[᭖ 6 B]
᭖
ᬳᬫᬤᬢᬦ᭄᭞ᬳᬦᬾᬫᬧᬢᬸᬂᬧᬥᬵᬬᬩᬸᬤᬮ᭄᭟ᬳᬶᬩᭀᬢᭀᬄᬮᬭᬵᬩᬋᬂᬢᬶᬫ᭄ᬧᬮᬾᬕᬸᬧᬸᬄ᭞ᬫᬓ᭄ᬭᬾᬜ᭄ᬘᭀᬗᬦ᭄ᬜᬜᬢᬾ᭞ᬳᬤᬫ᭄ᬩᬓᬃᬳᬤᬗ᭄ᬮᬶᬮᬶᬢ᭄᭞ᬳᬤᬗ᭄ᬭᬕᬾᬦ᭄ᬧᬘᬂᬦᬶᬫ᭄ᬩᬸᬂ᭞ᬧᬥᬵ
ᬕᬢᬶᬕ᭄ᬮᬶᬲ᭄ᬧᬸᬧᬸᬢ᭄᭞ᬭᬭᬶᬲ᭄ᬜᬤᬾᬕ᭄ᬫᬢ᭄ᬯᬓᬦ᭄᭞ᬳᬶᬘᬸᬭᬶᬓ᭄ᬩᭂᬗᭀᬂᬫᬦ᭄ᬤᬸᬮᬸ᭞ᬲᬢᬶᬗ᭄ᬓᬄᬜᬦᬾᬳᬶᬢᬸᬦ᭄ᬬᬦ᭄᭞ᬦᬗ᭄ᬳᬶᬂᬬᬢ᭄ᬯᬭᬵᬫᬧ᭄ᬢᬵ᭟ᬳᬶᬩᭀᬢᭀᬄᬮᬭᬵᬧᬸᬜᬄᬫᬜᬶᬗ᭄ᬓ᭄ᬭᬸᬂ᭞ᬧᬸᬍᬲ᭄ᬫᬓᬍᬫᬄ᭞ᬢᬵ
ᬦ᭄ᬓᭀᬘᬧ᭄ᬲᬸᬩᬵᬢ᭄ᬗᬳᬶ᭞ᬤᬾᬲᬧ᭄ᬮᬃᬚᬦᬶᬓᬯᬸᬯᬸᬲ᭄᭞ᬢ᭄ᬕᭂᬄᬲᬹᬃᬬ᭄ᬬᬵᬫᬭᬩᬗᬸᬦ᭄᭞ᬓ᭄ᬮᭀᬓᬶᬦ᭄ᬲᬫ᭄ᬧᬶᬦᬾᬳᬶᬮᬂ᭞ᬢᬫ᭄ᬧᬓᬂᬬᬚ᭄ᬯᬂᬧᬦ᭄ᬤᬸᬂ᭞ᬮᬯᬸᬢ᭄ᬧᭂᬲᬸᬦᬸᬤ᭄ᬢᬸᬤᬶᬢᬫ᭄ᬧᬓ᭄᭞ᬢᬫ᭄ᬧᬓᬾᬤᬶᬚᬮᬦ᭄ᬧ᭄ᬕᬢ᭄᭟
ᬤᬦᬾᬲᬧ᭄ᬮᬃᬚᬦᬶᬫᬗ᭄ᬭᬱᬳᬶᬩᬸᬓ᭄᭞ᬩᬦ᭄ᬧ᭄ᬕᬢ᭄ᬢᬫ᭄ᬧᬓᬾ᭞ᬓᬶᬚᬳᬵᬓᬸᬫᬗᬮᬶᬄ᭞ᬬᬾᬦ᭄ᬓᬗᬶᬦ᭄ᬲᬶᬂᬜᬓᬯᬸᬄ᭞ᬤᬾᬲᬧ᭄ᬮᬃᬲᬸᬫᬗ᭄ᬓᬶᬦ᭄ᬩᬶᬗᬸᬂ᭞ᬤᬶᬚᬳᬵᬳᬮᬶᬄᬲᬫ᭄ᬧᬶᬦᬾ᭞ᬫᬜᬕ᭄ᬚᬕ᭄ᬓᬩᬜ᭄ᬚᬃᬢᬸᬢᬸᬃ
[᭗ 7 A]
᭞ᬤᬶᬢᬸᬧᬘᬂᬓᬲᬺᬧᬂ᭞ᬢ᭄ᬓᬾᬦᬶᬂᬳᬶᬩᭀᬢᭀᬄᬮᬭ᭟ᬓᬘᬭᬶᬢᬳᬶᬩᭀᬢᭀᬄᬮᬭᬲ᭄ᬥᭂᬓ᭄ᬧᭂᬲᬸ᭞ᬮ᭄ᬯᬲ᭄ᬫᬳᬗ᭄ᬕᬸᬭᬦ᭄᭞ᬤᬾᬦᬶᬂᬲᬸᬩᬵᬜ᭄ᬓᬸᬓ᭄ᬧᬶᬧᬶᬲ᭄᭞ᬳᬧᬦ᭄ᬩᬶᬓᬲᬳᬸᬮᬶᬫᬮᬸ᭞ᬗ᭄ᬮᬄᬧᬶᬧᬶᬲ᭄ᬧᭂ
ᬲᬸᬗᬗ᭄ᬕᬸᬃ᭞ᬮ᭄ᬬᬸᬢᬸᬢᬸᬃᬜᬦᬾᬕ᭄ᬢᬃ᭞ᬩᭀᬕ᭄ᬩᭀᬕ᭄ᬘᭂᬫᭀᬄᬩ᭄ᬮᭀᬕ᭄ᬳᬚᬸᬫ᭄᭞ᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄ᬗᬶᬦᭂᬫ᭄ᬢᬸᬯᬓ᭄᭞ᬜᬫ᭄ᬩᬮ᭄ᬚᬸᬓᬸᬢ᭄ᬫᬶᬯᬄᬳᬸᬮᬫ᭄᭟ᬘ᭄ᬕᬓ᭄ᬘ᭄ᬕᬶᬓ᭄ᬢᬶᬗ᭄ᬓᬳᬾᬜᬧᬓᬤᬶᬳᬓᬸ᭞ᬢ᭄ᬯᬭᬵᬫᬚᬗ᭄ᬓ
ᬚᬗ᭄ᬓ᭞ᬫᬫᬸᬜᬶᬚᭂᬭᬢ᭄ᬚᭂᬭᬶᬢ᭄᭞ᬤᬶᬫᬃᬕ᭄ᬕᬦᬾᬕ᭄ᬮᬃᬕ᭄ᬮᬸᬃ᭞ᬳᬕᬶᬕᬶᬲ᭄ᬲᬶᬂᬗ᭄ᬮᬄᬓᬶᬫᬸᬤ᭄᭞ᬢᬶᬗ᭄ᬓᬳᬾᬜᬶᬲᬬᬂᬕ᭄ᬮᬃ᭞ᬢᬍᬓ᭄ᬢᭂᬓ᭄ᬢᬶᬯᬲᬾᬗᭂᬦ᭄ᬢᬸᬤ᭄᭞ᬳ᭄ᬦᭂᬗᬓ᭄ᬦᬧᬸᬦᬶᬓ᭞ᬤᬾᬲᬧ᭄ᬮᬃᬚᬦᬶᬓᭀᬘᬧᬦ᭄
᭟ᬲ᭄ᬢᬓᬦᬾᬬᬓᬯᬸᬓ᭄ᬓᬯᬸᬓ᭄᭞ᬫᬲᬯᬸᬢ᭄ᬘᬸᬭᬶᬓᬾ᭞ᬳᬧᬓᬮᬶᬄᬫᬫᬦ᭄ᬫᬳᬶ᭞ᬤᬦᬾᬢᬦ᭄ᬯᬾᬦ᭄ᬢᭂᬦ᭄ᬭᬯᬸᬄ᭞ᬤᬾᬲᬧ᭄ᬮᬃᬮᬦ᭄ᬢᬲ᭄ᬫᬸᬯᬸᬲ᭄᭞ᬫᬫᬦ᭄ᬫᬜᬺᬧᬂᬩᬦ᭄ᬢᬾᬂ᭞ᬳᬶᬘᬸᬭᬶᬓ᭄ᬳᬾᬗ᭄ᬕᬮ᭄ᬫᬲᬯᬸᬢ᭄
Page:Bali-lontar-gaguritan-curik-300ppi.pdf/7
Jump to navigation
Jump to search
This page has been proofread.
