This page has been proofread.
[᭗᭐70B]
᭗᭐
ᬦ᭄ᬢᬸᬓ᭄ᬢᬶᬗ᭄ᬓᬄᬜᬦᬾᬍᬯᬶᬄ᭞ᬦᭀᬭᬳᬾᬭᬂᬫᬗᬢ᭄ᬧᬤ᭞ᬓᬤᬶᬧᬗᬺᬧᬦᬶᬗ᭄ᬱ᭄ᬝᬶ᭟ᬳᬦᬥᬬᬦᬶᬂᬲᬂᬲᬥᬸ᭞ᬳᬬ᭄ᬯᬧ᭄ᬭᬘᬬᬾᬂᬤᬸᬃᬕ᭄ᬚ
ᬦᬶ᭞ᬚᬧᬶᬪᬓ᭄ᬢᬶᬫᬦᭂᬫ᭄ᬩᬳ᭞ᬢᬶᬦᬸᬮᬸᬯᬓ᭄ᬢᬦ᭄ᬓᬯᬾᬳᬶᬦ᭄᭞ᬢᬦᬓᬾᬢᭀᬚᬢᬶᬦᬶᬓᬵ᭞ᬳᬶᬲᬸᬫᬸᬃᬓᬂᬯᬭᬶᬄ᭟ᬳ᭄ᬤᬵᬫᬗᬦ᭄ᬤᭂᬮᬂᬭᬶᬂᬓᬵ
ᬬᬸᬦ᭄᭞ᬭᬯᭀᬲᬾᬢᬦ᭄ᬓᬢᬸᬗ᭄ᬓᬲᬶᬦ᭄᭞ᬤᬾᬦᬶᬓᬂᬯᬢᭂᬓ᭄ᬤᬸᬃᬚ᭄ᬚᬦᬵ᭞ᬳᬧᬦᬵᬕᭂᬂᬵᬳᬫ᭄ᬩᭂᬓ᭄ᬦᬶᬓᬶ᭞ᬯ᭄ᬯᬂᬓᬮᬶᬧᬸᬢ᭄ᬤᬾᬦᬶᬂᬳᬸᬮ᭞ᬮᬸᬧᬢᬬ
ᬢᬦ᭄ᬓᬕᬸᬢᬶᬮ᭄᭟ᬬᬤᬶᬦ᭄ᬫᬸᬮᬸᬓᬮᬸᬲ᭄ᬋᬫ᭄ᬧᬸᬄ᭞ᬳᬶᬓᬂᬓᬳᬸᬚᬃᬜᭂᬜᭂᬃᬫᬦᬶᬲ᭄᭞ᬓᬤᬶᬲ᭄ᬓᬃᬲᬮᬄᬫᬰ᭞ᬘᬶᬭᬶᬦ᭄ᬩᬬᬧᬘᬂᬧ᭄ᬭᬧ᭄ᬢᬶ᭟ᬚᬦ᭄ᬫᬦᬾ
[᭗᭑71A]
ᬘᭀᬭᬄᬧᬸᬦᬶᬓᬸ᭞ᬢᬦ᭄ᬲᬶᬤ᭄ᬥᬵᬳᬮᬸᬲ᭄ᬫᬦᬶᬲᬶᬦ᭄᭞ᬬᬤᬶᬦ᭄ᬳ᭄ᬬᬓᬫᬺᬢᬦᬦ᭄᭞ᬥᬃᬫ᭄ᬫᬫᬶᬯᬄᬫᬓ᭄ᬭᬲᬶᬦ᭄᭞ᬩᬗ᭄ᬕ᭄ᬭᬲᬶᬦ᭄ᬫᬲᬶᬄᬢᭀᬂᬲᬶᬤ᭄ᬥ᭞ᬓᬭᬶᬳᬸ
ᬕᬶᬗᬯᬶᬱ᭄ᬬᬦᬶᬦ᭄᭟ᬓᬤᬶᬳᬶᬧᬸᬮᬾᬧᬸᬦᬶᬓᬸ᭞ᬬᬤᬶᬦ᭄ᬢᭂᬩ᭄ᬢᭂᬩ᭄ᬓᬭᬶᬧᬳᬶᬢ᭄᭞ᬬᬤ᭄ᬬᬦ᭄ᬢᬦ᭄ᬤᬸᬃᬧᬳᬶᬢ᭄ᬚᬸᬕ᭞ᬳᭀᬮᬾᬲᬶᬦ᭄ᬫᬥᬸᬮᬦ᭄ᬤᭂᬦ᭄ᬤᬶᬲ᭄᭞ᬩᭀ
ᬭᬾᬳᬂᬘᬫ᭄ᬧᬸᬃᬳᬳᬫ᭄ᬤᬦ᭄᭞ᬲ᭄ᬓᬃᬫᬶᬯᬄᬯᬗᬶᬯᬗᬶ᭟ᬢᬍᬃᬧᬳᬶᬢ᭄ᬜᬦᬾᬓᬦ᭄ᬢᬸᬦ᭄᭞ᬓᬾᬢᭀᬓ᭄ᬭᬫᬦᬶᬓᬂᬚᬦ᭄ᬫᬶ᭞ᬳᬮ᭄ᬦᬶᬓᬂᬯ᭄ᬯᬂᬤᬸᬃᬚ᭄ᬚᬳᬦ᭞ᬳᬶ
ᬦᬬᬸᬳᬬᬸᬢᭀᬂᬤᬤᬶ᭞ᬳᬶᬗᬮᬳᬮᬦᬸᬳᬮ᭞ᬢᭀᬂᬳᬤᬩᬶᬱᬫᬲᬮᬶᬦ᭄᭟ᬲᬗ᭄ᬳ᭄ᬬᬂᬅᬚᬶᬫᬧᬶᬢᬸᬢᬸᬃ᭞ᬳᬚᬸᬫᬾᬢ᭄ᬮᬲᬂᬲᬫᬶ᭞ᬦᬗ᭄ᬳᬶᬂ
