[᭑᭑ 11B]
᭑᭑
ᬲᬳᬶᬳᬶᬗ᭄ᬢᬂ᭞ᬲᬫᬸᬜᬶᬦ᭄ᬩᬧᬦᬾᬗᬹᬦᬶ᭞ᬲᬶᬓᬸᬢ᭄ᬤᬶᬳᬯᬓ᭄᭞ᬲᬢᬶᬗ᭄ᬓᬄᬫᬗᬸᬦᬲᬶᬄ᭟ᬫ᭄ᬮᬶᬤ᭄ᬩᬧᬵᬘᭂᬘᭂᬮ᭄ᬘᭀᬫᬾᬮ᭄ᬫᬦᬸᬢᬸᬭᬂ᭞ᬳᬦᬾᬫᬧ᭄ᬯᬭᬲ᭄ᬩᭂᬢ᭄ᬩ᭄ᬭᬗ᭄ᬢᬶ᭞ᬳ᭄ᬤ
ᬦᬶᬯᬓᬂᬭᬶᬂᬮ᭄ᬬᬦ᭄᭞ᬳᬚᬮᬸᬧᬾᬂᬯᬶᬯᬾᬓᬵ᭞ᬲᬗᬧᬕᭂᬄᬗᬫᭂᬮ᭄ᬥᬃᬫ᭄ᬫᬶ᭞ᬲᬧᭀᬮᬳᬶᬭ᭞ᬦᭀᬭᬓ᭄ᬦᬾᬂᬮᬭᬯ᭄ᬬᬥᬶ᭟ᬧ᭄ᬭᬢᬶᬗ᭄ᬓᬳᬶᬂᬯ᭄ᬯᬂᬧ᭄ᬭᬢᬓ᭄ᬚᬦᬵ᭞ᬢᬦ᭄ᬥᬃᬫ᭄ᬫᬵ
ᬲᬢᬢᬬᬵᬲ᭄ᬥᬶᬄ᭞ᬲᬫᬦᬄᬢᬦ᭄ᬲᬶᬤ᭄ᬥᬵ᭞ᬳᬶᬤᬸᬧᬾᬫᬧ᭄ᬯᬭᬧ᭄ᬚᬄ᭞ᬬᬦ᭄ᬫᬢᬶᬦᬕᬶᬄᬦᬸᬫᬤᬶ᭞ᬲᬓᬶᬢ᭄ᬢᬦ᭄ᬧ᭄ᬕᬢ᭄᭞ᬲᬓ᭄ᬱᬢ᭄ᬧᬥᬂᬭᬶᬂᬓᬧᬢᬶᬦ᭄᭟ᬲᬂ
ᬧ᭄ᬭᬘᬾᬤᬵᬭᬶᬂᬧ᭄ᬭᬯᬺᬢ᭄ᬢᬶᬦᬶᬂᬥᬃᬫ᭄ᬫ᭞ᬲᬓᬾᬂᬧᬸᬗ᭄ᬕᬸᬂᬤᬹᬃᬩᬸᬤ᭄ᬥᬶ᭞ᬢᬼᬩ᭄ᬬᬫᬭᬶᬂᬳᭀᬃᬣ᭞ᬦᬾᬫᬯᬲ᭄ᬢᬸᬢᬦ᭄ᬥᬃᬫ᭄ᬫᬵ᭞ᬲᬗᬫᬶᬮᬸᬫᬜᬋᬗᬶᬦ᭄᭞ᬦᭀᬭᬮᬸ
[᭑᭒ 12A]
ᬧᬸᬢᬵ᭞ᬢᬶᬩᬾᬂᬮᬭᬲᬓᬶᬢᬢᬶ᭟ᬳᬫ᭄ᬩᭂᬓ᭄ᬦᬶᬓᬂᬓᬶᬦᬸᬘᬧᬓᭂᬦ᭄ᬫᬸᬥᬵ᭞ᬢᬼᬩ᭄ᬭᬶᬂᬲᬦᬾᬢᬦ᭄ᬥᬃᬫ᭄ᬫᬶ᭞ᬫᬃᬕ᭄ᬕᬦ᭄ᬬᬫᬦᬶᬮᭀᬓᬵ᭞ᬬᬦᬸᬫᬶᬢᬶᬲ᭄ᬫᬦᬤ᭄ᬬᬵ᭞ᬲᬃᬯ᭄ᬯ
ᬩᬸᬭᭀᬦ᭄ᬮᬯᬦ᭄ᬧᬓ᭄ᬱᬶ᭞ᬫᬮᬶᬄᬳᬯ᭄ᬓᬲ᭄᭞ᬫᬦ᭄ᬤᬤᬶᬦᬶᬱ᭄ᬝᬵᬮᬭᬲ᭄ᬤᬶᬄ᭟ᬬᬦ᭄ᬫᬫ᭄ᬯᬢ᭄ᬓᬲᬸᬕ᭄ᬬᬦᬾᬉᬢ᭄ᬢᬫᬵ᭞ᬳᬶᬩᬧᬵᬜ᭄ᬧᭂᬮ᭄ᬫᬡᬶᬓ᭄᭞ᬓᬬᬸᬢ᭄ᬕᭂᬲᬾᬧᬸᬮᬵ᭞
ᬲᬭᬢᬂᬬᬫᬧᬕᭂᬄ᭞ᬤᬤᬶᬮ᭄ᬬᬸᬗ᭄ᬮᬄᬫᬵᬲ᭄ᬫᬡᬶᬓ᭄᭞ᬢᬦ᭄ᬩᬶᬱᬳᬶᬮᬂ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬫᬢᬶᬳᬸᬭᬶᬧ᭄᭟ᬚᬯᬢ᭄ᬢᬶᬯᬲ᭄ᬚᬦᬶᬢᬸᬃᬓᬲᬗ᭄ᬕᬭᬦ᭄᭞ᬧᬕᭂᬳᬂᬥᬃᬫ᭄ᬫᬵᬧ᭄ᬭᬯᬺ
ᬢ᭄ᬢᬶ᭞ᬳᭂᬦ᭄ᬢᭀᬫᬵᬲ᭄ᬫᬡᬶᬓᬾᬫ᭄ᬮᬄ᭞ᬓᬲᬸᬕᬶᬳᬦ᭄ᬲᬂᬧᬡ᭄ᬥᬶᬢᬵ᭞ᬲᬭᬢᬂᬲᬢᬸᬗ᭄ᬕᬸᬦᬸᬭᬶᬧ᭄᭞ᬢᭀᬂᬩᬶᬱᬳᬶᬮᬂ᭞ᬓᬪᬵᬬᬤᬾᬦᬶᬂᬫᬮᬶᬂ᭟ᬓᬾᬯᬮᬜᬦ᭄ᬫᬗᬸᬕᬸ
Page:Bali-lontar-gaguritan-dharmmawisesa-02-350ppi.pdf/12
Jump to navigation
Jump to search
This page has been proofread.
