This page has been proofread.
[᭙9B]
᭙
ᬲ᭄ᬡᬵ᭞ᬳᬮᬶᬄᬩ᭄ᬮᬶᬳᬚᬓ᭄ᬫᬢ᭄ᬣᬶ᭞ᬳᬗᬶᬂᬳ᭄ᬤᬓᬗᬾᬮᬦ᭄᭞ᬧ᭄ᬬᬦᬓ᭄ᬜᬳᬶᬦᬾᬩᬋᬗᬂᬵ᭞ᬓᬤᭀᬂᬲᬸᬩᬳᬚᬓ᭄ᬲᬓᬶᬢ᭄᭞ᬳᬧᬂᬤᬵᬩ᭄ᬮᬲ᭄
ᬯ᭄ᬬᬤᬶᬦ᭄ᬫᭂᬫᬗ᭄ᬕᬶᬄᬯᬾᬘ᭄ᬘᬶ᭟ᬮᬶᬦ᭄ᬢᬂᬢ᭄ᬮᬲ᭄ᬳᭂᬫ᭄ᬧᬸᬤᬶᬩ᭄ᬬᬤ᭄ᬜᬵᬡ᭄ᬦᬵᬫᬶᬋᬗᬂᬵ᭞ᬭᬭᬶᬲ᭄ᬳᬤᬫᬶᬢᬸᬢᬸᬭᬶᬦ᭄᭞ᬤᬸᬄᬘᬳᬶᬧᬹᬃᬃᬡ᭄ᬦᬵᬬᬂ᭞ᬳ᭄ᬤᬲᬗᭂᬢ᭄ᬫ
ᬜᭂᬮ᭄ᬲᭂᬮᬂ᭞ᬩᬦ᭄ᬲᭀᬫᬄᬘᬳᬶᬦᬾᬫᬢ᭄ᬣᬶ᭞ᬫᬸᬮᬵᬚᬜ᭄ᬚᬶᬜ᭄ᬜ᭞ᬢ᭄ᬯᬭᬵᬚᬵᬤᬤ᭄ᬥᬶᬓ᭄ᬮᬶᬤᬶᬦ᭄᭟ᬢ᭄ᬯᬶᬓᬾᬦᬾᬢᬶᬗ᭄ᬓᬳᬾᬦᬸᬫᬤᬶᬚᬤ᭄ᬫᬵ᭞ᬇ
ᬤᬸᬧᬾᬧᬫ᭄ᬭᬕᬢ᭄ᬫᬢ᭄ᬝᬶᬗ᭄ᬓᬄᬫᬲᭀᬮᬄ᭟ᬧᬫ᭄ᬭᬕᬢ᭄ᬜᬵᬤᬤ᭄ᬥᬶᬩ᭄ᬮᬲ᭄᭞ᬢᬺᬱ᭄ᬡᬵᬤ᭄ᬫᬵᬦᬾᬜᬓᬶᬢ᭄ᬝᬶᬦ᭄᭞ᬓᬾᬢᭀᬕᬯᬾᬩᬸᬬᬃ᭞ᬧ
[᭑᭐10A]
ᬢᬸᬓ᭄ᬳᬶᬤᭂᬧᬾᬫᬕ᭄ᬥᬶ᭟ᬤᬤᬶᬚᬤ᭄ᬫᬵᬇᬤ᭄ᬭᬶᬬᬦᬾᬫᬸᬲᬸᬄᬤᬶᬳᬯᬓ᭄᭞ᬳᬦ᭄ᬢᭀᬬᬵᬧᬢᬸᬢ᭄ᬧ᭄ᬬᬭᬶᬦ᭄᭞ᬳᬸᬮᬶᬫᬦᬄᬬᬵᬯ᭄ᬢᬸᬦ᭄ᬜᬵ᭞ᬤᬶᬫᬦᬳᬾ
ᬤᬶᬢᬸᬮᬯᬦ᭄᭞ᬮᬯᬦ᭄ᬩᬦ᭄ᬢᬶᬗ᭄ᬓᬳᬾᬬᬸᬓ᭄ᬢᬶ᭞ᬲᬶᬦᬄᬬᬵᬓᬮᬄ᭞ᬢᭀᬂᬩᬦᬶᬬᬵᬫᭂᬩᬮᬶᬓ᭄᭟ᬲᬸᬩᬵᬓᬮᬄᬇᬡ᭄ᬥ᭄ᬭᬶᬬᬦᬾᬩ᭄ᬯᬶᬦ᭄ᬳᬤᬵᬢ᭄ᬓ᭞
ᬢᬺᬲ᭄ᬦᬵᬦᬾᬫᬗᬸᬯᬸᬕᬂᬳᬢ᭄ᬣᬶ᭞ᬢᬺᬲ᭄ᬦᬦᬾᬭᬶᬂᬧᬦᬓ᭄ᬲᭀᬫᬄ᭞ᬫ᭄ᬯᬄᬭᬶᬂᬭᬚᬩ᭄ᬭᬡ᭄ᬦᬵ᭞ᬳᭂᬦ᭄ᬢᭀᬜᬦ᭄ᬤᬂᬬᬵᬧ᭄ᬭᬗᬶᬦ᭄᭞ᬳ᭄ᬮᬲ᭄ᬫᬦᬳᬾᬅᬤᭀᬓᬂ
ᬜᬧᬸᬢᬂᬢᬺᬲ᭄ᬦᬦᬾᬲᬫ᭄ᬫᬶ᭟ᬤᬶᬕᬸᬫᬶᬦᬾᬢ᭄ᬯᬭᬵᬳᬤᬵᬦ᭄ᬭᬸᬲ᭄ᬫᭂᬮᬄ᭞ᬲ᭄ᬝᬢ᭄ᬣᬵᬚ᭄ᬮᬾᬫ᭄ᬮᬳᬾᬓᭂᬧᬗ᭄ᬕᬶᬄ᭞ᬳᬧᬦ᭄ᬢᭀᬂᬤᬤᬶᬩ᭄ᬮᬲ᭄᭞ᬮᬶᬂᬗᬶᬂᬲᬲ᭄ᬢ᭄ᬭᬵᬲ
