[ ᭒᭙ 29B]
᭒᭙
ᬳᬰ᭄ᬭᬷᬭᬯᬶᬢ᭄ᬓᬦ᭄ᬢᭂᬦᬦ᭄ᬜ᭞ᬧᬲᬗ᭄ᬕ᭄ᬭᬳᬦ᭄ᬓᬢᭀᬦ᭄ᬫᬸᬭᬸᬩ᭄᭞ᬲᬫᬶᬅᬳ᭄ᬬᬲ᭄ᬫᬸᬧᬋᬗ᭄ᬕ᭞ᬓᬧ᭄ᬯᬳᬰ᭄ᬭᬷ᭞ᬕ᭄ᬦᬳᬾᬫᬮᬾᬤᬂᬮᬾᬤᬂ᭟ᬧ᭄ᬭᬚᬸᬭᬶᬢᬾᬯᬸᬲᬬᬕ᭞ᬗᭂᬩᬕ᭄ᬳᬶᬤᬰ᭄ᬭᬷᬪᬸᬧᬢᬶ᭞ᬲᬳᬜᬦ᭄ᬢᭀᬲ᭄ᬓᬂᬤᬶᬦᬸᬢ᭞
ᬳᬸᬢᬸᬲᬦ᭄ᬳᬶᬤᬲᬂᬧ᭄ᬭᬪᬸ᭞ᬧ᭄ᬭᬪᬸᬦᬾᬭᬶᬂᬯᬶᬮᬢᬶᬓ᭄ᬢ᭞ᬲᬦᬾᬫᬗ᭄ᬓᬶᬦ᭄᭞ᬜᬤ᭄ᬬᬗᬭᬯᬸᬳᬂᬕᬢᬺ᭟᭐᭟ᬧᬸᬧᬸᬄᬤᬹᬃᬫ᭄ᬫ᭟ᬳᬶᬦᬸᬘᬧᬦ᭄ᬤᬹᬢᬦ᭄ᬧ᭄ᬭᬪᬸᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬤᬹᬢᬦ᭄ᬧ᭄ᬭᬪᬸᬫᬚᬧᬳᬶᬢ᭄᭞ᬲᬳᬫ
ᬳᬶᬭᬶᬗᬦ᭄᭞ᬓᬳᬾᬢᬂᬲᬢᬸᬲ᭄ᬧ᭄ᬭᬬᭀᬤ᭄ᬥ᭞ᬢᬦ᭄ᬧᬯᭂᬓᬲᬦ᭄ᬗ᭄ᬭᬜ᭄ᬚᬶᬂ᭞ᬫᬜᬸᬚᬸᬃᬳᬶᬤ᭄ᬥ᭞ᬮᬶᬗ᭄ᬕᬶᬳᬶᬤᬰ᭄ᬭᬷᬪᬸᬧᬢᬶ᭟ᬲᬤᬩᬗ᭄ᬕ᭄ᬭᬲ᭄ᬳᬸᬢᬸᬲᬦᬾᬫ᭄ᬤᬮ᭄ᬳᬸᬚᬃ᭞ᬢᭂᬓᬦ᭄ᬕᭂᬮᬄᬩᬸᬓᬚᬦᬶ᭞ᬜᬤ᭄ᬬᬗᬭᬯᬸᬳᬂ᭞
ᬯᬘᬦᬦ᭄ᬳᬶᬤᬲᬂᬦᬵᬣ᭞ᬲᬶᬤᬕᬲᬾᬓ᭄ᬩᬾᬦ᭄ᬜᬢᬗ᭄ᬓᬶᬮ᭄᭞ᬓᬯᬶᬮᬢᬶᬓ᭄ᬢ᭞ᬫᬗᬢᬸᬭᬂᬭᬤᬾᬦ᭄ᬤᬾᬯᬶ᭞ᬳᬶᬤᬢ᭄ᬳᭂᬃᬗᬦᬹᬢᬂᬤᬕᬶᬂᬲᬸᬩᬬ᭞ᬲᬸᬩᬬᬦ᭄ᬩᬾᬦ᭄ᬜᬦᬾᬗᬸᬦᬶ᭞ᬩᬾᬦ᭄ᬜᬫᬶᬲᬤ᭄ᬬᬬᬂ
[ ᭓᭐ 30A]
ᬧᬲᬂᬜᬤ᭄ᬬᬫᬶᬲᬭᬢᬂᬗᬢᬸᬭᬂᬲᬂᬭᬤᬾᬦ᭄ᬤᬾᬯᬶ᭞ᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬲᬸᬳᬸᬦᬦ᭄ᬕ᭄ᬮᬄᬤᬶᬦᬶ᭟ᬳᬃᬱᬦ᭄ᬳᬶᬤᬲᬶᬤ᭄ᬥᬩᬾᬦ᭄ᬜᬳᬧᬂᬳᬾᬗ᭄ᬕᬮ᭄᭞ᬦᬾᬚᬦᬶᬢᬗ᭄ᬓᬶᬮ᭄ᬓᬧᬸᬭᬷ᭞ᬳᬶᬤᬯᬸᬲ᭄ᬲᬬᬕ᭞ᬫᬜᬦ᭄ᬢᭀᬲᬂ
ᬭᬶᬂᬧᬲᬾᬩᬦ᭄᭞ᬳᬧᬩ᭄ᬯᬶᬦ᭄ᬫᬗ᭄ᬮᬶᬓᬤᬶᬦ᭄᭞ᬳ᭄ᬤᬚᬳᬶᬫ᭞ᬳ᭄ᬤᬩ᭄ᬯᬶᬦ᭄ᬧᬢᬶᬓ᭄ᬮᬶᬤ᭄᭟ᬬᬾᬦ᭄ᬢ᭄ᬯᬄᬲᬚᬳ᭄ᬦᬸᬳᬗᭂᬦ᭄ᬢ᭄ᬓᬾᬦᬗ᭄ᬓᬶᬳᬦ᭄᭞ᬕ᭄ᬮᬄᬲᬭᬢ᭄ᬗᬶᬤᬶᬄᬚᬦᬶ᭞ᬳ᭄ᬤᬚᬩᬾᬦ᭄ᬜᬳᬶᬫ᭞ᬳᬧᬂᬳᬶᬤᬢ᭄ᬯᬭᬤᬸᬓ᭞ᬜ
ᬤ᭄ᬬᬗ᭄ᬭᬸᬲᬓ᭄ᬭᬯᬸᬄᬫᬳᬶ᭞ᬫ᭄ᬮᬳᬂᬧᬶᬲᬦ᭄᭞ᬫᬶᬓ᭄ᬧᬶᬓ᭄ᬫᬶᬓ᭄ᬧᬶᬓ᭄ᬚ᭄ᬭᭀᬦᬶᬗᬢᬶ᭟ᬧ᭄ᬭᬪᬸᬲᬸᬦ᭄ᬤᬤᬳᬢ᭄ᬳᬾᬭᬂᬲᬳᬫᭀᬚᬃ᭞ᬇᬄᬳᬸᬢᬸᬲᬦ᭄ᬫᬚᬧᬳᬶᬢ᭄᭞ᬮᬯᬸᬢᬂᬢᭂᬓᭂᬤᬂ᭞ᬲᬶᬤ᭄ᬥᬳᬾᬗ᭄ᬕᬮ᭄ᬳᬶᬩᬢᬸᬮᬓ᭄᭞
ᬦᭂᬓᭂᬤᬂᬦᬾᬦ᭄ᬕᬸᬲ᭄ᬢᬶᬦ᭄ᬘᬳᬶ᭞ᬳᬧᬗᬢ᭄ᬭᬂ᭞ᬓᬳᬶᬢ᭄ᬯᬭᬫᬗ᭄ᬮᬾᬤᬗᬶᬦ᭄᭟ᬳ᭄ᬳᬶᬦᬸᬘᬧᬦ᭄ᬤᬦᬾᬧᬢᬶᬄᬳᬦᬧᬓᭂᬫ᭄᭞ᬲᬋᬂᬓᬶᬩᬭᬂᬦᬾᬫᬗ᭄ᬓᬶᬦ᭄᭞ᬫᬗᬗ᭄ᬓᬩᬂᬮᬶᬫ᭞ᬫᬦᬸᬤᬶᬂᬲᬳᬫᬕᬶᬩ᭄ᬭᬲ᭄᭞ᬇᬄ
