This page has been proofread.
[᭕᭗ 57B]
᭕᭗
ᬓ᭄ᬱᬓᬵᬳᬾᬩᭂᬓ᭄ᬲᬸᬧᭂᬦᬸᬄ᭞ᬮ᭄ᬯᬶᬃᬳᭀᬩᬄᬧ᭄ᬭᬢᬮᬵ᭞ᬳᬸᬯᬸᬲᭂᬦᬶᬭᬳ᭄ᬬᬂᬳᬶᬮᬶᬃ᭞ᬳᬕᬗ᭄ᬕᬶᬮ᭞ᬩᬸᬬᬸᬢ᭄ᬚᬕᬢ᭄ᬳᬭᬶᬡ᭟ᬫ᭄ᬯᬄᬲᬶᬭᬓᬶ
ᬦᭀᬦ᭄ᬫᬬᬸᬤᬵ᭞ᬫᬸᬲᬸᬄᬧ᭄ᬭᬪᬸᬬᬫᬵᬕ᭄ᬦᬶ᭞ᬫᬓᬫᬶᬯᬄᬲᬃᬪᬥᬸᬫ᭄ᬬ᭞ᬧᬧᬕᭂᬦ᭄ᬫᬮᬶᬄᬳᬚᬸᬭᬶᬢ᭄᭞ᬭᬳᬤ᭄ᬬᬦ᭄ᬫᬢᬹᬃᬪᬓ᭄ᬢᬶ᭞ᬲᬶᬗ᭄ᬕᬶᬄᬓᬸᬮᬦᬸ᭠
ᬳᬸᬦ᭄᭞ᬭᬳᬤ᭄ᬬᬦ᭄ᬳᬤᬦ᭄ᬲᬶᬭ᭞ᬯᬸᬲᬗ᭄ᬭᬗ᭄ᬲᬸᬓ᭄ᬪᬸᬱᬦᬗ᭄ᬭᬯᬶᬢ᭄᭞ᬦᬸ᭠ᬚ᭄ᬯᬾᬂᬮᬖ᭞ᬮ᭄ᬯᬶᬃᬧᬾᬦ᭄ᬤᬄᬢᬢᬶᬢ᭄ᬮᬸᬫᬫ᭄ᬧᬄ᭟᭚ᬳᬦᬸᬗ᭄ᬕᬗᬶᬦ᭄ᬕᬚᬄ
ᬫᬶᬦᬵ᭞ᬧ᭄ᬭᬧ᭄ᬢᬳᬶᬂᬭᬡᬢᬹᬫᬸᬮᬶ᭞ᬓᬋᬮᭂᬢᬦ᭄ᬧ᭄ᬭᬪᬸᬓᬭᭀ᭞ᬤᬤ᭄ᬬᬳᬦ᭄ᬢᬵᬪᭀᬕᬵᬳᬗ᭄ᬮᬶᬂ᭞ᬤᬸᬄᬬᬬᬶᬬᬫᬵᬕ᭄ᬦᬶ᭞ᬫᬦᬶᬯ
[᭕᭘ 58A]
ᬯᭀᬂᬫᭂᬓᬄᬇᬓᬸ᭞ᬳᬦᬸᬗ᭄ᬕᬂᬕᬚᬄᬫᬶᬦᬵ᭞ᬲᬂᬦᬣᬦᭀᬮ᭄ᬬᬵᬳᬗ᭄ᬮᬶᬂ᭞ᬲᬶᬗ᭄ᬕᬶᬄᬳᬾᬓᬶ᭞ᬰᬓ᭄ᬢᬶᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭟᭚ᬲᬶᬕ᭄ᬭᬲᬶᬭ
ᬅᬦ᭄ᬢᬵᬪᭀᬕᬵᬳᬲᬸᬂᬯᬗ᭄ᬲᬶᬢ᭄ᬮᬯᬦ᭄ᬲᬃᬨᬶ᭞ᬳᬗ᭄ᬭᬸᬩᬸᬢ᭄ᬲᬶᬭᬭᬳᬵᬤ᭄ᬬᬦ᭄᭞ᬲᬸᬦ᭄ᬩ᭄ᬭᬕ᭄ᬲᬓ᭄ᬯᬾᬳᬶᬂᬓᬂᬲᬃᬧᬶ᭞ᬳᬗᭂᬢᭂᬃᬳᬜᬦ᭄ᬤᭂᬭᬶ
ᬦ᭄᭞ᬮᬶᬦ᭄ᬧᬲ᭄ᬕᬚᬄᬫᬶᬦᬾᬓᬸ᭞ᬗᬫᬸᬓᬶᬓᬂᬢᬓ᭄ᬱᬓᬵ᭞ᬤᬶᬦᬸᬮᬸᬤᬾᬦᬶᬭᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬮ᭄ᬯᬶᬃᬫᬭᬹᬝ᭞ᬧᬗᬫᬸᬓᬾᬲᬶᬭᬭᬳᬤ᭄ᬬᬦ᭄᭟
᭚᭜᭚ᬤᬸᬃ᭚ᬫᬕᬸᬮᬸᬗᬦ᭄ᬮ᭄ᬯᬶᬃᬧᬾᬦ᭄ᬤᬄᬘᬫ᭄ᬧᬸᬃᬲᬕᬭᬵ᭞ᬢᬓ᭄ᬱᬓᬵᬗᬺᬗᬸᬢ᭄ᬗᬮᬶᬮᬶᬢ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬢᬦ᭄ᬩᬶᬗ᭄ᬮᬄ᭞ᬢᭂᬕᬸᬄ
