[᭒᭑21B]
᭒᭑
ᬢᬸᬃ᭞ᬩᬋᬂᬯᬬᬄᬲᬮᭀᬬᭀ᭞ᬓᬓᬶᬦ᭄ᬢᬭᬸᬂᬫᬜᬶᬗ᭄ᬕᬸᬓᬶᬦ᭄᭞ᬦᬄᬢᬾᬫᬢᬸᬃ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬫᬫᭂᬦ᭄ᬤᭀᬮᬂ᭟ᬲᬳᬸᬃᬦᬸᬓ᭄ᬱᬶᬦᬋᬗᬦ᭄᭞ᬧᬫᬓ᭄ᬱᬭᬦ᭄ᬤᬦ᭄ᬲᬫᬶ᭞ᬓᬾᬦ᭄ᬓᬾᬦ᭄ᬚ᭄ᬭᭀ
ᬓᬩᬬᬦ᭄ᬓᬾᬢᭀ᭞ᬦᬄᬳᭀᬭᬳᬂᬧᬶᬲᬦ᭄ᬚᬦᬶ᭞ᬬᬦ᭄ᬚ᭄ᬭᭀᬦᬾᬢᬦ᭄ᬲᬳᬶᬭᬶᬂ᭞ᬕᬦ᭄ᬢᬶᬦᬾᬚ᭄ᬭᬾᬦᬾᬤᬤᬶᬩᬸᬩᬸᬄ᭞ᬳᬶᬓᬩᬬᬦ᭄ᬫᬗᭂᬢᭀᬃ᭞ᬧᬫᬓ᭄ᬱᬦ᭄ᬲᬫᬶᬧᬚᭂᬗ᭄ᬓᬶᬂ᭞ᬓᬓᬶᬦ᭄ᬢᬭᬸᬂ᭞ᬦᬸᬤᬶᬂᬜᭂᬳᭂᬤᬂᬓ
ᬤᬸᬢᬦ᭄᭟ᬩᬲ᭄ᬢ᭄ᬯᬭᬢᭀᬗᭀᬲ᭄ᬫᬓᬶᬩ᭞ᬫᬲᬳᬸᬢ᭄ᬫᬸᬜᬶᬓᬩᬶᬩᬶᬮ᭄᭞ᬢᬶᬢ᭄ᬬᬂᬫᬫᬦ᭄ᬩᭂᬮᬶᬓᬾᬢᭀ᭞ᬓᬾᬢᭀᬓᬾᬦ᭄ᬓᬾᬦ᭄ᬢ᭄ᬯᬭᬧᬲ᭄ᬢᬶ᭞ᬧᬲ᭄ᬢᬶᬬᬂᬧᬶᬲᬦ᭄ᬚᬦᬶ᭞ᬳᬭᬶᬓ᭄ᬫᬢᬸᬃᬧᬘᬭᬸᬗᬸᬂ᭞ᬦᬄᬚᭂᬫ
ᬓ᭄ᬱᬳᬸᬧ᭄ᬳᭀᬭᭀᬲ᭄᭞ᬳᬸᬲᬓ᭄ᬩᬦ᭄ᬘᬾᬂᬘᬾᬂᬳᬢᭂᬩᬶᬄ᭞ᬕᭀᬂᬳᬩᬭᬸᬂ᭞ᬳᬫ᭄ᬩᬳᬶᬦ᭄ᬭᬸᬲᬓ᭄ᬳᬤᬶᬦ᭟ᬩᭂᬮ᭄ᬩᭂᬮᬦ᭄ᬩᬸᬓᬲᭂᬕ᭄ᬲᭂᬕ᭞ᬫᬲᬳᬸᬢ᭄ᬚᬦᬶᬲᬳᬶᬭᬶᬂ᭞ᬦᬄᬢᭀᬧᬢᬸᬢ᭄ᬚ᭄ᬭᭀᬦᬾᬓᬾᬢᭀ᭞
[᭒᭒22A]
ᬚᬦᬶᬭᬋᬫᬂᬭᬯᭀᬲᬶᬦ᭄᭞ᬧᬓᬓᬲ᭄ᬚᬦᬶᬳᬮᬶᬄ᭞ᬩᬮᬾᬧᬫᬓ᭄ᬱᬦᬾᬲᭂᬭᬸᬂ᭞ᬤᬗᬶᬢᬸᬂᬳᬸᬬᬄᬳᬩᭀᬢ᭄᭞ᬚ᭄ᬭᭀᬓᬩᬬᬦ᭄ᬓᭂᬫᬫᬸᬮᬶᬄ᭞ᬚᬸᬫᬄᬳᬶᬩᬸᬓᬂᬳᬚᬓ᭄ᬫᬾᬦ᭄ᬳᬶᬮᬸᬗᬃᬲ᭟ᬤᬳᬶᬩᬸᬓ᭄ᬫᬓᭂᬚᬂᬓᭂ
ᬚᬂ᭞ᬧᬫᬓ᭄ᬱᬦ᭄ᬲᬫᬶᬗᬋᬧᬶᬦ᭄᭞ᬢᭂᬓᬦᬶᬂᬤᬕᬶᬂᬧᬢᬸᬭᭀᬦ᭄᭞ᬧ᭄ᬭᬕᬶᬡᬦ᭄ᬤᬭᬢᬸᬲᬫᬶ᭞ᬓᬧᬜ᭄ᬘᬮ᭄ᬫᬗᬋᬧᬶᬦ᭄᭞ᬕᬦ᭄ᬢᭂᬦ᭄ᬘᬦᬂᬭᬶᬂᬲᬲᬬᬸᬢ᭄᭞ᬮᬾᬦ᭄ᬧᬾᬮᬾᬢᬦ᭄ᬫᬗ᭄ᬭᭀᬫ᭄ᬩᭀ᭞ᬲᬓᬯᬲ᭄ᬓᬯᬲᬾᬲ
ᬫᬶ᭞ᬳᬧᬂᬳᬶᬧᬸᬦ᭄᭞ᬢᭂᬓᬦᬶᬂᬧᬫᬮᬩᬭᬦ᭄᭟ᬤᬦᬾᬓᭂᬢᬸᬢ᭄ᬧᬦᬭᬸᬓᬦ᭄᭞ᬗᬶᬢᬸᬗᬂᬧᬘᬂᬩᭂᬩᬮᬶ᭞ᬕᭂᬦ᭄ᬤᬶᬂᬮᬸᬯᬂᬢᭂᬓᬾᬦ᭄ᬕᬾᬭᭀᬂ᭞ᬳᬚᬓ᭄ᬤᬦᬾᬫᬗ᭄ᬓᬸᬧᬲᬶᬃ᭞ᬓᬭᬦ᭄ᬤᬦ᭄ᬫᬗᬋᬧᬶᬦ᭄᭞ᬧᬳᬾᬩᬢ᭄ᬲ
ᬧᬸᬜ᭄ᬚᬸᬂᬧᬸᬜ᭄ᬚᬸᬂ᭞ᬤᬦᬾᬯᬬᬄᬲᬮᭀᬬᭀ᭞ᬗᬋᬧᬶᬦ᭄ᬳᬭᬓᬾᬲᬫᬶ᭞ᬲᬚᭂᬂᬚᬫ᭄ᬩᬸᬮ᭄᭞ᬧᬦ᭄ᬕᬸᬮᬾᬤᬕ᭄ᬫᬗᬶᬢᬸᬗᬂ᭟ᬧᬦ᭄ᬕᬸᬫᬦ᭄ᬢᬶᬫᬜᬗ᭄ᬕᬸᬧᬂ᭞ᬲᬩᬦ᭄ᬢᭂᬦ᭄ᬲᬸᬘᬶᬦᬾᬲᬫᬶ᭞ᬦᬾᬧᬘᬂᬫᬸᬗ᭄ᬕᬄᬓᭂᬕᭂᬤᭀᬂ᭞
Page:Bali-lontar-gaguritan-babotoh-lara-300ppi.pdf/22
Jump to navigation
Jump to search
This page has been proofread.
