[᭔᭔ 44 B]
᭔᭔
ᬫ᭄ᬧᬸᬦ᭄ᬫᬸᬗ᭄ᬕᬄᬧᬗ᭄ᬓᬢ᭄ᬩᬜ᭄ᬚᬭᬦ᭄ᬳᬶᬧᬸᬦ᭄ᬳᬓᭀᬤᬶ᭞ᬭᬸᬧᬦᬾᬩ᭄ᬘᬶᬓ᭄ᬱᬫᬶᬓᬾᬓᬾᬃᬓᬫᬦ᭄ᬢ᭄ᬭᬶᬬᬦᬾᬓᬲᬸᬩ᭄᭞ᬳᬶᬢ᭄ᬭᬸᬧ᭄ᬫᬮᬶᬄᬦᬶᬫ᭄ᬩᬮ᭄ᬧᬸᬦᬶᬓᬶᬯᬾᬦ᭄ᬢᭂᬦ᭄ᬳᬶᬓ᭄ᬤᬶᬓ᭄᭞ᬘ᭄ᬧᭂᬢ᭄ᬫᬦ᭄ᬤᬸᬃᬮᬭᬗᬦ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬓᭀᬭᬢᬸᬫᬮᬶᬄᬦᬢᬲᬂᬳ᭄ᬜᬾᬦᬾᬤ᭄ᬫᭂᬦ᭄ᬫᬗᭂᬧᬶ
ᬮ᭄᭞ᬲᬳᬶᬫᬗᬮᬶᬄᬲᬶᬦ᭄ᬤᬸᬢᬦ᭄ᬳᬧᭂᬩᬗ᭄ᬲᬦ᭄ᬜᬦᬾᬚᬢᬶ᭞ᬳᬶᬢ᭄ᬭᬸᬧ᭄ᬫᬢᬸᬃᬳᬭᬶᬲ᭄ᬳᬶᬗ᭄ᬕᬶᬄᬢᬶᬗ᭄ᬕᬩᬗ᭄ᬲᬦ᭄ᬳᬶᬧᬸᬦ᭄᭞ᬢᬸᬲ᭄ᬢᬸᬲ᭄ᬦᬶᬂᬩᬲ᭄ᬫᬂᬗ᭄ᬓᬸᬭᬧᬢᬶᬢᬬᬦ᭄ᬲᬓᬶᬂᬗᬸᬦᬶ᭞ᬳᬶᬤᬵᬩᬕᬸᬲ᭄ᬳᭀᬓᬵᬤᬾᬭᬾᬂᬓᬢᬗᭂᬳᬦ᭄᭟ᬧᬸᬦᬶᬓᬲᬦᬾᬳᬶᬦᬸᬘ
ᬧ᭄ᬘᬢᬸᬃᬳᬱ᭄ᬱᬭᬦᬾᬢ᭄ᬬᬓ᭄ᬢᬶ᭞ᬓᬾᬫᬦ᭄ᬢ᭄ᬯᬭᬧᬤᬵᬧᬤᭂᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬫᬗᬼᬯᬶᬳᬶᬦ᭄᭞ᬲᬤ᭄ᬭᬶᬧᬸᬓ᭄ᬭᬭᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬫᬕᬸᬢ᭄᭞ᬲᬫ᭄ᬧᬸᬦ᭄ᬜᬸᬫ᭄ᬩᬭᬂᬭᬕᬵᬳᬶᬤᬾᬯᬕᬸᬂᬮᬶᬦ᭄ᬢᬂᬳᬚ᭄ᬭᬶᬄ᭞ᬫᬳᬯᬶᬦᬦ᭄ᬘᬢᬸᬃᬳᬧ᭄ᬱᬭᬦᬾᬫᬸᬂᬗ᭄ᬧᬂ᭟
᭟ᬧᬂ᭟ᬜᭀᬮᬶᬩ᭄ᬫᬗᬮᬶᬄᬲᬶᬦ᭄ᬤᬸᬢᬦ᭄᭞ᬘᭀᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬳ᭄ᬜᬾᬦ᭄ᬳᬤᬦ᭄ᬜᬦᬾᬤᬕᬸᬲ᭄ᬦᬾᬧᬢ᭄ᬧᬢ᭄ᬦᬄᬳᭀᬭᬳᬂ᭞ᬤᬤᬾᬅ᭄ᬳᭀᬓᬵᬓ᭄ᬜᭂᬫᬢ᭄ᬭᬶᬄᬫᬥᬸᬚᬸᬭᬸᬄ᭞ᬗ᭄ᬕᬶᬄᬫᬗ᭄ᬓᬶᬦ᭄ᬢ᭄ᬬᬂᬗᬢᬸᬭᬂᬧ᭄ᬭᬢᬾᬓᬦ᭄ᬳᬤᬜᭂᬲ
[᭔᭕ 45 A]
ᬫᬶ᭟ᬳᬶᬤᬵᬩᬕᬸᬲ᭄ᬗᬸᬭᬄᬓ᭄ᬭᬾᬧᬓ᭄᭞ᬦᬾᬳᬮᬶᬢᬦ᭄ᬳᬶᬋᬜᬫ᭄ᬤᬕᬸᬲ᭄ᬭᬳᬶ᭞ᬫᬮᬶᬄᬦᬾᬓᭂᬋᬂᬫᬜᬶᬦ᭄ᬤᬸᬢ᭄᭞ᬤ᭄ᬩᬕᬸᬲ᭄ᬳᭀᬓᬵᬩ᭄ᬘᬢ᭄᭞ᬧᬮᬶᬂᬳᬮᬶᬢ᭄ᬕᬸᬲ᭄ᬳᬦ᭄ᬝᬶᬓ᭄ᬤᬶᬗ᭄ᬲᬂᬓᬲᬸᬫ᭄ᬩᬸᬂᬳᬕᬸᬲ᭄ᬤ᭄ᬕᭂᬂᬧᬢᬶᬩ᭄ᬭᬢ᭄ᬣ᭞ᬢ᭄ᬯᬭᬢᬳᬾᬦ᭄ᬩᬶᬱᬵᬕᬸᬜ᭄ᬚᬶᬄ᭟ᬳᬭᬄᬚᬸᬚᬸᬢ᭄ᬲ
ᬚᬵᬢ᭄ᬬᬂ᭞ᬩᬶᬦ᭄ᬫᬢᬓᭀᬦ᭄ᬩᬳᬦᬾᬢ᭄ᬯᬭᬳᬸᬦ᭄ᬦᬶᬂ᭞ᬦᬾᬦᬾᬫᬳᬤᬦ᭄ᬲᬤ᭄ᬭᬶᬧᬸᬳᬾᬫᭂᬂᬢ᭄ᬬᬂᬍᬳᬂ᭞ᬦᬄᬢᬸᬢᬸᬭᬶᬳᬧᬂᬢᬶᬬᬂᬢᬢᬲ᭄ᬢᬳᬸ᭞ᬳᬶᬩᬸᬂᬫ᭄ᬩᬂᬓ᭄ᬜᭂᬫ᭄ᬗ᭄ᬯᬗ᭄ᬲᬶᬢᬂᬦᬶᬓᬵᬳᬶᬕᬸᬦ᭄ᬢᬂᬢᬓᭀᬦᬶᬦ᭄᭟ᬗ᭄ᬕᬶᬄᬫᬗ᭄ᬓᬶᬦ᭄ᬢ᭄ᬬᬂᬗᬢᬸᬭᬂ᭞ᬦᬾᬫᬧᬭᬩ᭄ᬲᬤ᭄ᬭᬶᬧᬸᬢᬸ
ᬭᬄᬤ᭄ᬭᬶᬓᬶ᭞ᬢ᭄ᬬᬂᬗᭀᬚᬄᬳᬶᬤᬾᬯᬕᬸᬂᬦᬸᬚᬸᬫᬺᬫ᭄ᬫ᭄ᬭᭂᬫᬦ᭄᭞ᬫᬗᬯᬸᬓᬶᬦ᭄ᬧᬋᬓᬦ᭄ᬜᬾᬦ᭄ᬳᬶᬩᬤᬶᬢᬸ᭞ᬓ᭄ᬫᭂᬚᬵᬳᬮᬶᬄᬳᬾᬗ᭄ᬕᬮᬂ᭞ᬲᬤ᭄ᬭᬶᬧᬸᬦᬾᬦᬾᬤᬶᬭᬗ᭄ᬓᬶ᭟ᬓᬬᬂᬫᬗ᭄ᬓᬶᬦ᭄ᬓᬢᬸᬮᬭᬦ᭄᭞ᬫᬧᭂᬲᬾᬗᬦ᭄ᬲᬤ᭄ᬭᬶᬧᬸᬦᬾᬤᬶᬭᬗ᭄ᬓᬶ᭞ᬜᬦ᭄ᬤᬂᬧᬶᬲᬦ᭄
ᬕ᭄ᬦᬄᬢᬓᬸᬢ᭄ᬲᬬᬂᬧ᭄ᬮᬕ᭄ᬕᬂᬚᬕᬢ᭄᭞ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬫᬢᬸᬗ᭄ᬢᬸᬂᬕᬸᬬᬸ᭞ᬳ᭄ᬦᬄᬓᬶᬢᬸᬢᬸᬭᬶᬦ᭄ᬢ᭄ᬬᬂᬭᬚᬧᬸᬢᬺᬦᬾᬤᬶᬭᬗ᭄ᬓᬶ᭟ᬦᬾᬳᭂᬗ᭄ᬓᬾᬦ᭄ᬳᬮᬶᬢ᭄ᬤᬸᬳᬸᬭᬦ᭄᭞ᬜᬾᬦ᭄ᬧᭂᬲᬾᬗᬦ᭄ᬧᬂᬢ᭄ᬬᬂᬢᬢᬲ᭄ᬕᬢᬶ᭞ᬫᬦᬶᬧ᭄ᬯᬦ᭄ᬲᬶᬜᬭᬳᬸᬄᬦᬸᬚᬸᬢ᭄ᬬᬂᬓᬩᬩᬲ᭄
Page:Bali-lontar-gaguritan-cokoratu-02-250ppi.pdf/45
Jump to navigation
Jump to search
This page has been proofread.
