[᭓᭑ 31B]
᭓᭑
ᬤᬶᬗ᭄ᬥᬂᬧᬗ᭄ᬓᬸᬃ᭞ᬲᬶᬦᭀᬫ᭄ᬮᬦ᭄ᬢᭂᬫ᭄ᬩᬂᬍᬕᬭᬂ᭛ᬲᬮ᭄ᬬᬦ᭄ᬓᬶᬤᬸᬗᬾᬫ᭄ᬮᬄ᭞ᬮ᭄ᬬᬸᬦᬦ᭄ᬲᬸᬩᬫᬫᬵᬃᬕ᭄ᬕᬶ᭞ᬳᬶᬲᬂᬤᬬᬵᬳᭀᬬᭀᬕ᭄ᬳᭀᬕ᭄᭞ᬫᬲᬶᬄᬧᭀᬗᬄᬓ᭄ᬚᬢ᭄ᬓᭂ
ᬚᬶᬢ᭄᭞ᬫ᭄ᬯᬦᬾᬩ᭄ᬗᬄᬩᬶᬳᬶᬂ᭞ᬫᬢᬦ᭄ᬜᬦᬾᬧᬶᬦᬄᬩᬶᬭᬸ᭞ᬫᬲᬶᬄᬫᬦᬕᬶᬄᬢ᭄ᬯᬓ᭄᭞ᬫᬲᬶᬄᬳᬤᬫᬗᬶᬤ᭄ᬭᬶᬦ᭄᭞ᬫᬫᬮᬜ᭄ᬘᬸᬄ᭞ᬢ᭄ᬯᬓ᭄ᬩᬺᬫᬕᭀᬄᬳᬭᬓ᭄᭛ᬲᬸᬩᬵᬲᬸᬯᬸ
ᬤ᭄ᬗᬶᬦᭂᬫ᭄ᬢ᭄ᬯᬓ᭄᭞ᬫᬢᬳᬕ᭄ᬮᬯᬸᬢ᭄ᬗᬚ᭄ᬗᬶᬢ᭄᭞ᬫᬜ᭄ᬭᬶᬢ᭄ᬫᬓᬶᬤᬸᬂᬤᬸᬤᭀᬂ᭞ᬓᭀᬘᬧ᭄ᬤᬸᬓ᭄ᬜᬦᬾᬫᬩᬸᬜ᭄ᬘᬶᬂ᭞ᬳᬶᬤᬸᬤᭀᬂᬓᬮᬸᬓᬭᬶᬦ᭄᭞ᬩᭀᬗ᭄ᬓᭀᬮ᭄ᬓᬯᬢᬾ
ᬫᬗᭂᬦ᭄ᬢᬸᬤ᭄᭞ᬮᬯᬸᬢ᭄ᬫᬓᬾᬦᬾᬓᬾᬦ᭄ᬢᭀ᭞ᬩᬩ᭄ᬢᬾᬦᬦ᭄ᬦᬾᬫ᭄ᬯᬦᬶ᭞ᬲ᭄ᬕᬸᬲ᭄ᬕᬸ᭞ᬓᬵᬕᬾᬢ᭄ᬓ᭄ᬥᬾᬓᬾᬫᬩ᭄ᬭᬶᬬᬕ᭄᭛ᬦᬾᬦᬾᬮᬸᬄᬓᬮᬶᬦ᭄ᬢᬂᬚ᭄ᬗᬄ᭞ᬫ
[᭓᭒ 32A]
ᬦ᭄ᬤᬶᬗᭂᬄᬫᬸᬜᬶᬦᬾᬚᬦᬶ᭞ᬧᬓᭂᬳᭂᬂᬧᬥᬧᬚᭀᬗ᭄ᬓᭀᬓ᭄᭞ᬦᬾᬓᬳᬶᬕᬸᬫ᭄ᬲᬳᬶᬲᬳᬶ᭞ᬤᬾᬯᬵᬦ᭄ᬢᬶᬢ᭄ᬬᬂᬦᬾᬚᬦᬶ᭞ᬩᬸᬓᬢᭀᬗ᭄ᬮᬄᬯᬸᬮᬗᬹᬦ᭄᭞ᬢᬸᬗ᭄ᬕ
ᬮ᭄ᬤᭂᬲᭂᬓ᭄ᬫᬗ᭄ᬚᭀᬄ᭞ᬢᬸᬗ᭄ᬕᬮ᭄ᬳᬸᬲᬸᬤᬶᬦ᭄ᬫᬜ᭄ᬚ᭄ᬭᬶᬢ᭄᭞ᬩᬬᬢᬸᬤᬸᬄ᭞ᬓᬸᬤ᭄ᬬᬂᬚᬦᬶᬫᬗᬍᬕᬬᬂ᭛ᬧ᭄ᬭᬤᬾᬦᬾᬮᬫᬸᬦ᭄ᬜᬳ᭄ᬜᬓ᭄᭞ᬢᬶᬢ᭄ᬬᬂᬗᬢᬹᬭᬂᬲᬲᬗᬶ᭞ᬫᬗᬸ
ᬮᬶᬂᬍᬕᬸᬦᬾᬕᭀᬦ᭄ᬤᭀᬂ᭞ᬳᬧᬚᬵᬳᬶᬩᬸᬓᬂᬩ᭄ᬯᬶᬦ᭄᭞ᬚ᭄ᬗᬄᬳᬢᬶᬦᬾᬧ᭄ᬥᬶᬄ᭞ᬧᬕ᭄ᬮᬭᬦ᭄ᬜᬦᬾᬗᭂᬦ᭄ᬢᬸᬤ᭄᭞ᬢᬸᬗ᭄ᬕᬮ᭄ᬧ᭄ᬢᭂᬂᬫᬕᬾᬦ᭄ᬥᭀᬮ᭄᭞ᬢ᭄ᬯᬭᬜᬓ᭄ᬫᬕᬸᬦ᭄ᬤᬮ᭄ᬕ
ᬦ᭄ᬤᬶᬮ᭄᭞ᬤᬶᬧ᭄ᬥᭂᬫᬦ᭄᭞ᬲᬓᬵᬋᬧ᭄ᬓᬋᬧ᭄ᬫ᭄ᬩᬶᬓᬲᬂ᭛ᬳᬲᬶᬋᬧ᭄ᬳᬕᬸᬗᬾᬯᬸᬲᬦ᭄᭞ᬗ᭄ᬭᬸᬡᬬᬂᬓᬶᬤᬸᬂᬓᬓᬯᬶᬦ᭄᭞ᬧᬥᬫᬲ᭄ᬩᭂᬂᬓᬳᬸᬭᭀᬦ᭄᭞ᬤᬾᬩ᭄ᬭᬬᬸᬢ᭄ᬫ
Page:Bali-lontar-gaguritan-berayut-03-400ppi.pdf/32
Jump to navigation
Jump to search
This page has been proofread.
