭄ᬓ᭄ᬭᬓ᭄᭞ᬧᬺᬦᬫ᭄ᬬᬧᬤᬵᬫ᭄ᬦᬗ᭄ᬓᬶᬮ᭄᭟ᬲᬶᬗ᭄ᬳᬵᬯᬭᬓ᭄ᬕᬚᬄᬘᬾᬮᬾᬂᬳᬮᬲᬦ᭄᭞ᬲᭂᬗ᭄ᬕᬄᬫᬜ᭄ᬚᬗᬦ᭄ᬮᬦ᭄ᬓᬜ᭄ᬘᬶᬮ᭄᭞ᬓᬶᬤᬃᬩᬦ᭄ᬢᬾᬂᬳᬮᬲ᭄᭞ᬧ
ᬕ᭄ᬭᬸᬜᬸᬂᬫ᭄ᬤᬮ᭄ᬲᬫ᭄ᬬᬦ᭄᭞ᬲᬶᬮᬤ᭄ᬭᬶᬚᭂᬚᭂᬄᬢᬦ᭄ᬲᬶᬧᬶ᭞ᬲᬶᬭᬳᭂᬫ᭄ᬧᬸᬗᬡ᭄ᬥᬶᬓᬵ᭞ᬳ᭄ᬤᬵᬢᬓᬸᬢ᭄ᬘᬳᬶᬫᬳᭂᬓᬶᬦ᭄᭟ᬳᬧᬦ᭄ᬫᬸᬮᬵᬩᬸᬓᬵᬘᬳᬶ
Page:Bali-lontar-gaguritan-dukuh-suladri-03-400ppi.pdf/14
Jump to navigation
Jump to search
This page has been proofread.
