[᭑᭑ 11B]
᭑᭑
ᬧᬭᬲᬸᬮᬶᬗ᭄ᬕᬶᬄ᭞ᬫᬦᬸᬦᬲ᭄ᬢᬶᬃᬢ᭄ᬣ᭞ᬳᬗ᭄ᬕᭀᬧᬘᬂᬜᬶᬭᬢᬶᬦ᭄᭟᭔᭔᭟ᬲᬸᬩᬢᭂᬓᭂᬤ᭄ᬤᬾᬯᬾᬓᬾᬚᬸᬫᬄᬫᬧᬬᬲ᭄᭞ᬮᬯᬸᬢ᭄ᬦᬩ᭄ᬤᬩᬂᬳᬧᬶ᭞ᬓᬲᬗ᭄ᬕᬄᬫᬢᬸ
ᬭᬦ᭄᭞ᬲᬸᬩᬲᬸᬯᬸᬤ᭄ᬗᬬᬩᬂ᭞ᬫᬗ᭄ᬮᬯᬸᬢ᭄ᬤᬶᬢᬸᬫᬪᬓ᭄ᬢᬶ᭞ᬗᬶᬱ᭄ᬝᬶᬬᬂᬳᬶᬤ᭞ᬪᬝᬵᬭᬢ᭄ᬭᬶᬫᬹᬃᬢ᭄ᬣᬶ᭟᭔᭕᭟ᬫᬧᬶᬦᬸᬦᬲ᭄ᬓᬲᬥ᭄ᬬᬦ᭄ᬫ᭄ᬯᬂᬤᬶᬃᬖᬬᬸᬱ᭞ᬢᬦ᭄ᬓᬢᬫᬦᬶᬂᬕ᭄ᬭᬶᬂ᭞ᬦᬾ
ᬦ᭄ᬢᭂᬦ᭄ᬓᬲᭂᬗ᭄ᬓᬮ᭞ᬳᬦ᭄ᬢᬸᬓ᭄ᬱᬂᬓᬮᬢᬶᬕ᭞ᬓᬾᬢᭀᬢᬸᬚᬸᬯᬂᬳᬸᬢ᭄ᬧ᭄ᬢᬶ᭞ᬫᬤᬓ᭄ᬓᬲ᭄ᬯᬾᬘ᭄ᬙᬦ᭄᭞ᬓᬮᬶᬗ᭄ᬕᬶᬳᬦ᭄ᬩᬵᬦ᭄ᬯᬶᬥᬶ᭟᭔᭖᭟ᬩ᭄ᬯᬶᬦ᭄ᬦᬸᬚᬸᬭᬤᬶᬢᬾᬯᬕᬾᬓᬸᬦᬶ
ᬗᬦ᭄᭞ᬧᬸᬦᬶᬓᬓᬳᬤᬦᬶᬦ᭄᭞ᬫᬤᬦ᭄ᬧᬫᬭᬶᬤᬦ᭄᭞ᬕᬸᬭᬸᬲᬦᬾᬓᬳᬸᬘᬧ᭄᭞ᬢᭂᬕᭂᬲ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬂᬧᬭᬤᬾᬯ᭞ᬫᬦ᭄ᬢᬸᬓ᭄ᬫᬢᬶᬗ᭄ᬕᬮ᭄ᬲᬫᬶ᭟᭔᭗᭟
[᭑᭒ 12A]
ᬫᬧᬳᬶᬘ᭄ᬙᬓᬭᬳᬬ᭄ᬯᬦ᭄ᬓᬤᬶᬃᬖᬬᬸᬱᬦ᭄᭞ᬭᬶᬂᬫᬵᬦᬸᬱᬦᬾᬲᬫᬶ᭞ᬧᬸᬦᬶᬓᬳᬯᬦᬦ᭄᭞ᬧᬵᬢᬹᬢ᭄ᬫᬗᬶᬦ᭄ᬓᬶᬦ᭄ᬭᬕ᭞ᬫᬢᬶᬃᬢ᭄ᬣᬫᬳᭂᬦᬶᬂᬳᭂᬦᬶᬂ᭞ᬤᬶᬦᬵᬧᬸᬦᬶᬓ᭞ᬫᬢᬸ
ᬭᬦ᭄ᬯᬗᬶᬯᬗᬶ᭟᭔᭘᭟ᬭᬓᬓᬶᬸᬭᬓᬘᬦᬂᬭᬸᬦ᭄ᬢᬸᬢᬦ᭄ᬳᬦᬫᬦ᭄᭞ᬫᬓᬢᬍᬤ᭄ᬗᬪᬓ᭄ᬢᬶ᭞ᬭᬶᬂᬲᬗ᭄ᬕᬄᬓᭂᬫᬸᬮᬦ᭄᭞ᬲᬸᬰ᭄ᬭᬸᬱᬓᬢᭂᬓᬾᬂᬢ᭄ᬬᬲ᭄᭞ᬫᬦᬢᬓ᭄ᬱᬯᬾ
ᬘ᭄ᬙᬦ᭄ᬯᬶᬥᬶ᭞ᬦᬸᬦᬲ᭄ᬓᭂᬭᬳᬬᭀᬦ᭄᭞ᬮᬸᬓᬢ᭄ᬧᬧᬤᬸᬲ᭄ᬓᬺᬢᬶ᭟᭔᭙᭟ᬘᭀᬫᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬧᬸᬦᬶᬓᬫᬯᬵᬱ᭄ᬝ᭞ᬳᬸᬓᬸᬫ᭄ᬓᬲᬫ᭄ᬩᬢ᭄ᬫᬗ᭄ᬓᬶᬦ᭄᭞ᬫᬵᬤᬦ᭄ᬧᬫ
ᬘᭂᬓᬦ᭄᭞ᬳᬕᬸᬂᬲᬦᬾᬓᬲᬫ᭄ᬩᬢ᭄᭞ᬧᬵᬢᬹᬢ᭄ᬳᬶᬭᬕᬗᬃᬬ᭄ᬬᬦᬶᬦ᭄᭞ᬭᬶᬂᬲᬦ᭄ᬤᬶᬓᬮ᭞ᬭᬶᬂᬤᭂᬗᭂᬦ᭄ᬧᬶᬢᭀᬯᬲᬶᬦ᭄᭟᭕᭐᭟ᬦᬾᬫᬯᬱ᭄ᬝᬧᬶᬲᬸᬕᬸᬄᬳᬕᬸᬂᬧᬸᬦᬶᬓ᭞
Page:Bali-lontar-gaguritan-dewa-yajnya-450ppi.pdf/12
Jump to navigation
Jump to search
This page has been proofread.
