[᭗᭓ 73B]
᭗᭓
ᬧᬸᬧᬸᬢ᭄ᬫᬤᬩ᭄ᬤᬩ᭄ᬚᬕᬩᬸᬤᬮ᭄ᬧᬋᬓᬦ᭄ᬭᭀᬩᬦᬾᬲᬫᬶᬧᬤᬦᬤ᭄ᬢᬤ᭄ᬫ᭄ᬧᭂᬓᬶᬲᬩ᭄ᬚᬶᬢ᭄ᬩᬶᬦᬮ᭄᭟ᬳᬶᬤᬾᬯᬕᬸᬂᬭᬭᬶᬲ᭄ᬓᭀᬤᬮ᭄ᬫᬵᬓᬤᬶᬦᬓᬕᬸᬂᬓᬮᬶᬄᬕ᭄ᬮᬶᬲ᭄ᬫᬸᬗ᭄ᬕᬳᬶᬂᬳᬸᬦ᭄ᬤᬓᬦ᭄ᬫᬭᭀᬗᬭᭀᬗᬦ᭄ᬤᬶᬫᬃᬕ᭄ᬕᬶᬧᬋᬓᬦ᭄ᬭᭀᬩᬦ᭄ᬩᭂᬚᬶᬢ᭄ᬫᬦᬸᬢᬸᬕ᭄ᬧᬤᬫᬕ᭄ᬭᬸᬤᬸᬕ᭄
ᬲᬓ᭄ᬱᬦᬭᬳᬸᬄᬕᬗ᭄ᬱᬃᬤᬶᬩᬜ᭄ᬘᬶᬗᬄᬫᬬᬰᬺᬗ᭄ᬕᬶᬕ᭄ᬮᬶᬲ᭄ᬢ᭄ᬥᬸᬦ᭄ᬱᬧᬗᬶᬭᬶᬂᬭᬳᬸᬄᬕᬗ᭄ᬱ᭟ᬓᭂᬦ᭄ᬤᭂᬮ᭄ᬱ᭄ᬩᭂᬜᬦᬾᬩᬶᬗᬃᬳᬶᬤ᭄ᬯᬕᬸᬂᬮᬾᬤᬂᬩᬸᬗᬓ᭄ᬱᬶᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬚᬮᬄᬗ᭄ᬮᬳᬸᬢ᭄ᬓᬩᬯᬶᬩ᭄ᬭᬶᬬᬸᬓ᭄ᬫᬗᬶᬭᬶᬂᬲᬫᬶᬤᬶᬩᬢᬯᬶᬲᬸᬩᬭᬳᬸᬄᬮᭀᬅᬳᬤᬾᬅᬚᬓ᭄ᬮᭀᬅᬗᬄᬕ᭄ᬮᬶ
ᬲ᭄ᬗᬢᬸᬭᬂᬧᬶᬲᬮᬶᬦ᭄ᬳᬶᬤᬾᬯᬕᬸᬂᬫᬮᬶᬗ᭄ᬕᬶᬄᬤᬶᬳᬸᬦ᭄ᬤᬕ᭄ᬳᬸᬦ᭄ᬤᬕ᭄᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬳᬶᬓ᭄ᬭᬾᬧᬓ᭄ᬧᬭᬦᬶᬂᬳᬓ᭄ᬱᬶᬫ᭄ᬧᭂᬲ᭄ᬳᬶᬤᬩᬕᬸᬲ᭄ᬗᬸᬭᬄᬩᬶᬄᬢᬸᬦ᭄ᬤᬾᬦ᭄ᬗᬢᬸᬭᬂᬚᬦᬶᬭᬶᬂᬳᬚᬶᬓ᭄ᬫᬶᬦᬓᬤᬶᬳᬶᬩ᭄ᬬᬂᬯᬢᬺᬬᬂᬤᬶᬢᬸᬦᬾᬗᭂᬮᬄᬫᬄᬧᬤᬳᬶᬓ᭄ᬭᬾᬧᬓ᭄ᬫᭂᬧᭂᬲᬳᬶᬭᬶᬂᬮᬸᬢ᭄ᬜᬮ
ᬦᬂᬳᬶᬓᬘ᭄ᬬᬮ᭄ᬫᬗᬢᬸᬭᬂ᭟ᬤᬶᬘᬶᬢ᭄ᬭᬓᬦ᭄ᬬᬳᬸᬘᬧᬂᬤᬶᬦᬢᬳᬾᬢ᭄ᬩᭂᬂᬢᬶᬢᬶᬩ᭄ᬳᬶᬤᬾᬯᬕᬸᬂᬩ᭄ᬬᬂᬢᬶᬕᬵᬓᬢᬗ᭄ᬓᬶᬮ᭄ᬩᬦ᭄ᬯᬭᬧ᭄ᬱᬭᬶᬳᬦᬓ᭄ᬥᬵᬦᬓ᭄ᬥᬵᬲᬫᬶᬮ᭄ᬯᬶᬃᬧᬦ᭄ᬜ᭄ᬚ᭄ᬭᬳᬶᬂᬲᬃᬯ᭄ᬯᬲᬦ᭄ᬢᬸᬦ᭄ᬢ᭄ᬯᬭᬩᬓᬢ᭄ᬧᬶᬦᭂᬳᬂᬧᬤᬫᬳᬸᬃᬳᬸᬃᬭᬦ᭄ᬭᬲ᭄ᬫᬶᬦ᭄ᬫ᭄ᬓᬤᬶᬜᭂᬳᬶᬤᬲᬂᬫᬦᬶᬓᬶᬂᬭᬭᬲ᭄
[᭗᭔ 74A]
᭟ᬳᬦᬓᬕᬸᬂᬳᬬᬸᬗᬸᬭᬄᬢᬦ᭄ᬱᬄᬤᬶᬳᬃᬲᬫᬮᬶᬗ᭄ᬕᬶᬄᬧᬦ᭄ᬯᬃᬦᬢᬦ᭄ᬧᬢᬦ᭄ᬤᬶᬗᬦ᭄ᬮ᭄ᬯᬶᬃᬫᬸᬓ᭄ᬱᬄᬢᬸᬂᬢᬸᬂᬗᬶᬂᬮᬶᬭᬶᬂᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄ᬢᬶᬢ᭄ᬬᬂᬗ᭄ᬮᬸᬗ᭄ᬱᬸᬭᬂᬤᬾᬯᬕᬸᬂᬬᬦ᭄ᬯᬾᬦ᭄ᬢᭂᬦ᭄ᬧᬓᬬᬸᬦᬦ᭄ᬫᬳᬫᭂᬂᬳᬫᭂᬂᬳᬶᬭᬶᬓᬶᬧᬲᬶᬃᬋᬩᬤ᭄ᬫᬓᬤᬶᬧᬘᬂᬫᬦᬶᬢ᭄ᬣᬵ᭟ᬳᬶᬤᬾᬯᬕᬸᬂ
ᬩ᭄ᬬᬂᬦᬶᬫ᭄ᬩᬮ᭄ᬲ᭄ᬯᬩᬯᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬯ᭄ᬯᬵᬤ᭄ᬫᭂᬦ᭄ᬧᬶᬲᬦ᭄ᬧᬶᬲᬦ᭄ᬫᬧᭂᬘᬓ᭄ᬫᭂᬯᬄᬫᬘᬸᬓᬶᬦᬾᬩᬸᬤ᭄ᬬᬂᬯ᭄ᬯᬵᬚᬦᬶᬦ᭄ᬤᬗᬄᬕᬕᬫ᭄ᬮᬦ᭄ᬮᬳᬸᬢ᭄ᬧᬦ᭄ᬓᬲᬸᬩ᭄ᬧᬶᬲᬦ᭄ᬧᬶᬲᬦ᭄ᬳᬶᬄᬓ᭄ᬫᭂᬫᬓ᭄ᬚᬂᬤᬶᬦᬶᬧ᭄ᬢᭂᬂᬍᬫᬄᬲᬳᬶᬫᬦᬩᬸᬄᬕᬫ᭄ᬮᬦ᭄᭟ᬳᬦᬓᬕᬸᬂᬳᬬᬸᬗᬸᬭᬄᬫ᭄ᬧᭂᬲᬗ᭄ᬕᬵᬫᬢᬸᬃᬳᬭᬶᬲ᭄ᬭ
ᬢᬸᬳᬫ᭄ᬧᬸᬭᬬᬂᬧᬶᬲᬦ᭄ᬢᬶᬢ᭄ᬬᬂᬢᬫ᭄ᬩᭂᬢ᭄ᬮᬶᬦ᭄ᬢᬂᬓᬶᬜ᭄ᬘᬶᬢ᭄ᬓᬾᬫᬳᭀᬦ᭄ᬱᬫᬗ᭄ᬤᬾᬕ᭄ᬮᬶᬲ᭄ᬳᬶᬧᬸᬦ᭄ᬫᬫᬃᬕᬫᬕᭂᬩᬸᬕ᭄ᬳᬶᬤᬾᬯᬕᬸᬂᬩ᭄ᬬᬂᬢᬶᬕᭂᬰ᭄ᬭᬗᬂᬲᬋᬂᬲᬫᬶᬳᬦᬓᬕᬸᬂᬳᬬᬸᬗᬸᬭᬄᬫᬢᭀᬮᬶᬳᬦ᭄᭟ᬳᬶᬋᬋᬧ᭄ᬩ᭄ᬘᬢ᭄ᬦ᭄ᬤᬳᬸᬳᬂᬳᬧᬦ᭄ᬧ᭄ᬭᬢᬫᭂᬳᬶᬯᬗ᭄ᬱᬶᬢ᭄ᬲᬕᬾ
ᬢ᭄ᬓᬳᬶᬓᬘ᭄ᬬᬮ᭄ᬫᬸᬘᬸᬓᬶᬦ᭄ᬧᬋᬓᬜ᭄ᬘᭂᬦᬶᬓ᭄ᬫᬦᬫ᭄ᬧᭂᬓᬶᬲᬫᬶᬫᬶᬲᬶᬢᬾᬄᬢᭀᬄᬳᬦ᭄ᬧᬘᬂᬓᬢᬸᬃᬭᬶᬂᬳᬶᬩᬸᬦ᭄ᬥᬵᬲᬫ᭄ᬬᬦ᭄ᬫ᭄ᬓᬤᬶᬳᬵᬭᬶᬦ᭄ᬥᬵᬲᬫᬶᬳᬦᬓᬕᬸᬂᬧ᭄ᬭᬧᬸᬢ᭄ᬭᬶᬓᬸᬫ᭄ᬧᬸᬮ᭄ᬭᬶᬂᬫᬬᬰ᭄ᬭᬗ᭄ᬕ᭟ᬳᬲᬓ᭄ᬱᬡ᭄ᬦᬭᬳᬸᬄᬕᬫ᭄ᬮᬦ᭄ᬧᬓᬓᬲ᭄ᬜᬦᬾᬗᬾᬤᬦᬶᬦ᭄ᬧ᭄ᬭᬧᬸᬢ᭄ᬭᬶᬳᬮᬸᬗ᭄ᬕᬸᬄᬭᬶᬂ
Page:Bali-lontar-gaguritan-cokoratu-05-250ppi.pdf/74
Jump to navigation
Jump to search
This page has been proofread.
