[᭔᭐ 40B]
᭔᭐᭟
ᬦᬧᬭᬤᬾᬦ᭄ᬪᬷᬫ᭞ᬚᬭᬶᬚ᭄ᬬᬓᬢᭀᬦ᭄ᬢᬦ᭄ᬲᬫ᭄ᬬ᭟᭜᭟ᬢᭀᬦ᭄ᬢᭀᬦᭂᬦ᭄᭞ᬬᬬᬶᬲᬤᬾᬯᬳᬶᬓᬸ᭞ᬚᬭᬶᬚ᭄ᬬᬲᬂᬓᬓ᭞ᬭᬤᬾᬦ᭄ᬲᬤᬾᬯᬦᬯᬸᬭᬶᬦ᭄᭞ᬢᬸᬳᬸᬢᬦ᭄ᬲᬫᬧᬸᬦᬶᬓᬸ᭞ᬭᬤᬾ
ᬦ᭄ᬲᬤᬾᬯᬭᬶᬂᬧᬸᬗ᭄ᬓᬸᬃ᭞ᬲᬂᬪᬷᬫᬋᬓᬾᬲᬯᬸᬭᬾ᭞ᬬᬬᬶᬢᬦ᭄ᬳᬶᬯᬂᬧᬸᬦᬶᬓᬸ᭞ᬲᬶᬦᭂᬗ᭄ᬕᬸᬄᬲᬶᬭᬢᬦ᭄ᬲᬫ᭞ᬳᬶᬓᬾᬢᭀᬦ᭄ᬢᭀᬦᭂᬦ᭄ᬦᬓᬸᬮ᭟᭜᭟ᬭᬳᬤᬾᬦ᭄ᬪᬷᬫᬢᬦ᭄ᬯ᭄ᬭᬸᬄᬳᬶᬦᬧᬸᬲ᭄᭞ᬲᬫᬬᬂᬢ
ᬗᬦᬾ᭞ᬲᬶᬦᬫ᭄ᬩᬸᬢ᭄ᬢᬗᬦᬾᬳᬕᭂᬮᬶᬲ᭄᭞ᬤᬾᬦᬾᬲᬤᬾᬯᬳᬶᬓᬸ᭞ᬲᬶᬦᭂᬫ᭄ᬩᬄᬫᬭᬶᬂᬲᬂᬧᬡ᭄ᬥᬸ᭞ᬲᬺᬗᭂᬦ᭄ᬲᬂᬪᬷᬫᬳᬫᬗ᭄ᬓᬾ᭞ᬭᬳᬤᬾᬦ᭄ᬦᬓᬸᬮᬫᬮᬬᬸ᭞ᬧᬋᬂᬮᬦ᭄ᬭᬤᬾᬦ᭄ᬲᬤᬾᬯ᭞ᬩᬶᬦᬸ
ᬭᬸᬓᬂᬓᬧᬮᬬ᭄ᬯ᭟᭜᭟ᬲᬂᬯᬺᬓᭀᬥᬭᬲᬯᬸᬭᬾᬳᬰ᭄ᬭᬸ᭞ᬧᬗᬾᬭᬳᬓᬸᬋᬓᬾ᭞ᬓᬲᭂᬫᭂᬃᬓᬶᬢᬫᬶᬫᬶᬭᬶᬗᬶᬦ᭄᭞ᬮᬮᬶᬳᬓᬸᬮᬯᬦ᭄ᬫᬸ᭞ᬫᬗ᭄ᬓᬾᬳᬚᬦᬫᬮ
[᭔᭑ 41A]
ᬬ᭄ᬯ᭞ᬳᬓᬸᬳᬶᬢᬹᬢᭂᬦ᭄ᬯᬲᬾ᭞ᬫᬲᬢᬦ᭄ᬫᬢ᭄ᬬᬳᬶᬂᬩᬾᬲᬸᬓ᭄᭞ᬰ᭄ᬭᬷᬥᬃᬫ᭄ᬫᬵᬫᬺᬢᬓᬾᬫᭂᬗᬦ᭄᭞ᬲᬶᬦᬫ᭄ᬩᬸᬢ᭄ᬲᬶᬭᬭᬤ᭄ᬬᬦ᭄᭟᭜᭟ᬭᬤᬾᬦᬃᬚ᭄ᬚᬸᬦᬲᬋᬂᬳᬗᬺᬩᬸᬢ᭄᭞ᬫ᭄ᬯᬂᬰ᭄ᬭᬷᬤᬾᬯᬷ
ᬓᬩᬾᬄ᭞ᬲᬫᬲᬯᬸᬃᬫᬶᬢᬸᬢᬸᬭᬶᬦ᭄᭞ᬧ᭄ᬭᬲᬫᬯᬘᬦᬳᬭᬹᬫ᭄᭞ᬓᬾᬫᭂᬗᬦ᭄ᬭᬳᬤ᭄ᬬᬦ᭄ᬳᬗ᭄ᬭᬸᬗᬸ᭞ᬫᬳᭂᬦ᭄ᬢ᭄ᬬᬳᭂᬦ᭄ᬢ᭄ᬬᬦᬸᬚᬭᬾ᭞ᬢᬦ᭄ᬲᬦ᭄ᬢᬋᬓᬾᬧᬸᬦᬶᬓᬸ᭞ᬋᬡᬲᬶᬭᬭᬤᬾᬦ᭄ᬪᬷᬫ᭞ᬗᬺᬗᬯ
ᬘᬦᬲᬂᬭᬵᬓ᭟᭜᭟ᬭᬤᬾᬦ᭄ᬲᬤᬾᬯᬦᬓᬸᬮᬭᬯᬸᬄ᭞ᬏᬭᬶᬲᬧᭀᬮᬳᬾ᭞ᬢᬦ᭄ᬮᬮᬶᬤᭀᬱᬦᬾᬗᬹᬦᬷ᭞ᬭᬤᬾᬦ᭄ᬪᬷᬫᬲᭂᬫᬸᬋᬗᬹ᭞ᬯᬸᬯᬸᬲ᭄ᬲᬂᬪᬝᬭᬧᬡ᭄ᬥᬸ᭞ᬤᬸᬓ᭄ᬩᬶᬦᬲᬸᬂᬲᭂᬫ᭄ᬩᬄᬋᬓᬾ᭞
ᬓᬯᬰᬲᬶᬭᬮᬸᬫᬓᬸ᭞ᬢᬦ᭄ᬧᬲᬯᬸᬭᬢᬸᬮᬶᬧᬶᬲᬦ᭄᭞ᬤᬶᬦᭂᬍᬂᬤᬍᬂᬓᬾᬯᬮ᭟᭜᭟ᬰ᭄ᬭᬷᬤᬾᬯᬷᬓᬸᬦ᭄ᬢᬶᬯᬸᬯᬸᬲᬾᬳᬮᬸᬲ᭄᭞ᬳᬦᬓ᭄ᬳᬶᬗ᭄ᬲᬸᬦ᭄ᬓᬩᬾᬄ᭞ᬧᬸᬦᬧᬤᬾᬭᬗ᭄ᬭᬲᬦᬶᬦ᭄᭞ᬳᬶᬓᬶᬪᬝᬭᬧ
Page:Bali-lontar-gaguritan-bhima-swargga-01-300ppi.pdf/41
Jump to navigation
Jump to search
This page has been proofread.
