[᭓᭖ 36B]
᭓᭖
ᬢᬦ᭄ᬢᬸᬮᬓ᭄᭞ᬯᬸᬲ᭄ᬫᬫᬵᬕ᭄ᬕᬶᬲᬂᬓᬮᬶᬄᬯᬸᬲ᭄ᬧ᭄ᬭᬧ᭄ᬢᬶ᭞ᬧᬺᬓ᭄ᬭᬶᬂᬪᬝᬭᬕᬸᬭᬸ᭞ᬫᬳ᭄ᬢᬸᬃᬲᬳᬵᬲᭂᬫ᭄ᬩᬄ᭞ᬤᬸᬳᬫ᭄ᬧᬸᬭᬵᬢᬶᬢ᭄ᬬᬂᬪᬝᬭᬕᬸᬭᬸ᭞ᬢᬶᬢ᭄ᬬᬂᬗ᭄ᬮᬸ
ᬗ᭄ᬲᬸᬃᬫᬗ᭄ᬤᬢᬸᬮᬓ᭄᭞ᬓᬫ᭄ᬭᬘ᭄ᬘᬵᬧᬥᬦᬾᬫᬗ᭄ᬓᬶᬦ᭄᭟ᬪᬝᬭᬳᬸᬭᬸᬗᬦ᭄ᬤᬶᬓᬵᬳᬤᬸᬄᬤᬾᬯᬘ᭄ᬦᬶᬂᬩᬕᬸᬲ᭄ᬫᬓᬵᬓᬮᬶᬄ᭞ᬦᬶᬭᬕᬶᬘᬾᬦ᭄ᬮᬸᬕ᭄ᬭᬫᬦ᭄ᬢᬸᬓ᭄᭞
ᬳ᭄ᬦᬾᬩᬸᬗ᭄ᬳᬵᬲᬗᬸᬯᬂᬩᬸᬤᬮ᭄᭞ᬳᬕ᭄ᬕᭀᬦ᭄ᬗᬮᬶᬄᬫᬃᬕ᭄ᬕᬵᬲᬗ᭄ᬳᬵᬳᬧᬂᬢ᭄ᬧᬸᬓ᭄᭞ᬫᬓᬵᬧᬦ᭄ᬭᬗᬂᬚᬮᬦ᭄᭞ᬓᬾᬢᭀᬘ᭄ᬦᬶᬂᬫᬓᬵᬓᬮᬶᬄ᭟ᬓᬧᬶ᭠
ᬘ᭄ᬙᬲ᭄ᬓᬃᬧᬸᬦᬶᬓᬵ᭞ᬲᬂᬳ᭄ᬬᬂᬳᬢ᭄ᬫᬵᬫᬦᬗ᭄ᬕᬧᬶᬦ᭄ᬲ᭄ᬓᬃᬕ᭄ᬮᬶᬲ᭄᭞ᬫᬢᬸᬃᬲᭂᬫ᭄ᬩᬄᬢᬶᬂᬳ᭄ᬬᬂᬕᬸᬭᬸ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬪᬝᬭ᭞ᬲᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬧᬘᬂᬧᬫᬶᬢ᭄ᬫ
[᭓᭗ 37A]
ᬦ᭄ᬢᬸᬓ᭄᭞ᬪᬝᬭᬗᬦ᭄ᬤᬶᬓᬵ᭞ᬦᬄᬚᬮᬦ᭄ᬳᬧᬂᬩ᭄ᬘᬶᬓ᭄᭟ᬭᬤᬾᬦ᭄ᬓᬮᬶᬄᬯᬸᬲ᭄ᬫᬫᬃᬕ᭄ᬕ᭞ᬳᬾᬮᬶᬂᬢ᭄ᬓᬾᬦ᭄ᬧᬸᬢ᭄ᬭᬦᬾᬓᬭᬶᬳᬮᬶᬢ᭄᭞ᬕᬕ᭄ᬮᬶᬲᬦ᭄ᬲᬫ᭄ᬧᬸ
ᬦ᭄ᬭᬯᬸᬄ᭞ᬭᬶᬂᬫ᭄ᬭᬘᬧᬥᬲᬂᬳᬢ᭄ᬫᬵ᭞ᬯᬸᬲ᭄ᬫᬗ᭄ᬭᬜ᭄ᬚᬶᬂᬓᬕ᭄ᬯᬕᬃᬩ᭄ᬪᬲᬗᬵᬬᬸ᭞ᬫᬶᬯᬄᬳᬶᬤᬭᬤᬾᬦᬵᬫᬦ᭄ᬢ᭄ᬭ᭄ᬬᬵ᭞ᬜ᭄ᬦᭂᬂᬯᬮᬸᬬᬲᬂᬓᬮᬶᬄ᭞ᬯᬃᬡ᭄ᬦᬦᬾᬢᬹᬃᬫᬲᬸᬦ᭄ᬤᬭ
ᬦ᭄᭞ᬲᬂᬳ᭄ᬬᬂᬲ᭄ᬫᬭᬵᬫᬜᬦ᭄ᬤᬶᬂᬲᬗ᭄ᬳ᭄ᬬᬂᬭᬢᬶᬄ᭞ᬓᬾᬢᭀᬳᬸᬧᬫᬶᬜᬭᬢᬸ᭞ᬓᬾᬦᬓ᭄ᬓᬳ᭄ᬬᬸᬦ᭄ᬭᬳᬤ᭄ᬬᬦ᭄᭞ᬓᬘ᭄ᬭᬶᬢᬤᬸᬓᬸᬄᬳᬶᬲ᭄ᬢ᭄ᬭᬶᬩ᭄ᬭᬕ᭄ᬳᭂᬢᬸᬄ᭞ᬲᬳᬶ᭠
ᬲ᭄ᬤᬶᬄᬢᬸᬃᬳᬓᭂᬦ᭄ᬢᬵ᭞ᬲᬫ᭄ᬩᬶᬮ᭄ᬗᭂᬫ᭄ᬧᬸᬦᬦᬓ᭄ᬫᬦ᭄ᬢ᭄ᬭᬶ᭞ᬕ᭄ᬮᬸᬦᬶᬤᬸᬓᬸᬄᬗᬢᭀᬦᬂ᭞ᬚᬕ᭄ᬯᬮᬸᬬᬵᬦ᭄ᬦᭂᬂᬭᬳᬤᬾᬦᬵᬫᬦ᭄ᬭᬶ᭞ᬫᬶᬯᬳᬶᬤᬭᬤᬾᬦ᭄ᬕᬮᬸᬄ᭞ᬲᬫ᭄ᬩᬶᬮ᭄ᬗᭂ
Page:Bali-lontar-gaguritan-cilinaya-02-400ppi.pdf/37
Jump to navigation
Jump to search
This page has been proofread.
