This page has been proofread.
[᭕᭓53B]
ᬯᬾᬲᬸᬓᬵᬋᬡᬦᬶᬂᬩᬧ᭞ᬦᬗ᭄ᬳᬶᬂᬲᬶᬩᬧᬕᬯᬾᬦᬾ᭞ᬳᬬᬸᬦᬶᬗᬦᬓ᭄ᬭᬶᬂᬳᬬᬸ᭞ᬢᬦ᭄ᬲᬋᬲᭂᬢ᭄ᬩᬧᬦᬾᬯ᭄ᬬᬓ᭄ᬢᬶ᭞ᬫᬗ᭄ᬓᬦᬳᬶᬩᬸᬚᬸᬕ᭞
ᬳᬫᬺᬢ᭄ᬢᬵᬲᬶᬄᬳᬶᬧᬸᬦ᭄᭞ᬭᬶᬂᬳᬦᬓ᭄ᬦᬾᬯ᭄ᬦᬂᬢᬦ᭄ᬯᭂᬦᬂ᭞ᬫᬕᬸᬡᬦᬶᬂᬕᬸᬡᬦᬾᬮᬘᬸᬃᬮᬦ᭄ᬲᬸᬕᬶᬄ᭞ᬢᬦ᭄ᬩᬶᬦᬬᬫᬧᬸᬢ᭄ᬭ᭟ᬦᬗ᭄ᬳᬶᬂᬢᬶ
ᬓᬂᬳᬦᬓ᭄ᬲᬶᬦᬄᬚᬢᬶ᭞ᬤᬶᬢ᭄ᬯᬦᬾᬩᬧᬾᬩᬸᬦ᭄ᬬᬢᬦ᭄ᬲᬫ᭞ᬓᬤᬶᬯ᭄ᬮᬲ᭄ᬦᬶᬂᬩᬧᬦ᭄ᬜᬦᬾ᭞ᬯ᭄ᬮᬲ᭄ᬦ᭄ᬬᬫᬭᬶᬂᬫᬶᬸᬩᬧᬾᬩᬸ
ᬬᬤ᭄ᬬᬦ᭄ᬗᬧᬦ᭄ᬬᬮᬘᬸᬃᬫᬶᬲ᭄ᬓᬶᬦ᭄᭞ᬧ᭄ᬭᬶᬄᬦ᭄ᬬᬫᬯᬾᬳᬚᬸᬕᬵ᭞ᬫᬮᬶᬄᬲᬗᬢᬸᬳᬸ᭞ᬲᬭᬯᬸᬳᬶᬂᬳᬦᬓ᭄ᬧᬸᬢᬸᬦ᭄ᬬ᭞ᬬᬦ᭄ᬪᬓ᭄ᬢᬶᬦᬾ
[᭕᭔54A]
ᬫᬶᬩᬸᬓᬤᬶᬭᬶᬂᬤᬾᬯᬤᬶ᭞ᬧᬜ᭄ᬚᬂᬬᬸᬱᬵᬮᬦ᭄ᬲ᭄ᬯᬃᬕ᭄ᬕ᭟ᬬᬦ᭄ᬓᬳᬶᬗ᭄ᬕᬢᬂᬭᬶᬂᬳᬶᬩᬸᬦ᭄ᬬᬢᬸᬯᬶ᭞ᬭᬶᬂᬓᬥᬂᬜᬫᬦ᭄ᬬᬓᬧᬮᬓ᭄ᬯᬂ᭞ᬧᬸᬦᬶᬓ
ᬮᬘᬸᬃᬳᬭᬦᬾ᭞ᬫᬶᬯᬄᬳ᭄ᬬᬗᬭᬦ᭄ᬲᬸᬗ᭄ᬲᬸᬢ᭄᭞ᬗᬯᬾᬰᬹᬦ᭄ᬬᬦᬶᬂᬭᬢ᭄ᬗᬭᬦᬶᬂ᭞ᬧᬢᬸᬢᬾᬫᬭᬶᬂᬫᬢ᭄ᬯᬵ᭞ᬧ᭄ᬭᬦᬫ᭄ᬬᬲᬶᬫᬦ᭄ᬢᬸ᭞ᬫᬰᬶᬮ
ᬭᬶᬂᬳᬚᭂᬂᬫᬢ᭄ᬯᬵ᭞ᬫᬦᬗ᭄ᬓᬶᬮ᭄ᬦᬸᬦᬲ᭄᭞ᬲᬳᬵᬳᬢᬸᬃᬪᬓ᭄ᬢᬶ᭞ᬭᬗ᭄ᬓᬢ᭄ᬗᬭᬦᬶᬭ᭟ᬤᭀᬦᬶᬂᬋᬋᬤ᭄ᬳᬸᬭᬶᬧᬶᬂᬭᬭᬾᬢᬸᬯᬶ᭞ᬬᬦᬶᬂᬓᬢ᭄ᬓᬦᬶᬂ
ᬓᬦᬂᬫᬢ᭄ᬯᬵ᭞ᬯ᭄ᬦᬂᬬᬢ᭄ᬦᬵᬓᬧ᭄ᬯᬲᬶᬭᬭᬾ᭞ᬫᬗᬬᬸᬳᬬᬸᬦᬸᬗ᭄ᬲᬸᬂᬢᬸᬃᬳᬦᭂᬫ᭄ᬩᬄᬤᬤ᭄ᬬᬢᬫᬮᬶᬄ᭞ᬫᬯᬦ᭄ᬢᬸᬦᬸᬭᬶᬧ᭄ᬦᬶᬭ᭞ᬳᬦᬦ᭄ᬬ
