[ ᭒᭕ 25B]
᭒᭕᭞
ᬢᬶ᭞ᬳᬸᬥᬸᬄᬜᬳᬶᬘᬶᬮᬶᬦᬬ᭟᭑᭙᭟ᬦᬶᬘᬶᬮᬶᬦᬬᬳᬗᬸᬘᬧ᭄᭞ᬫᬫᬦ᭄ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬭᬶᬂᬯᬗ᭄ᬰᬦ᭄ᬢᬶᬢ᭄ᬬᬂᬋᬓᭀ᭞ᬮᬮᬶᬭᬶᬂᬤᬾᬰᬦᬾᬲᬵᬫ᭄ᬧᬸ
ᬦ᭄᭞ᬢᬶᬢ᭄ᬬᬂᬚᬦ᭄ᬫᬮᬶᬦ᭄ᬢᬂᬮᬭ᭞ᬲᬓᬾᬂᬳᬮᬶᬢ᭄᭞ᬳᬾᬮᬶᬂᬫᬕ᭄ᬦᬄᬭᬶᬂᬗᬮᬲ᭄᭟᭒᭐᭟ᬳᬶᬧᬢᬶᬄᬩᬗ᭄ᬕ᭄ᬭᬲ᭄ᬳᬗᬸᬘᬧ᭄᭞ᬬᬦ᭄ᬢ᭄ᬯᬄᬓᬾᬢᭀᬩᬳᬦ᭄ᬜᬳᬶ᭞
ᬳᬧᬂᬧᬕᭂᬄᬜᬳᬶᬋᬓᭀ᭞ᬩᬧᬚᬦᬶᬧᬘᬂᬜᬸᬤᬸᬓ᭄᭞ᬫᬢᬸᬃᬦᬶᬘᬶᬮᬶᬦᬬ᭞ᬩᬧᬧᬢᬶᬄ᭞ᬧᬸᬦᬶᬓᬦᬾ ᬢᬸᬦᬲ᭄ᬢᬶᬢ᭄ᬬᬂ᭟᭒᭑᭟ᬫᬗᬺᬕᭂᬧ᭄ᬦᬶᬘᬶ
ᬮᬶᬦᬬ᭞ᬫᬗ᭄ᬭᬡᬲᬶᬓᬫᬫᬸᬱ᭄ᬝᬶ᭞ᬗᬸᬧ᭄ᬢᬶᬲᬂᬳ᭄ᬬᬂᬓᬍᬧᬲᬦ᭄᭞ᬤᬰᬩᬵᬬᬸᬲᬵᬫᬵᬧᬸᬦ᭄ᬫᬸᬗ᭄ᬕᬸᬄ᭞ᬧᬫ᭄ᬭᬮᬷᬡᬵᬦ᭄ᬲᬂᬳ᭄ᬬᬗᬵᬢ᭄ᬫ᭞ᬫᬢ᭄ᬭᬍᬯᬶᬄ᭞ᬗᬲ᭄ᬢᬸᬢᬶ
[ ᭒᭖ 26A]
ᬇᬦ᭄ᬤ᭄ᬭᬪᬯᬦ᭟᭒᭒᭟ᬲᬵᬫᬵᬧᬸᬦ᭄ᬧᬸᬧᬸᬢ᭄ᬗᬸᬧ᭄ᬢᬶᬬᬂ᭞ᬫᬶᬤᭂᬃᬪᬸᬯᬦᬵᬫᬢᬸᬃᬪᬓ᭄ᬢᬶ᭞ᬲᬵᬫᬵᬧᬸᬦ᭄ᬧᬸᬧᬸᬢ᭄ᬲᬧ᭄ᬭᬢᬶᬗ᭄ᬓᬄ᭞ᬳᬦᬸᬮᬶᬕ᭄ᬮᬶᬕ᭄ᬲᬫᬸᬯᬸᬲ᭄᭞ᬲᬶᬭᬧ
ᬘᬂᬜᬸᬤᬸᬓ᭄ᬢᬶᬢ᭄ᬬᬂ᭞ᬕ᭄ᬮᬶᬲ᭄ᬕ᭄ᬮᬶᬲ᭄᭞ᬢᬫ᭄ᬧᭂᬓᬶᬦ᭄ᬚᬓᬸᬤᬢᬶᬢ᭄ᬬᬂ᭟᭒᭓᭟ᬓᬶᬧᬢᬶᬄᬫᬦᭂᬲᭂᬓ᭄ᬳᬾ ᬗ᭄ᬕᬮ᭄᭞ᬧᬸᬢ᭄ᬭᬦᬾᬩ᭄ᬮᬲᬂᬜᬳᬶ᭞ᬲᬸᬫᬳᬸᬃᬦᬶᬘᬶ
ᬮᬶᬦᬬ᭞ᬯ᭄ᬬᬤᬶᬦ᭄ᬳᬶᬤᬲᬋᬂᬮᬫ᭄ᬧᬸᬲ᭄᭞ᬧᬶᬢ᭄ᬯᬶᬓᬭᬶᬳᬸᬭᬶᬧ᭄᭞ᬫᬗ᭄ᬤᬓᬭᬶ᭞ᬫᬲᬸᬲᬸᬭᬶᬂᬢᬶᬢ᭄ᬬᬂᬧ᭄ᬚᬄ᭟᭒᭔᭟ᬓᬶᬧᬢᬶᬄᬯᬸᬢ᭄ᬫᬜᬕ᭄ᬚᬕ᭄᭞ᬲᬃᬯ᭄ᬯᬶ
ᬗᬸᬦᬸᬲ᭄ᬗᬕᭂᬫ᭄ᬓ᭄ᬭᬶᬲ᭄᭞ᬦᬶᬘᬶᬮᬶᬦᬬᬢᬸᬫᬶᬗ᭄ᬳᬮ᭄᭞ᬲ᭄ᬩᭂᬂᬩᬶᬗᬃᬓ᭄ᬜᬸᬂᬓ᭄ᬜᬸᬂ᭞ᬗᭂᬫ᭄ᬩᬸᬲ᭄ᬩᬸᬗ᭄ᬓᬸᬲ᭄ᬲᬃᬯ᭄ᬯᬶᬗᬸᬘᬧ᭄᭞ᬧᬫᬦ᭄ᬧᬢᬶᬄ᭞ᬦᬶᬓᬶᬩᬸᬗ᭄ᬓᬸᬂᬦᬶᬭᬚ᭄ᬯᬂ᭟
Page:Bali-lontar-gaguritan-cilinaya-01-350ppi.pdf/26
Jump to navigation
Jump to search
This page has been proofread.
