[᭒᭓ 23B]
᭒᭓
ᬲᬦ᭄᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬜᬦ᭄ᬤᬂᬓᭂᬮᬶᬂ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬘᭀᬓᭀᬃᬳᬶᬤᬾᬯ᭠ᬓᬤᬸᬮᬸᬭᬦ᭄᭟ᬢᬶᬗ᭄ᬓᬄᬳᬦᬓ᭄ᬦᬵᬗᬸᬦ᭄ᬬᬸᬤ᭄ᬥᬵ᭞ᬲᬵᬫ᭄ᬧᬸᬦᬂᬗᬦ᭄ᬢᭂᬕ᭄ᬦᬾᬫᬗ᭄ᬓᬶᬦ᭄
᭞ᬲᬸᬗ᭄ᬓᭂᬫᬶᬦ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬬᬦ᭄ᬳᬶᬘᬾᬦ᭄ᬮᬸᬫ᭄ᬩ᭄ᬭᬄᬧᬸᬦᬶᬓᬶ᭞ᬯᬾᬦ᭄ᬢᭂᬦ᭄ᬫᬵᬜᬤᬸᬯᬂᬕᭂᬮᬶᬲ᭄᭞ᬲᬶᬦᬄᬓᬾᬯᭂᬄᬤᬤᭀᬲ᭄ᬳᬶᬧᬸᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬕ᭄ᬮᬶᬲ᭄ᬲᭂᬗ᭄ᬓᬵᬮ᭞᭠
ᬓᬃᬬ᭄ᬬᬦ᭄ᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬲᬧᬸᬦᬶᬓᬢᬶᬗ᭄ᬓᬄᬲᬂᬫᬲᬢ᭄ᬭᬸᬤᬾᬢ᭄ᬬ᭟ᬧ᭠ᬜ᭄ᬚᬓᬾᬭᬯᬶᬂᬫᬲᬗ᭄ᬯᬦ᭄᭞ᬫᬗ᭄ᬤᬾᬧᬺᬬᬢ᭄ᬦᬵᬭᬶᬂᬫᬃᬕ᭄ᬕᬶ᭞ᬤᬬᬦᬾᬧᬢ᭄ᬧᬢ᭄ᬚᬵᬮ᭠
ᬦᬂ᭞ᬲᬵᬫ᭄ᬧᬸᬦ᭄ᬫᬵᬧᬶᬓᬦ᭄ᬤᬫᬮᬶᬄ᭞ᬫᭀᬫᭀᬦᬾᬢ᭄ᬯᬄᬧᬸᬗ᭄ᬕᭂᬮᬶᬦ᭄᭞ᬭᬶᬲ᭄ᬥᭂᬓ᭄ᬫᬸᬲᬸᬳᬾᬳᬦ᭄ᬤᬭᬸᬂ᭞ᬲᬶᬫ᭄ᬧᭂᬦᬂᬭᬶᬂᬧᬓᬳ᭄ᬬᬸᬦᬦ᭄᭞ᬲᬂᬪᭀᬫᬤᬳᬢᬶᬂᬚᬸᬢᬶ᭞ᬓ᭄ᬭᬦ
[᭒᭔ 24A]
ᬢᬶᬢ᭄ᬬᬧᬸᬭᬸᬦ᭄ᬗᬵᬢᬸᬭᬂᬧᬶᬯᬓᬲ᭄᭟ᬲᬂᬪᭀᬫᬫᬗᭂᬩᬸᬕ᭄ᬲ᭄ᬯᬃᬕ᭄ᬕᬵᬦ᭄᭞ᬪᬝᬵᬭᬇᬦ᭄ᬥᬺᬲᬦᬾᬫᬗ᭄ᬓᬶᬦ᭄᭞ᬩ᭄ᬘᬶᬓ᭄ᬳᬶᬬᬕᭂᬩᬸᬕ᭄ᬳᬾᬗ᭄ᬕᬵᬮᬂ᭞ᬳᬶᬧᬸᬦ᭄ᬢ᭄ᬯᬭᬚᬸᬫᬄᬫᬗ᭄ᬓᬶᬦ᭄᭞
ᬳᬸᬫᬄᬳᬶᬧᬸᬦᬾᬫᬗ᭄ᬓᬶᬦ᭄᭞ᬕ᭄ᬮᬶᬲᬂᬢ᭄ᬮᬵᬲᬂᬳᬶᬬᬳᭂᬜ᭄ᬚᬸᬢ᭄᭞ᬩᭀᬃᬩᭀᬃᬳᬧᬗᭂᬩ᭄ᬭᬱ᭄ᬢᬵ᭞ᬲᬂᬪᭀᬫᬚᬦ᭄ᬢᭂᬦ᭄ᬫᬵᬯᬮᬶ᭞ᬲᬓᬾᬂᬓᭂᬦ᭄ᬤ᭄ᬭᬦ᭄ᬳᬶᬧᬸᬦ᭄ᬫᬵᬢᬶᬗ᭄ᬕᬮ᭄ᬗᬾᬗ᭄ᬕᬵᬮᬂ᭟ᬪᬝᬵᬭ
ᬲᬸᬳᬸᬤ᭄ᬓᬾᬯᭂᬳᬦ᭄᭞ᬳᬶᬭᬢᬸᬢᬍᬃᬗᬃᬬ᭄ᬬᬦᬶᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬓᬵᬭᬶᬳᬩᭀᬢ᭄᭞ᬩᬯᭀᬂᬲᬂᬧᬸᬦᬶᬓᬫᬗ᭄ᬓᬶᬦ᭄᭞ᬫᬦᬯᬶᬓᬳᬢᬹᬃᬕᭂᬮᬶᬲ᭄᭞ᬭᬶᬂᬳᬶᬪᭀᬫᬤ᭠
ᬳᬢ᭄ᬭᬸᬲᬸᬄ᭞ᬬᬦᬶᬂᬓᬦ᭄ᬬᬂᬳᬸᬧᬬᬳᬂ᭞ᬳᬶᬦᬭᬵᬓᬍᬯᬶᬄᬰᬓ᭄ᬢᬶ᭞ᬓᬤᬶᬧᬸᬦᬶᬓᬳᬢᬹᬃᬲᬂᬧᬸᬗ᭄ᬕᬵᬯ᭟ᬭᬶᬂᬳᬶᬤᬲᬂᬦᬵᬣᬓ᭄ᬭᬱ᭄ᬡᬵ᭞ᬕ᭄ᬮᬶᬲ᭄ᬳᬶᬤᬫᬜᬯᬸᬭᬶᬦ᭄᭞
Page:Bali-lontar-gaguritan-boma-300ppi.pdf/24
Jump to navigation
Jump to search
This page has been proofread.
