[᭔᭘ 48B]
᭔᭘
ᬦ᭄ᬫᬶᬦᬦ᭄ᬢ᭄ᬭᬦ᭄᭞ᬬᭀᬖᬧᬦᬸᬦ᭄ᬤᬸᬗᬦ᭄ᬲᬓᬶᬢ᭄᭞ᬲᬂᬲᬵᬫ᭄ᬩᬲᭂᬕᭂᬃᬫᬗ᭄ᬓᬶᬦ᭄᭞ᬗᬦ᭄ᬤᭂ᭠ᬓᬶᬦ᭄ᬳᬶᬦ᭄ᬥ᭄ᬭᬶᬬᬦ᭄ᬓᬳ᭄ᬬᬸᬦ᭄᭞ᬫᬵᬮᬶᬄᬜᬸᬃᬬ᭄ᬬᬲᬾᬯᬡᬵ᭞ᬧᬸᬢᬸᬲᬶᬂᬧᬢᬸᬮᬸᬂᬰᬶᬤ᭄ᬥᬶ᭞ᬢᭀ
ᬳᬯᬦᬦ᭄ᬲᬂᬲᬵᬫ᭄ᬩᬚᬦᬶᬫᬕᬾᬩ᭄ᬭᬲ᭄᭟ᬲᬸᬯᬾᬦ᭄ᬜᬵᬦᬾᬲᬶᬬᬸᬤᬶᬡᬵ᭞ᬲᬂᬲᬵᬫ᭄ᬩᬤᬶᬢᬸᬫᬮᬶᬗ᭄ᬕᬶᬄ᭞ᬧᬢᬫ᭄ᬧ᭄ᬬᬸᬦ᭄ᬳᬶᬤᬧᬥᬡ᭄ᬥᬵ᭞ᬘᬄᬘᬳᬾᬤᬤᬶᬦᬪᬗ᭄ᬲᬶ᭞ᬪᬵᬮ
ᬦ᭄ᬲᬂᬲᬵᬫ᭄ᬩᬦᬾᬧᬸᬦᬶᬓᬶ᭞ᬥᬗ᭄ᬳ᭄ᬬᬂᬤᬭᬸᬓᬶᬭᬯᬸᬄ᭞ᬮᬾᬦ᭄ᬲᬂᬯᬶᬭᬲᬶᬦᬵᬫ᭄ᬬᬦ᭄᭞ᬧᬥᬫᬶᬥᬃᬢ᭄ᬢᬬᬂᬫᬗ᭄ᬓᬶᬦ᭄᭞ᬳᬶᬓᬯᬸᬮᬲᬵᬫᬶᬲ᭄ᬥᬶᬄᬭᬶᬂᬳᬶᬤᬾᬯᬵ᭟ᬳᬶᬗ᭄ᬕᬶᬄᬭᬢᬸ᭠
ᬤᬾᬯᬦ᭄ᬢᬶᬢ᭄ᬬᬂ᭞ᬓᬾᬢᭀᬳᬢᬹᬃᬜᬦᬾᬲᬵᬫᬶ᭞ᬬᬾᬦ᭄ᬲᬸᬚᬢᬶᬦᬾᬭᬢᬸᬫᬵᬲ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜᬜᬸᬪᬓ᭄ᬢᬶ᭞ᬫᬗᭂᬮᬸᬢ᭄ᬘᭀᬓᭀᬃᬳᬶᬕᬸᬲ᭄ᬢᬶ᭞ᬲᬂᬲᬵᬫ᭄ᬩᬗᬦ᭄ᬤᬶ᭠
[᭔᭙ 49A]
ᬓᬳᬮᬸᬲ᭄᭞ᬩᭂᬮᬶᬤᬭᬸᬓᬶᬳᬶᬭᬵ᭞ᬫᬢᬓᭀᬦ᭄ᬚᭂᬢ᭄ᬓᬾᬦᬶᬂᬩᭂᬮᬶ᭞ᬲᬂᬦᬶᬂ᭠ᬲᬢᬓ᭄ᬚᭂᬳᭂᬦᬸᬫᬳᬸᬭᬶᬧ᭟ᬤᬶᬚᬢᭀᬗᭀᬲ᭄ᬲᬂᬳᬸᬕ᭄ᬫᬸᬓᬵ᭞ᬲᬂᬲᬭᬡᬲᬢ᭄ᬬᬓ᭄ᬓᬶ
᭞ᬓᬶᬚᬢᭀᬧᬥᬮᬓᬸᬦ᭞ᬩᭂᬮᬶᬲᬗ᭄ᬓᬦ᭄ᬓᬵᬭᬶᬳᬸᬭᬶᬧ᭄᭞ᬳᬶᬰᬢ᭄ᬭᬸᬫᬹᬃᬓ᭄ᬓᬚᬸᬢ᭄ᬢᬶ᭞ᬧ᭄ᬯᬭᬳᬶᬦ᭄ᬓᬾᬳᬶᬭᬢᬸᬳᬸ᭞ᬓᬾᬢᭀᬳᬶᬤᬲᬂᬲᬵᬫ᭄ᬩ᭞ᬲᬂᬤᬭᬸᬓᬶᬫᬳᬢᬹᬃᬕ᭄ᬮᬶ
ᬲ᭄᭞ᬳᬶᬗ᭄ᬕᬶᬄᬤᬾᬯᬭᬳᬬᬸᬳᬶᬤᬲᬶᬦᬵᬫ᭄ᬬᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬓᬩ᭄ᬭᬦᬦ᭄᭞ᬲᬂᬲᬭᬡᬲᬢ᭄ᬬᬓ᭄ᬓᬶ᭞ᬲᬂᬗᬸᬮ᭄ᬫᬸᬓᬭᬯᬶᬂᬪᬵᬮ᭞ᬫᬓᬧᬢ᭄ᬧᬢ᭄ᬳᬶᬤᬕᬶᬧᬶᬄ᭞ᬫᭂ
ᬦᬾᬓᬶᬦ᭄ᬭᬣᬦᬾᬲᬵᬫᬶ᭞ᬫᬬᬸᬤᬦᬾᬰᬤ᭄ᬥᬮᬚᬸ᭞ᬢᬦ᭄ᬫᬋᬦ᭄ᬜᬓᬺᬫᭂᬫᬦᬄ᭞ᬧᬗᬋᬧ᭄ᬫᬸᬲᬸᬳᬾᬲᬵᬫᬶ᭞ᬓᬤᬶᬕᭂᬦ᭄ᬢᬸᬄ᭞ᬫᭂᬗᬫᬹᬓ᭄ᬧᬥᬧᬺᬯᬶᬭ᭟ᬯᬾᬦ᭄ᬢᭂᬦ᭄ᬫᬵᬜᭂ
Page:Bali-lontar-gaguritan-boma-300ppi.pdf/49
Jump to navigation
Jump to search
This page has been proofread.
