[᭕ 5B]
᭕
ᬢᭀᬲᬂᬓᬾᬲᬯᬧ᭄ᬭᬪᬸ᭞ᬲᬂᬲᬵᬫ᭄ᬩᬫᬲᬯᬸᬃᬜᭂᬫ᭄ᬩᬄ᭞ᬧᬭᬧᬸᬢ᭄ᬭᬷᬭᬶᬂᬚ᭄ᬭᭀᬓᬮᬸᬮᬸᬢᬦ᭄ᬤᬮᬸ᭞ᬯᬶᬚᬶᬮ᭄ᬲᬂᬭᬵᬚᬧᬸᬢᬻ᭞ᬧ᭄ᬭᬚᬸᬭᬶᬢ᭄ᬧᬥᬫᭂᬗᬦ᭄ᬢᬶ᭟ᬯᬺᬱ᭄ᬡ᭄ᬬᬦ᭄ᬤᬓᬬᭂᬤᬸᬯᬶᬭ᭞
ᬭᬶᬂᬕ᭄ᬮᬶᬲ᭄ᬫᬗ᭄ᬓᬢ᭄ᬦᬸᬗ᭄ᬕᬂᬓᬶᬸᬭᬣᬧᬤᬢᬶ᭞ᬕᬚᬄᬓᬸᬤᬦᬾᬧᬘᭂᬗᬸ᭞ᬳᬶᬤᬲᬂᬯ᭠ᬢᭂᬓᬶᬂᬢᬧᬵ᭞ᬫᬗ᭄ᬭᬶᬳᬶᬦᬶᬦ᭄ᬧᬫᬃᬕ᭄ᬕᬶᬦᬾᬤᬳᬢ᭄ᬮᬸᬳᬸᬂ᭞ᬓᬤᬶᬲᬗ᭄ᬳ᭄ᬬᬂᬫᬦᭀᬪᬯ᭞᭠
ᬮᬸᬗᬳᬶᬤᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟ᬯᬸᬲ᭄ᬮᬶᬦ᭄ᬢᬂᬤᬾᬰᬫᬥᬸᬭ᭞ᬦᬶᬜ᭄ᬘᬧ᭄ᬳᬮᬲ᭄ᬮ᭄ᬬᬸᬓᬮᬗᭂᬦ᭄ᬓᬧᬗ᭄ᬕᬶᬄ᭞ᬢᬶᬃᬣᬓ᭄ᬮᬩᬸᬢᬦ᭄ᬮᬸᬳᬸᬂ᭞ᬫᭂᬯᬲ᭄ᬢᭂᬲᬶᬡ᭄ᬥᬸᬤ᭄ᬯᬭᬵ᭞ᬯᬗ᭄ᬱᬯᬶᬭᬫᬭᬂᬬ᭄ᬬ
ᬦ᭄ᬫᬵᬲᬶᬭᬫ᭄ᬤᬶᬢᬸ᭞ᬫᬮᬶᬄᬫᬫᬃᬕ᭄ᬕᬶᬗᬗᬶᬦᬂ᭞ᬦᬸᬳᬸᬢ᭄ᬩᬸᬮᬶᬄᬣᬱᬋᬂᬲᬵᬫᬶ᭟ᬭᬯᬸᬄᬭᬶᬂᬮᬵᬫ᭄ᬩᬸᬂᬳᬶᬫᬯᬦ᭄᭞ᬚᬫ᭄ᬩᬸᬤᬶᬧ᭄ᬧᬕᬸᬦᬸᬲᬶᬓᬭᬵᬍᬯᬶᬄ᭞ᬧᬸᬜᬦ᭄ᬘᭂᬫᬭᬦᬾᬮᬸᬳᬸᬂ᭞
[᭖ 6A]
ᬫᬗᬫ᭄ᬩ᭄ᬬᬃᬩᬸᬓᭂᬘᬮᬘᬃ᭞ᬩᬸᬯᬶᬦ᭄ᬫᭂᬦᬤᬧ᭄ᬘᬓᬸᬩᬶᬂᬓᬾᬲᬶᬂᬤᬶᬢᬸ᭞ᬕᭀᬯᭀᬓ᭄ᬦ᭄ᬬᬳᬸᬫᬳᬶᬦ᭄ᬤᭀᬗ᭄ᬓᬂ᭞ᬕᬕᬚᬕᬸᬂᬧᬶᬗ᭄ᬕᬶᬃᬢᬗ᭄ᬓᬶᬤ᭄᭟ᬤᭀᬗ᭄ᬓᬗᬾᬓᭂᬤᬾᬓ᭄ᬗ᭄ᬭᬓᬓ᭄᭞
ᬧᬓ᭄ᬱᬶᬘᬸᬓᬶᬮᬂᬘᬸᬓᬮᬶᬂᬧᬥᬫ᭄ᬫᬸᬜᬶ᭞ᬓᬾᬓᬾᬭᬾᬫᬰ᭄ᬯᬭᬳᬸᬫᬸᬂ᭞ᬲᬵᬫ᭄ᬧᬸᬦ᭄ᬮᬶ᭠ᬦ᭄ᬢᬂᬧᬸᬭᬶᬓᬵ᭞ᬤᬤ᭄ᬬᬜᬳᬮᬲ᭄ᬯᬬᬄᬩ᭄ᬯᬶᬦ᭄ᬓᬵᬢᭂᬧᬸᬓ᭄᭞ᬕ᭄ᬦᬄᬧᬢᬧᬦᬾᬓᭀᬘᬧ᭄
᭞ᬫᬚᭂᬚᬩᬦ᭄ᬯᬢᬸᬧᬸᬢᬶᬄ᭟ᬦᬧᬓ᭄ᬮᬶᬗ᭄ᬕᬄᬜᬦᬾᬫ᭄ᬮᬄ᭞ᬧᬰᬶᬄᬢᬶᬗ᭄ᬕᬃᬭᬶᬂᬫᬤ᭄ᬧᬦ᭄ᬕᬸᬦᬸᬗᬾᬭᬯᬶᬢ᭄᭞ᬳᬦ᭄ᬤᭀᬂᬪᬂᬓᬦ᭄ᬢᭂᬦ᭄ᬫᬸᬭᬸᬩ᭄᭞ᬮᬾᬃᬕᬶᬮᭀᬫ᭄ᬯᬂᬲᬮᬖ᭄ᬕ᭞ᬲᬵᬫ᭄ᬧᬸ᭠
ᬦ᭄ᬭᬯᬸᬄᬤᬶᬧᬢᬧᬦ᭄ᬧᬥᬦᬯᬸᬲ᭄᭞ᬲᬵᬫ᭄ᬬᬦ᭄ᬳᬶᬤᬓᬕᬯᭀᬓᬦ᭄᭞ᬲᬂᬯᬢᭂᬓ᭄ᬢᬧᬦᬾᬇᬲ᭄ᬢ᭄ᬭᬶ᭟ᬲᬵᬫ᭄ᬬᬦ᭄ᬧᬥᬓᬳ᭄ᬬᬸᬦ᭄ᬫᬦ᭄ᬤᬺ᭞ᬲᬗ᭄ᬳ᭄ᬬᬂᬓᬫᬫᭂᬫᬦᬄᬫᬗᬩᬸᬲᬶᬦ᭄
Page:Bali-lontar-gaguritan-boma-300ppi.pdf/6
Jump to navigation
Jump to search
This page has been proofread.
