[ ᭑᭑ 11B]
᭑᭑᭞
ᬓᭀᬘᬧᬦ᭄᭞ᬚᬸᬭᬸᬤᬾᬬᬲᬢ᭄ᬬᬗᬶᬭᬶᬂ᭞ᬜᬮᬶᬩ᭄ᬲᬶᬩ᭄ᬗᬮᬶᬄᬳᬮᬶᬗᬦ᭄᭞ᬦᬶᬲᬸᬤᬃᬧᬡᬫᬗᬶᬦ᭄ᬢᬶᬧ᭄᭞ᬜᬧᬢᬶᬦ᭄ᬲᬤᬜᬖᬕᬶᬦ᭄᭞ᬲᬤ᭄ᬬᬦ᭄ᬳᬶᬭᬢᬸᬦᬾᬭᬯᬸᬄ᭞ᬬᬦ᭄ᬓᬲᬾᬧ᭄ᬢᬦᬸᬭᬸᬂᬩᬬ᭞ᬳᬶᬤᬳᬶᬳᬭᬶᬗᭂᬫᬲᬶᬦ᭄᭞ᬤᬾᬦᬶᬂᬳᬶᬩᬸᬓ᭄᭞ᬳᭂᬗ᭄ᬲᬧ᭄ᬳᬶᬗᭂᬢ᭄ᬢᭂᬓᬾᬦ᭄ᬭᬕ᭟ᬮᬯᬸᬢ᭄ᬜᬕ᭄ᬚᬕ᭄ᬓᬲᬭᬾᬦᬦ᭄᭞ᬜᬦ᭄ᬢᭂ
ᬦᬂᬲᬂᬓᬤᬶᬭᬢᬶᬄ᭞ᬲᬂᬳᬬᬸᬜᬸᬤᬸᬓ᭄ᬫᬕᬮᬓ᭄᭞ᬲᬂᬳᬦᭀᬫ᭄ᬲᭂᬩᭂᬢ᭄ᬫᬓᬶᬭᬶᬕ᭄᭞ᬦᬶᬲᬸᬤᬃᬧᬡᬫᬜ᭄ᬚᭂᬭᬶᬢ᭄᭞ᬗᬸᬤᬓᬾᬢᭀᬭᬢᬸᬳᬬᬸ᭞ᬧᬸᬦᬶᬓᬶᬳᬶᬤᬳᬶᬭᬓ᭞ᬲᬂᬪᬶᬫᬦ᭄ᬬᬸᬧᬭᬧ᭄ᬝᬶ᭞ᬲᬶᬗᬓ᭄ᬭᬢᬸ᭞ᬲᬧᬩᬦ᭄ᬫᬦᬶᬲᬶᬂᬘᬶᬗᬓ᭄᭟ᬲᬶᬢᬶᬲᬸᬦ᭄ᬡ᭄ᬥᬭᬶᬜᬸᬮᬶᬗᬄ᭞ᬜᬮᬾᬫ᭄ᬧᭀᬄᬮᬯᬸᬢ᭄ᬫᬗᬜ᭄ᬚᬮᬶ᭞ᬲᬂ
ᬪᬶᬫᬦ᭄ᬬᬸᬦᬗ᭄ᬲᭂᬓᬂ᭞ᬗᬸᬲᬧ᭄ᬧᬶᬧᬶᬢᬗᬦ᭄ᬫᬮᬶᬄ᭞ᬗᬦ᭄ᬤᬶᬓᬫᬤᬸᬮᬸᬃᬢᬗᬶᬲ᭄᭞ᬲᬂᬖᬝᭀᬢ᭄ᬓᬘᬚᬕ᭄ᬭᬯᬸᬄ᭞ᬓᭂᬫᬚ᭄ᬯᬳᬤᬶᬕᭂᬮᬶᬲᬂ᭞ᬳᬚᬓ᭄ᬧᬢ᭄ᬧᬢ᭄ᬦᬾ ᬲᬫᬶ᭞ᬓᭂᬫᬫᬦ᭄ᬢᬸᬓ᭄᭞ᬭᬣᬦ᭄ᬩᭂᬮᬶᬳᭂᬦ᭄ᬢᭀᬩᬸᬯᬢ᭄᭟ᬩᭂᬮᬶᬤᬶᬦᬶᬤᬶᬧᬰ᭄ᬭᬫᬦ᭄᭞ᬫᬕᬸᬢᬶᬦ᭄ᬳᬲᬶᬂᬧᬭᬧ᭄ᬝᬶ᭞ᬫᬤᬓ᭄ᬳᬶᬮᬓ᭄ᬱᬡᬓᬸᬫᬭ᭞ᬲᬤ᭄ᬬ
ᬢᭂᬓᬳᭂᬦᬾ ᬚᬦᬶ᭞ᬗᬮᬯᬸᬢ᭄ᬜᬗ᭄ᬓᬸᬢᬶᬦ᭄ᬩᭂᬮᬶ᭞ᬩᭂᬮᬶᬜᬭᬢᬂᬗᬭᬸᬫ᭄ᬭᬸᬫ᭄᭞ᬳᬦ᭄ᬢᬸᬓ᭄ᬳᬲ᭄ᬢ᭄ᬭᬧᬧᬶᬗᬶᬢᬦ᭄᭞ᬢᬸᬫᬸᬮᬶᬗᬢᭂᬳᬂᬫᬸᬮᬶᬄ᭞ᬢᬸᬃᬫᬮᬸᬗ᭄ᬕᬸᬄᬭᬶᬂᬓᬯᬄᬘᬫ᭄ᬩ᭄ᬭᬕᭀᬄᬫᬸᬓ᭟ᬲᬂᬪᬓᬫᬗ᭄ᬓᬜ᭄ᬘᬭᬶᬢ᭞ᬓᬪᬶᬦᬯᬮᬸᬯᬶᬄᬰᬓ᭄ᬢᬶ᭞ᬲᬶᬤᬧᬕᭂᬄᬭᬶᬂᬳᬾᬓᬘᬓ᭄ᬭ᭞ᬳᭀᬮᬶᬄᬲᬂᬪᬮᬯᬗᬸᬦᬶ᭞ᬯᬾᬦ᭄ᬢᭂᬦ᭄ᬧᬶ
[ ᭑᭒ 12B]
ᬬᬦᬓ᭄ᬜᬮᬓᬶ᭞ᬲᬂᬩᬚ᭄ᬭᭀᬤᬦ᭄ᬢᬓᬲᬸᬫ᭄ᬩᬸᬂ᭞ᬓᬶᬦᬦ᭄ᬤᭂᬮ᭄ᬲᬂᬖᬝᭀᬢ᭄ᬓᬘ᭞ᬩᬦ᭄ᬧᬾᬦ᭄ᬢᭂᬭᬾᬤᬤᬶᬓᬸᬲᬶᬃ᭞ᬤᬶᬢᬸᬜᬭᬸ᭞ᬫᬫᬜ᭄ᬚᬓ᭄ᬫᬶᬭᬶᬩ᭄ᬲᬸᬲᬢ᭄ᬬᬚᬦᬶᬬᬫᬭᬲᬲᬤ᭄ᬬ᭞ᬜᬮᬦᬂᬫᬦᬄᬫᬲᭂᬗᬶᬢ᭄᭞ᬫᭂᬚᬄᬳᬶᬂᬲᬂᬖᬝᭀᬢ᭄ᬓᬘ᭞ᬭᬶᬂᬧᬸᬭᬶᬤ᭄ᬯᬭᬯᬢᬶ᭞ᬢᬸᬫᬸᬮᬶᬳᬾᬜ᭄ᬘᭀᬮ᭄ᬫᬫᬃᬕᬶ᭞ᬮᬓ᭄ᬱᬡᬓᬸᬫᬭᬓ
ᬚᬸᬚᬸᬃ᭞ᬓᬘᬸᬦ᭄ᬤᬸᬓ᭄ᬢᭂᬗᬳᬶᬂᬳᬯᬦ᭄᭞ᬲᬂᬩᬚ᭄ᬭᭀᬤᬦ᭄ᬢᬫᬦᬗ᭄ᬓᬶᬮ᭄᭞ᬫᬢᬸᬃᬳᬮᬸᬲ᭄᭞ᬭᬢᬸᬧᬘᬂᬮᬸᬗ᭄ᬳᬓᬶᬚ᭟ᬬᬦ᭄ᬳᬶᬭᬢᬸᬲᬭᬢ᭄ᬮᬸᬗ᭄ᬳ᭞ᬭᬶᬂᬧᬸᬭᬶᬤ᭄ᬯᬭᬯᬢᬶ᭞ᬢᬶᬢ᭄ᬬᬂᬫᬓᬤᬶᬲᬗ᭄ᬲᬬ᭞ᬯᬾᬦ᭄ᬢᭂᬜ᭄ᬘᬶᬳ᭄ᬦᬦᭀᬭᬲᬶᬗ᭄ᬕᬶᬄ᭞ᬦᬾᬫᬓ᭄ᬭᬦᬲᬃᬯᬯᬾᬘᬶ᭞ᬫᭂᬓᬲ᭄ᬗᬯᬾᬢᬦ᭄ᬭᬳᬬᬸ᭞ᬬᬦ᭄ᬯᬦ᭄ᬢᬄᬳᬶᬭᬢᬸᬮᬾᬤᬂ᭞ᬢᬶ
ᬢ᭄ᬬᬂᬗᬶᬭᬶᬂᬫᬗ᭄ᬭᬶᬳᬶᬦᬶᬦ᭄᭞ᬫᬯᬲ᭄ᬤᬸᬫᬸᬦ᭄᭞ᬳᬮᬳᬬᬸᬦᬾᬳᬶᬭᬶᬓ᭟ᬮᬓ᭄ᬱᬡᬓᬸᬫᬭᬗᬦ᭄ᬤᬶᬓ᭞ᬳᬾᬗ᭄ᬕᬮᬂᬓᭂᬫᬧᭂᬤᬲᬶᬦ᭄᭞ᬚᭂᬮᬾ ᬫᭂᬮᬄᬦᬾᬧᬂᬢᬯᬂ᭞ᬮᬯᬸᬢ᭄ᬳᬶᬜ᭄ᬘᭂᬕᬂᬫᬯᬮᬶ᭞ᬲᬂᬩᬚ᭄ᬭᭀᬤᬦ᭄ᬢᬫᬫᬃᬕᬶ᭞ᬕᬥᬦᬾᬮᬯᬸᬢ᭄ᬓᬢᬶᬓᬸᬮ᭄᭞ᬲ᭄ᬬᬕᬗᬼᬫ᭄ᬧᬕ᭄ᬲᬶᬭᬄ᭞ᬲᬂᬖᬝᭀᬢ᭄ᬓᬘᬭᬶᬂ
ᬧᬸᬭᬶ᭞ᬲᬫ᭄ᬧᬸᬦ᭄ᬭᬯᬸᬄ᭞ᬳᬤᬾᬂᬳᬮᬶᬸᬮᭀᬦ᭄ᬗᬫ᭄ᬧᬓ᭄ᬮᬯᬂ᭟ᬲᬂᬖᬝᭀᬢ᭄ᬓᬘᬫᬦᬶᬜ᭄ᬚᬓ᭄᭞ᬢᬦ᭄ᬧᬯᬶᬸᬗᬸᬘᬧ᭄ᬚᭂᬕ᭄ᬫᬢᬶᬕ᭄ᬢᬶᬕ᭄᭞ᬮᬯᬸᬢ᭄ᬜᬭᬸᬧ᭄ᬫᬫᬦ᭄ᬢᬶᬕᬂ᭞ᬮᬶᬫᬩᬢᬶᬲ᭄ᬤᭂᬓ᭄ᬤᭂᬓ᭄ᬲᬫᬶ᭞ᬲᬂᬩᬚ᭄ᬭᭀᬤᬦ᭄ᬢᬗᭂᬫᬲᬶᬦ᭄᭞ᬫᬢᬶᬦ᭄ᬜᬦᬾᬢᬦ᭄ᬧᬲᬸᬮᬸᬃ᭞ᬯᬲ᭄ᬢᬸᬳᬸᬬᬸᬢ᭄ᬭᬶᬂᬧᬸᬭ᭄ᬬᬦ᭄᭞ᬚᬕᬩᬬᬓᬢᬄᬫᬢᬶ᭞
Page:Bali-lontar-gaguritan-bhimaniyu-300ppi.pdf/12
Jump to navigation
Jump to search
This page has been proofread.
