[᭕᭑ 51 B]
᭕᭑
ᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭟ᬦᬄᬫᬳᬶᬧᬤᬵᬫ᭄ᬦᬾᬓᬦ᭄ᬲᬫᬶᬜᭂᬫ᭄ᬩᬄᬦᬸᬦᬲ᭄ᬮᬸᬕᬺᬫᬮᬶᬗ᭄ᬕᬶᬄᬳᬶᬤ᭄ᬯᬕᬸᬂᬧᬸᬢᬺᬭᬶᬗᬵᬬᬸᬦ᭄ᬲᬤᬗᬤᭂᬧᬾᬂᬍᬫᬄᬳᬦᬓ᭄ᬩᬕᬸᬲ᭄ᬲᬶᬂᬭᬭᬲᬂᬢ᭄ᬓᬧᬳᬸᬢ᭄ᬲᬲᭀᬮᬄᬗ᭄ᬕᬯᬾᬓᬸᬂᬭᬶᬫᬂᬫ᭄ᬧᭂᬲ᭄ᬜᬸᬫ᭄ᬩᬄᬫᬵᬢᬸᬃᬳᬭᬶᬲ᭄᭟ᬭ
ᬢᬸᬢᬶᬢ᭄ᬬᬂᬫᬦ᭄ᬤᬯᭂᬕᬂᬦᬸᬦᬲ᭄ᬓᬸᬕ᭄ᬭᬳᬕᬾᬧᬘᬂᬫᬧᬫᬶᬢ᭄ᬫᬲᬵᬢᬦ᭄ᬭᬶᬂᬬᬸᬦ᭄ᬤᬾᬯᬕᬸᬂᬳᬦ᭄ᬢᬸᬓᬲᭂᬧ᭄ᬬᬦ᭄ᬧᬶᬲᬦ᭄ᬳᬶᬤᬵᬭᬓᬦ᭄ᬘᭀᬓᭀᬃᬳᬶᬤᬾᬯᬵᬕᬸᬂᬧᬋᬓᬦ᭄ᬘᭀᬓᭀᬃᬳᬶᬤᬾᬯ᭄ᬯᬦᬶᬕ᭄ᬥᬾᬳᬶᬧᬸᬦ᭄ᬗ᭄ᬮᬸᬗᬦᬶᬦ᭄᭟ᬳᬚᬶᬦ᭄ᬥᬵᬘᬦᭂᬕ᭄ᬭᬶᬋᬤᭂ
ᬫᬦ᭄ᬢᭂᬄᬧᬸᬧᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬢᭀᬂᬩᬶᬲᬵᬳᬶᬭᬫᬲᬳᬸᬢ᭄ᬳᬾᬗ᭄ᬕᬮᬦ᭄ᬩᬍᬕ᭄ᬩᭂᬕᬦ᭄ᬚᬮᬦ᭄ᬫᬸᬮᬶᬄᬫᬾᬫᬾᬦᬾᬢᬭᬶᬦᬶᬦ᭄ᬫᬮᬸᬳᬶᬤ᭄ᬯᬕᬸᬂᬳᬚᬶᬢ᭄ᬤᬸᬦᬦ᭄ᬫᬩ᭄ᬭᬶᬬᬸᬓ᭄ᬱᬫᬶᬫᬗᬶᬭᬶᬂ᭟ᬳᬶᬤ᭄ᬯᬕᬸᬂᬩ᭄ᬬᬂᬳᬸᬘᬧᬂᬳᬶᬤᬵᬫ᭄ᬮᬶᬗ᭄ᬕᬶᬄᬤᬶᬩᬢᬦᬵᬕᬲᬵ
ᬭᬶᬗᬶᬂᬢᬗ᭄ᬓᬶᬮᬦ᭄ᬢ᭄ᬯᬭᬮᬶᬬᬸᬲᭀᬓ᭄ᬧᬋᬓᬦ᭄ᬧᬗᬬᬄᬲᬕᬾᬢ᭄ᬭᬯᬸᬄᬳᬶᬤ᭄ᬯᬕᬸᬂᬮᬦᬂᬲ᭄ᬫᬸᬗᬫᬦ᭄ᬢ᭄ᬯᬭᬤᬧᬢᬶᬧᬺᬦᬵᬫ᭄ᬬᬩᬶᬦᬢᬦ᭄ᬓᬬᬳᬶᬂᬮᬕᬶ᭟ᬫᬧᬋᬓᬦ᭄ᬘ᭄ᬭᬶᬓ᭄ᬧᬢ᭄ᬧᬢ᭄ᬲᬓᬾᬯᬮᬵᬳᬶᬕᬜ᭄ᬚᬃᬓᬾᬦ᭄ᬳᬶᬕᬗ᭄ᬲᬶᬂᬫᬲᬶᬄᬧᬤᬵᬕᭂᬲᬶᬢ᭄ᬗᬸᬦ᭄ᬗᬸ
[᭕᭒ 52 A]
ᬦ᭄ᬧᬦ᭄ᬓᬲᭂᬓᬦᬶᬂᬘᬶᬢ᭄ᬣᬳᬶᬤᬾᬯᬕᬸᬂᬩ᭄ᬬᬂᬜᬶᬗᬓ᭄ᬤᬤᬶᬕ᭄ᬮᬸᬕ᭄ᬮᬶᬲ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬩᬸᬓᬵᬫ᭄ᬩᬄᬫᬥᬸᬕᭂᬦ᭄ᬤᬶᬲ᭄᭟ᬬᬾᬗᬸᬤᬲᬶᬕ᭄ᬲᬶᬢ᭄ᬧᬶᬲᬦ᭄ᬜᬾᬦ᭄ᬗᭀᬯᬾᬮᬶᬦ᭄ᬓ᭄ᬭᬡᬫᬲ᭄ᬩᭂᬂᬲ᭄ᬤᬶᬄᬧᬢᬕᬶᬄᬳᬦᬓᬕᬸᬂᬳ᭄ᬥᬵᬩ᭄ᬯᬶᬦ᭄ᬫᬚᬗ᭄ᬓᬵᬦᬄᬳᭀᬭᬳᬂᬳᬧᬂᬳᬶᬘᬂᬢᬸᬲᬶᬂᬳᬶᬩᬸᬓ᭄᭞ᬲᬶ
ᬜᬳᬤᬵᬤᬸᬃᬫ᭄ᬫᬗ᭄ᬕᬮᬵᬢᬸᬢᬸᬭᬂᬤᬵᬫᬗ᭄ᬮᬶᬤᬶᬦ᭄᭟ᬤᬸᬃ᭟ᬳᬶᬤᬾᬯᬕᬸᬂᬮᬦᬂᬫ᭄ᬧᭂᬲ᭄ᬫᬢᬸᬃᬜᬸᬫ᭄ᬩᬄᬭᬢᬸᬯᬦ᭄ᬢᬄᬲᬯᬓ᭄ᬝᬶᬓᬤᬶᬧᬯᬵᬘᬦᬵᬯᬾᬦ᭄ᬢᬦ᭄ᬓᭀᬩᭂᬢᬂᬢᬶᬢ᭄ᬬᬂᬓᬩᬃᬓᬮᬶᬦ᭄ᬢᬂᬲᬚᬢᬶᬗᬶᬂᬤᬸᬭᬸᬂᬯ᭄ᬥᬃᬫᬗ᭄ᬯᬋᬄᬓᬮᬵᬤᬾᬰᬶ᭟ᬳᬶᬤᬾᬯᬕᬸᬂᬧᬸᬢᬺᬳᬕᬾᬧᬘᬂ
ᬩᬸᬤᬮ᭄ᬫᬶᬲᬺᬗᬂᬫᬧᬫᬶᬢ᭄ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂᬓᬤᬶᬓᭀᬩᭂᬢᬦ᭄ᬳᬦ᭄ᬢᬸᬓ᭄ᬓᬤᬯᬸᬄᬫᬗᬶᬭᬶᬂᬓᬢᬸᬃᬫᬋᬓᬦ᭄ᬳᬶᬭᬶᬓᬵᬚᬕᬮᬫᬶ᭟ᬳᬶᬤᬾᬯᬕᬸᬂᬩ᭄ᬬᬂᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬤ᭄ᬧᬶᬦ᭄ᬳᬶᬭᬜᭀᬩᬓ᭄ᬓᬶᬦ᭄ᬳᬶᬦ᭄ᬤᬬᬂᬗᭂᬦ᭄ᬤᭂᬓᬂᬧᬤᬾᬢᭀᬂᬜᬶᬤᬬᬂᬳᬦ᭄ᬤᭂᬕᬂᬫ
ᬲᬶᬄᬫᬸᬮᬶᬄᬳᬶᬤ᭄ᬥᬵᬤᬵᬮᬸᬯᬲ᭄ᬯᬍᬲᬂᬓᬶᬓᬶᬢ᭄ᬓᬶᬓᬶᬢ᭄᭟ᬓᬜ᭄ᬘᬶᬢ᭄ᬭᬯᬸᬄᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬳᬕᬸᬂᬦᬶᬓᬶᬭᬯᭀᬲᬶᬦ᭄ᬳᬶᬄᬜ᭄ᬚᭀᬃᬦᬕᬶᬄᬩᬸᬤᬮ᭄ᬦᬦ᭄ᬢᬸᬯᬂᬜᬫᬮᬸᬯᬲ᭄ᬢᭀᬂᬩᬶᬱᬵᬢ᭄ᬬᬂᬜᬯᬸᬢᬶᬦ᭄ᬳᬶᬤ᭄ᬯᬕᬸᬂᬩ᭄ᬬᬂᬓ᭄ᬜᭂᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬳ
Page:Bali-lontar-gaguritan-cokoratu-02-250ppi.pdf/52
Jump to navigation
Jump to search
This page has been proofread.
