[᭖᭘ 68 B]
᭖᭘
ᬬᬸᬦ᭄ᬳᬶᬚᬶᬯᬵᬭᬕᬵᬋᬓᭀᬧᬸᬧᬸᬢ᭄ᬫᬫᬶᬤᬃᬢ᭄ᬣᬲᬫᬶᬳᬶᬤᬾᬯᬕᬸᬂᬳᬚᬶᬮᬾᬤᬾᬗᬾᬓᬮᬶᬦ᭄ᬢᬂ᭟ᬧᬤᬦ᭄ᬥᬵᬫᬤᬾᬗ᭄ᬕᬢᬭᬂᬤ᭄ᬩᬕᬸᬲ᭄ᬦᬶᬓᬧᬸᬦᬧᬶᬫᬶᬭᬶᬩ᭄ᬲᬂᬋᬱᬶᬩᬕᬯᬦᬫᬂᬗᬺᬕᭂᬧ᭄ᬫᬜᬸᬳᬸᬦ᭄ᬧ᭄ᬢᬶᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄ᬢᭀᬧ᭄ᬢᬶᬳᬧᬓᬲᬸᬳᬸᬦ᭄ᬓᭀ
ᬭᬢᬸᬫ᭄ᬧᭂᬲ᭄ᬜᬸᬫ᭄ᬩᬄᬫᬳᬢᬸᬃᬳᬭᬸᬫ᭄ᬫᬦᬶᬲ᭄ᬚᬕᬓᬢᬸᬃᬭᬶᬂᬭᬳᬶᬓ᭄ᬘᭀᬓᭀᬃᬳᬶᬤᬾᬯ᭟ᬳᬶᬤᬾᬯᬕᬸᬂᬳᬚᬶᬮᬾᬤᬂᬲ᭄ᬯᬩᬯ᭄ᬯᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬳᬭᬄᬳᬗᭀᬩ᭄ᬯ᭄ᬯᬓᬾᬦ᭄ᬘᬳᬶᬦᬾᬳᬶᬩᬶᬩᬲ᭄ᬳᬓᬶᬓᬶᬢ᭄ᬮᬕᬸᬢᬾᬦ᭄ᬓᬬᬂᬮᬶᬬᬸᬳᭀᬜᬂᬳ
ᬗ᭄ᬕᭀᬦ᭄ᬳᬢᬸᬭᬦ᭄ᬓᭀᬭᬳᬸᬫ᭄ᬧᭂᬲ᭄ᬢᬸᬃᬩᬓ᭄ᬢᬶᬮᬸᬢ᭄ᬫᬯᬗ᭄ᬱᬶᬢ᭄ᬭᬶᬂᬤᬤᬾᬅ᭄ᬩᬸᬫ᭄ᬩᬂᬧᬸᬗ᭄ᬓᬸᬭᬦ᭄᭟᭐᭟ᬧᬂ᭟ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬤᬤᬾᬅ᭄ᬳᬡ᭄ᬭᬶᬓ᭄ᬳᬶᬘᬫ᭄ᬘ᭄ᬬᭀᬓᬯᬸᬓᬶᬦ᭄ᬳᬧᬗᭂᬫᬳᬶᬫᬗ᭄ᬮᬯᬸᬢ᭄ᬗᬩᬧᬘᬂᬳᬢᬸᬭᬂᬳᬶᬤᬫᬤᬾᬗᬚᬩᬬᬂᬕ᭄ᬮᬶᬲᬺ
ᬯᬸᬄᬳᬶᬘᬫ᭄ᬘ᭄ᬬᭀᬦᬦ᭄ᬤᬦ᭄ᬤᬭᬦ᭄ᬚᬕᭀᬲ᭄ᬍᬫ᭄ᬜᬳᬦ᭄ᬚᬯᬶ᭟ᬓᬕ᭄ᬬᬢ᭄ᬳᬶᬤᬾᬯᬕᬸᬂᬜᬶᬗᬓ᭄ᬬᬾᬜᬚᬬᬦ᭄ᬤᬶᬚᬩᬓᬢᬂᬘᬳᬶᬓᭀᬭᬢᬸᬜᬸᬫ᭄ᬩᬄᬫᬳᬢᬸᬃᬯᬾᬦ᭄ᬢᭂᬦ᭄ᬧᬸᬦᬶᬗᬦ᭄ᬢᬶᬢ᭄ᬬᬂᬲᬓᬶᬂᬮᬶᬗ᭄ᬕᬵᬳᬶᬧᬸᬤ᭄ᬫᬢᬾᬦ᭄ᬓᬾᬦᭂᬦ᭄ᬭᬯᬸᬄ
[᭖᭙ 69 A]
ᬤᬶᬩᬮᬾᬓᬨᬮ᭄ᬧᬤ᭄ᬥᬮᬶᬬᬸᬭᬯᭀᬲᬾᬧ᭄ᬱᬸᬫᬮᬸᬲ᭄ᬩᬸᬲ᭄ᬳᬶᬚᬶᬯᬵᬭᬕᬵᬗᬶᬗᭂᬢᬂᬩᬦᬾᬫᬲᬗ᭄ᬕᬸᬧ᭄ᬢᬸᬢᬸᬭᬶᬦ᭄᭟ᬳᬶᬗ᭄ᬕᬶᬄᬓᬾᬦ᭄ᬳᬶᬓᬳᬶᬦ᭄ᬢᬶᬢ᭄ᬬᬂᬲᬧᬲᬶᬭᬲᬦᬾᬗᬶᬭᬶᬂᬓᬧᬸᬭᬶᬫᬗ᭄ᬤᬢᬶᬢ᭄ᬬᬂᬳᬸᬦᬶᬂᬭᬢᬸᬫ᭄ᬦᬯᬶᬓᬢᬓᬾᬦᬦ᭄ᬤᬦᬾᬱ᭄ᬕᬦ᭄ᬝᬓ᭄ᬓ᭄ᬜᭂᬫ᭄ᬧᬲᬳᬸ
ᬢᬾᬳᬮᬸᬲ᭄ᬦᬄᬚᬦᬶᬢ᭄ᬬᬂᬗᭀᬃᬢᬬᬂᬳᬧᬂᬘᬳᬶᬧ᭄ᬤᬲ᭄ᬕᬢ᭟ᬳᭂᬦ᭄ᬢᭀᬳᬶᬤᬩᬕᬸᬲ᭄ᬗᬸᬭᬄᬘᭀᬓᭀᬭᬢᬸᬦᬾᬦᬾᬗᬶᬭᬶᬂᬓᬧᬸᬭᬶᬳᬸᬮᬶᬤ᭄ᬳᬓᭀᬘᬧ᭄ᬫᬮᬸᬳᬶᬤ᭄ᬯᬕᬸᬂᬳᬚᬶᬜᬦ᭄ᬤᬓ᭄ᬫᬗᭂᬦ᭄ᬤᭂᬓᬂᬓ᭄ᬭᬡᬤᬶᬦᬶᬧᬘᬂᬮᬯᬸᬢ᭄ᬢᬸᬃᬲᬸᬩᬫᬗ᭄ᬕᬳᬾᬳᬸᬫᬄᬢᭀᬳᬯᬦᬦ᭄ᬰᬬᬂ
ᬕᬢᬶ᭟ᬲ᭄ᬥᭂᬂᬢ᭄ᬯᬄᬧᬘᬂᬲᬬᬗᬂᬳᬦᬓ᭄ᬧ᭄ᬭᬚ᭄ᬜᬦ᭄ᬩᬕᬸᬲ᭄ᬭᬗ᭄ᬕᬭᬭᬶᬭᬶᬄᬩᬶᬱᬫᬦᬢᬓᬶᬦ᭄ᬓᬬᬸᬦ᭄ᬗᬼᬕᬦᬶᬦ᭄ᬓ᭄ᬦᭂᬄᬚᬕᬢ᭄ᬳᬶᬕᬕᬭᬂᬓ᭄ᬜᭂᬫ᭄ᬮᬳᬸᬢᬫᬢᬸᬃᬭᬢᬸᬗᬸᬤᬤ᭄ᬯᬦᬶᬂᬜᬫ᭄ᬩᬄᬳᬶᬢ᭄ᬭᬸᬧ᭄ᬩ᭄ᬘᬢ᭄ᬜᬯᬸᬢᬶᬦ᭄᭟ᬲᬸᬲᬸᬩᬦᬾᬫᬗ᭄ᬮᬮᬦᬵᬤᬤᬾᬅ᭄ᬭᬳᬶᬲᬸᬩᬲᬮᬶᬂᬯᬂᬲᬶᬢᬶᬦ᭄
ᬳᬶᬚᬶᬯᬵᬭᬕ᭞ᬫᬲᬗ᭄ᬕᬸᬧ᭄ᬮᬸᬢᬫᬧᬫᬶᬢ᭄ᬩᬸᬤᬮ᭄ᬳᬶᬤᬾᬯᬕᬸᬂᬭᬯᬸᬄᬭᬶᬂᬧᬲᬭᬾᬦ᭄ᬳᬕᬸᬂᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬦᬶᬓᬶᬕᬧ᭄ᬕᬧᬦ᭄ᬳᬧ᭄ᬢᬶ᭟ᬳᬶᬤ᭄ᬯᬕᬸᬂᬩ᭄ᬬᬂᬩᬸᬜᬶᬗᬓ᭄ᬘᭀᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬢᬸᬫ᭄ᬩᬾᬦ᭄ᬗ᭄ᬦᬄᬳᬶᬮᬂᬳᬶᬮᬸᬲᬚᬓᬾᬗ᭄ᬕ
Page:Bali-lontar-gaguritan-cokoratu-02-250ppi.pdf/69
Jump to navigation
Jump to search
This page has been proofread.
