[᭖᭑ 61B]
᭖᭑
ᬦ᭄ᬭᬧᬢᬶ᭞ᬗ᭄ᬮᬧᬲᬾᬂᬘᬓᬺ᭞ᬳᬗᬶᬂᬲᬵᬫ᭄ᬬᬫᬯᬮᬶ᭟ᬲᬂᬧ᭄ᬭᬪᬸᬥᬦᬵᬯᬭᬵᬚᬰ᭄ᬭᬷᬕᬸᬫᬶᬢ᭞ᬓᬾᬩᬸᬓᬦ᭄ᬤᬦᬾᬫᬗ᭄ᬓᬶᬦ᭄᭞ᬳᬸᬫᬭᬲᬾᬂᬘᬶᬢ᭄ᬣᬵ᭞ᬓᬮᬶᬗᬦᬾ
ᬫᬯᬶᬰᬾᬱ᭞ᬓᬶᬢ᭄ᬣᬓ᭄ᬭᬱ᭄ᬡᬚᬬᬾᬂᬚᬸᬭᬶᬢ᭄᭞ᬬᭂᬦᭀᬭᬧᬮᬢᬺ᭞ᬳᬓᬸᬰᬸᬓᬫᬗᭂᬫᬲᬶᬦ᭄᭟ᬓᬾᬢᭀᬳᬶᬥᭂᬧ᭄ᬳᬶᬤᬲᬂᬥᬦᬵᬯᬭᬵᬚ᭞ᬫᬰᬸᬓᬸᬢᬸᬗ᭄ᬕᬮ᭄ᬫ
ᬗ᭄ᬓᬶᬦ᭄᭞ᬦᬮᬾᬤ᭄ᬮᬾᬤ᭄ᬥᬶᬦ᭄ᬮᬶᬥᬄ᭞ᬤᬤᬶᬫᬶᬚᬶᬮ᭄ᬲ᭄ᬬᬫᭀᬖ᭞ᬗᬭᬩ᭄ᬳᬭᬩ᭄ᬧᭂᬲᬸᬳᬧᬶ᭞ᬮᬾᬦ᭄ᬩᬬᬸᬪᬚᬺ᭞ᬲᬳᬕᭂᬮᬧ᭄ᬫᬩᬋᬂᬗᬶᬦ᭄᭟ᬓᬤᬶᬓᭂᬭᬸᬕ᭄ᬲ᭄ᬯᬭᬦ᭄ᬜ
ᬦᬾᬓᬧᬶᬜ᭄ᬘᭂᬭᬂ᭞ᬲᬂᬦᬵᬣᬳᬭᬶᬫᬹᬃᬣᬶ᭞ᬫᭂᬡ᭄ᬥᭂᬓ᭄ᬗᬸᬦ᭄ᬤᬘᬓᬺ᭞ᬫᬲᭂᬫ᭄ᬩᬭ᭠ᬦ᭄ᬓ᭄ᬭᬸᬭᬓᬭ᭞ᬤᬤᬶᬜᬢᬕᭂᬮ᭄ᬧ᭄ᬭᬫᬦ᭄ᬓᬶᬦ᭄᭞ᬧᬸᬦᬂᬲ᭄ᬬᬫᭀᬖ᭞ᬲᬂᬪᭀᬫ᭠
[᭖᭒ 62A]
ᬤᬳᬢ᭄ᬩ᭄ᬭᬗ᭄ᬢᬶ᭟ᬩᬭᬓ᭄ᬩᬶᬳᬶᬂᬫᭀᬯᬦ᭄ᬜᬦᬾᬫᬶᬚᬶᬮ᭄ᬢᬮ᭄ᬦ᭄ᬬ᭞ᬫᬗ᭄ᬭᬾᬳᬂᬫᬦ᭄ᬢᬺᬱᬶᬤ᭄ᬥᬶ᭞ᬲᬃᬯ᭄ᬯᬯᬶᬫᭀᬳᬳᬱ᭄ᬢᬺ᭞ᬭᬶᬂᬕ᭄ᬮᬶᬲ᭄ᬫᬵᬦ᭄ᬓᬶᬦ᭄ᬓᬵᬮᬾᬩᬂ᭞ᬢ᭄ᬓᬧ᭄ᬢᭂᬂᬧᬸᬦᬂᬧ᭄ᬭᬶᬣᬶᬯᬶ᭞
ᬢᬦ᭄ᬧᬕᬫᭂᬮᬦ᭄᭞ᬯᭀᬂᬤ᭄ᬯᬭᬯᬢᬶᬲᬵᬫᬶ᭟ᬧᬢᬶᬕᬸᬭᬧᬾᬧᬮᬶᬂᬢ᭄ᬯᬭᬗ᭄ᬦᭀᬢ᭄ᬭᭀᬯᬂ᭞ᬭᬫᬾᬲᬮᬶᬂᬢᬓᬾᬦᬶᬦ᭄᭞ᬲᬵᬫ᭄ᬩᭂᬦ᭄ᬫᬩ᭄ᬬᬬᬸᬯᬦ᭄᭞ᬮᬾᬦ᭄ᬫᬵᬦᬸ᭠
ᬳᬸᬄᬓ᭄ᬦᬵᬧᬦᬄ᭞ᬲᬂᬦᬭᬓᬩ᭄ᬯᬶᬦ᭄ᬫᬵᬫᬸᬱ᭄ᬢᬶ᭞ᬫᬗ᭄ᬭᬾᬳᬦ᭄ᬫᬦ᭄ᬢᬺ᭞ᬫᬗᬭᬦ᭄ᬪᬸᬝᬪᬸᬝᬶ᭟ᬤᬤᬶᬫᬶᬚᬶᬮ᭄ᬪᬵᬮᬪᬸᬝᬲᬶᬦᬵᬫ᭄ᬬᬦ᭄᭞ᬳᬶᬭᬓ᭄ᬱᬲᬘᭀᬭᬄᬫᬶᬚᬶ᭠
ᬮ᭄᭞ᬧᬳᬾᬗ᭄ᬓ᭄ᬭᬾᬓ᭄ᬗ᭄ᬦᬵᬫ᭄ᬧᭂᬓᬂ᭞ᬫᬜᭂᬫ᭄ᬧᬮ᭄ᬩᬳᬦ᭄ᬓᬵᬮᬾᬯᬂ᭞ᬳᬤᭂᬫᬸ᭠ᬗ᭄ᬕᬮ᭄ᬩᬳᬦ᭄ᬳᬭᬶᬢ᭄᭞ᬗᬮᬸᬗᬂᬩᬲᬂ᭞ᬮᬾᬦ᭄ᬳᬤᭂᬫᬜᬾᬭᬾᬢ᭄ᬕᭂᬢᬶᬄ᭟ᬤᬤᬶᬜᬩᬸ᭠
Page:Bali-lontar-gaguritan-boma-300ppi.pdf/62
Jump to navigation
Jump to search
This page has been proofread.
