This page has been proofread.
[᭖᭗ 67B]
᭖᭗
ᬫᬲᬗ᭄ᬕᬳᬦ᭄᭞ᬉᬘᬧᭂᬦ᭄ᬫᬭᬶᬂᬚ᭄ᬭᭀᬧᬹᬭᬶ᭞ᬋᬧᬢ᭄ᬫᬚᬓᬮᬯᬦ᭄ᬚᬕᬢ᭄ᬳᬭᬶᬡᬵ᭟᭚ᬳᬦᬶᬤ᭄ᬭᬫᬭᬶᬂᬕ᭄ᬤᭀᬂᬫᬲ᭄᭞ᬓᬸᬋᬲᬶᬦ᭄ᬲᬋᬂᬓᬋᬲᬶ
ᬦᬾᬓᬶ᭞ᬫᬶᬬᬸᬫᬭᬶᬂᬩᬓ᭄ᬤᬦ᭄ᬤ᭞ᬮ᭄ᬯᬶᬃᬧᬾᬦ᭄ᬤᬄᬭᬶᬂᬲ᭄ᬯᬃᬖᬶ᭞ᬳᬓᬭᬶᬫᬲ᭄ᬳᬩ᭄ᬭᬫᬸᬭᬸᬩ᭄᭞ᬲᬶᬭᬢ᭄ᬯᬦ᭄ᬚᬬᬾᬂᬭᬡ᭞ᬮᬸᬗ᭄ᬕᬸᬄᬫᬭᬶᬂᬩᬮᬾᬫ᭠
ᬡᬶᬓ᭄᭞ᬧᬸᬢ᭄ᬭᬶᬓᬭᭀᬓᬮᬶᬦ᭄ᬢᬂᬤᬾᬦ᭄ᬬᬓᬲ᭄ᬫᬭᬦ᭄᭟᭚᭜᭚ᬲ᭄ᬫᬃ᭚ᬲᬶᬭᬢᬲᬂᬚᬬᬾᬂᬧᬢᬶ᭞ᬲᬬᬦ᭄ᬮᬸᬮᬸᬳᬶᬂᬲ᭄ᬫᬭ᭞ᬢᬸᬯᬦ᭄ᬢᬲᬂᬧᬸᬢ᭄ᬭᬶ
ᬓᬭᭀ᭞ᬯᬃᬡᬦᬾᬮ᭄ᬯᬶᬃᬳᬸᬮᬦ᭄ᬓᭂᬫ᭄ᬩᬃ᭞ᬓᬲᬸᬦ᭄ᬤᬭᬦᬶᬂᬤᬫᬃ᭞᭠ᬮᬸᬫ᭄ᬮᬸᬫ᭄ᬕᬤᬶᬂᬗᬯᬮᬶᬂᬮᬸᬂ᭞ᬕᬸᬫᬸᬬᬸᬮ᭄ᬯᬶᬃᬫᬥᬸᬤ᭄ᬭᬵᬯ᭟᭚ᬲᬬ᭠
[᭖᭘ 68A]
ᬦ᭄ᬍᬂᬍᬂᬩᬕᬶᬦ᭄ᬤᬳᬫᬶᬃ᭞ᬓᬭᬦᬾᬳᬶᬗᬭᬲ᭄᭞ᬲᬂᬧᬸᬢ᭄ᬭᬶᬕᬸᬬᬸᬲᬸᬓᬵᬦᬾ᭞ᬭᬸᬚᬾᬂᬕᬸᬫᬸᬬᬾᬂᬳᬦᬶᬤ᭄ᬭ᭞ᬳᬶᬗᬧᬶᬢ᭄ᬲᬂᬚᬬᬾᬂᬭᬡᬵ᭞ᬢ᭄ᬯ
ᬦ᭄ᬫᬾᬦᬓ᭄ᬲᬸᬓᬵᬮᬗ᭄ᬓᬸᬂ᭞ᬳᬦᬹᬮ᭄ᬬᬯᬸᬲ᭄ᬧᬮᬂᬲ᭄ᬫᬭᬵ᭟᭚ᬭᬶᬯᬸᬯᬸᬲ᭄ᬦ᭄ᬬᬲᬭᬲ᭄ᬫᬶᬦ᭄᭞ᬲᬓᬢ᭄ᬭᬶᬦᬾᬲᬫ᭄ᬬᬵᬫᭂᬤᬮ᭄᭞ᬳᬤ᭄ᬬᬸᬲ᭄ᬫᬭᬶᬂᬩᬾ
ᬚᬶᬋᬓᭀ᭞ᬭᬶᬲᬫ᭄ᬧᬸᬦ᭄ᬲᬶᬭᬳᬲᬶᬭᬫ᭄᭞ᬤᬤ᭄ᬬᬲᬫ᭄ᬬᬳᬗᬫᭂᬃᬳ᭄ᬬᬲ᭄᭞ᬳᬓᭂᬦ᭄ᬢᭂᬦᬦ᭄ᬳᬲ᭄ᬢᬮᬸᬫᬓᬸ᭞ᬳᬶᬗᬧᬶᬢ᭄ᬢ᭄ᬯᬦ᭄ᬚᬬᬾᬂᬭᬡᬵ᭟᭚
ᬦᭂᬳᭂᬃᬧᬥᬳᬸᬫᬜ᭄ᬚᬶᬗᬶᬂᬚᬶᬦᭂᬫ᭄ᬓᬸ᭞ᬕᬦ᭄ᬤᬭᬶᬲᬸᬢᬾᬚᬵ᭞ᬳᬦᬸᬢᬹᬃᬧᭀᬮᬳᬾᬗᬸᬦᬶ᭞ᬤᬸᬓᬮᬦ᭄ᬳᬦᬾᬂᬯᬃᬡ᭟᭚ᬚᬬᬾᬂ
