[᭒᭓ 23B]
᭒᭓
ᬢ᭄ᬳᬭᬦᬶᬧᬸᬦ᭄᭞ᬖᬺᬳᬲᬮᬓᬵᬳᬭᬦᬾ᭞ᬳᬶᬩᬕᬸᬲ᭄ᬤ᭄ᬬᬵᬃᬱᬫᬗ᭄ᬭᬦ᭄ᬢᬸᬦ᭄᭞ᬇᬥᭂᬧᬾᬤᬶᬢᬸᬫᬭᬵᬃᬬ᭄ᬬᬦ᭄᭞ᬲᬕᬾᬢ᭄ᬗᭂᬦᬄᬳᬦᬓ᭄ᬤᬤ᭄ᬯ᭟ᬫᬋᬧᬋᬧᬦ᭄ᬳ᭄ᬬ᭠
ᬫᬚᬸᬚᬸᬓ᭄᭞ᬤᬶᬩᬢᬦ᭄ᬓᬬᬸᬦᬾ᭞ᬫᬗ᭄ᬭᬯᭀᬲ᭄ᬗᬚᬓ᭄ᬓᬓᬮᬶᬄ᭞ᬳ᭄ᬬᬂᬧᬜᬭᬶᬓᬦ᭄ᬳᬶᬓᬸ᭞ᬮᬯᬦᬾᬫᬮᬶᬄᬳᬫᬸᬯᬸᬲ᭄᭞ᬢᭀᬪᬕᬯᬵᬦ᭄ᬫᭂᬘ᭄ᬘᬸᬓᬸᬡ᭄ᬥᬵ᭞ᬳᬶᬩᬕᬸ
ᬲ᭄ᬤ᭄ᬬᬵᬃᬱᬫᬲᬬᬸᬩ᭄᭞ᬳᭂᬫ᭄ᬩᭀᬮ᭄ᬮᬯᬢ᭄ᬓᬬᬸᬢᬾᬚᬵ᭞ᬳ᭄ᬬᬂᬧᬜᬭᬶᬓᬦ᭄ᬳᬗᬸᬯᬸᬲ᭄᭟ᬳᬢ᭄ᬫᬵᬓᬾᬦ᭄ᬓᬾᬦ᭄ᬓᬶᬢᬦ᭄ᬕᬓ᭄ᬤᬶᬢᬸ᭞ᬫᭀᬦ᭄ᬢᭀᬭᭀᬂᬢᬵᬢᬾᬚᬦᬾ᭞ᬫᬶᬭᬶ᭠
ᬩ᭄ᬳᬢ᭄ᬫᬦ᭄ᬳᬦᬓᬼᬯᬶᬄ᭞ᬩᬕᬸᬲ᭄ᬤ᭄ᬬᬵᬃᬱᬫᬳᬢᬹᬃ᭞ᬲᬳᬵᬜᬸᬫ᭄ᬩᬄᬤᬾᬯᬭᬢᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬩᭀᬬᬳᬢ᭄ᬫᬵ᭞ᬢᬶᬢ᭄ᬬᬂᬚᬤ᭄ᬫᬓᬭᬶᬳᬶᬥᬸᬧ᭄᭞ᬦᬸᬕ᭄ᬭᬳᬦ᭄ᬪᬝᬵᬭ᭠
[᭒᭔ 24A]
ᬰᬶᬯ᭄ᬯᬵ᭞ᬳ᭄ᬬᬂᬧᬜᬭᬶᬓᬦ᭄ᬳᬗᬸᬘᬧ᭄᭟ᬲᬚᬩ᭄ᬦᭂᬄᬳᬶᬗᭂᬢ᭄ᬚᬦᬶᬳᬓᬸ᭞ᬓᭂᬦ᭄ᬓ᭠ᬦ᭄ᬤᬦ᭄ᬓᬶᬢᬦᬾ᭞ᬳᬧᬦ᭄ᬲᬸᬩᬵᬫᬸᬗ᭄ᬕ᭄ᬯᬶᬂᬢᬸᬮᬶᬲ᭄᭞ᬮᬯᬸᬢᬂᬗᬸᬮᬄᬳᬬᬸ᭞ᬩᬕᬸᬲ᭄ᬤ᭄ᬬᬵᬃ
ᬱᬯᭀᬢ᭄ᬲᬦ᭄ᬢᬸᬦ᭄᭞ᬲᬕᬾᬢ᭄ᬗᭂᬦᬄᬳᬢ᭄ᬫᬵᬢ᭄ᬓᬵ᭞ᬫᬩᬺᬤ᭄ᬳᬤᬵᬮᬶᬫᬂᬳᬢᬸᬲ᭄᭞ᬦᬗ᭄ᬳᬶᬂᬲᭀᬭᭀᬄᬯᬢᭂᬓ᭄ᬧᬧᬵ᭞ᬤᭂᬗ᭄ᬕᬶᬤᬹᬃᬰᬶᬮᬵᬓᬸᬣᬶᬮᬵ᭟ᬫᬸᬜᬶᬦᬾᬩᬺ
ᬓᬧᬓ᭄ᬲᬮᬾᬂᬢᭂᬫ᭄ᬩᬸᬂ᭞ᬧᬢᬸᬭᬸᬦ᭄ᬬᬳᬢ᭄ᬫᬵ᭞ᬳᭂᬩᭀᬦ᭄ᬧᬥᬢ᭄ᬓᬾᬦ᭄ᬓᬳᬶ᭞᭠ᬥᬶᬭᬯᬦᬾᬦ᭄ᬢᬹᬃᬢᭂᬕᬸᬄ᭞ᬤᬸᬓᬾᬫᬫᬾᬕᬮ᭄ᬤᬶᬧᬸᬢᬸᬂ᭞ᬓᬢᬸᬫ᭄ᬩᬓ᭄ᬮᬯᬸᬢᬵᬜᭂᬫ᭄ᬧᬂ᭞
ᬳᬤᬵᬮᬾᬦ᭄ᬫᬮᬶᬄᬫᬲᬯᬸᬢ᭄᭞ᬓᬳᬶᬤᬸᬕᬦᬾᬫᬗᬶᬯᬢ᭄᭞ᬳᬦ᭠ᬓ᭄ᬳᭂᬮᬸᬄᬗᬚᬓ᭄ᬧᬦᬓ᭄᭟ᬳᬦᬓ᭄ᬜᬦᬾᬗᭂᬮᬶᬂᬦᬕᬶᬄᬫᬦ᭄ᬢᬸᬓ᭄᭞ᬮᬯᬸᬢ᭄ᬓᬧ᭠
