[ ᭒᭕ 25B]
᭒᭕
ᬧᬢᬶᬄᬫᬤ᭄ᬭᬶᬩᬳᬸᬥᬡ᭄ᬥ᭞ᬲᬕᬺᬳᬦ᭄ᬳᬢᬸᬭᬾᬜᬶᬓᬶ᭞ᬤᬺᬤᬪᬓ᭄ᬢᬶᬭᬶᬂᬲᬂᬦᬵᬣ᭞ᬫᬸᬧᬸᬢᬂᬓᬬᬸᬦᬾᬧᬲ᭄ᬢᬶ᭞ᬭᬶᬂᬭᬡᬗ᭄ᬕᬦᬗᬸᬦ᭄ᬓᬶᬃᬢ᭄ᬢᬶ᭞ᬗᬶᬭᬶᬂᬯᬘᬦᬦ᭄ᬲᬂᬧ᭄ᬭᬪ᭄ᬳᬸ᭞ᬳᬾᬭᬂᬫᬦᬳᬾᬫᬢᬸᬮᬓ᭄᭞ᬫᬦ᭄ᬢᬸᬓ᭄ᬮ
ᬲᬸᬦ᭄ᬤᬦᬕᬭᬶ᭞ᬗᬯᬾᬩᬶᬬᬸᬃ᭞ᬤᬤᭀᬲ᭄ᬳᬸᬘᬧ᭄ᬧᬸᬘᬧ᭄ᬚᬕᬢ᭄᭟ᬧᬸᬘᬧ᭄ᬚᬕᬢ᭄᭟ᬳᬶᬦᬸᬘᬧ᭄ᬧ᭄ᬚᬚᬄᬭᬶᬂᬭᬡ᭞ᬯᬶᬱ᭄ᬡᬶᬮᭀᬓᬦᬾᬓᬧᬗ᭄ᬕᬶᬄ᭞ᬲᬳᬶᬢ᭄ᬬᬫ᭄ᬫᭀᬮᬶᬄᬓᬲᬤ᭄ᬬᬦ᭄᭞ᬓᬲᬗ᭄ᬕ᭄ᬭᬤᬾᬯᬶᬤ᭄ᬬᬥᬭᬷ᭞ᬳᬢ᭄ᬫᬚᬶᬯ
ᬦ᭄ᬯᬃᬕ᭄ᬕᬲᬫᬶ᭞ᬲᬦᬾᬭᬶᬳᬶᬦᬦ᭄ᬯᬸᬲ᭄ᬫᬦ᭄ᬢᬸᬓ᭄᭞ᬲᬫᬶᬫᭀᬮᬶᬄᬲᬲᬸᬧᬢᬦ᭄᭞ᬫᬦᬫ᭄ᬢᬫᬶᬦ᭄ᬮᬶᬬᬗᬢᬶ᭞ᬢᬸᬳᬸᬮᬦ᭄ᬤᬸᬄ᭞ᬓᬮᬸᬓᬢ᭄ᬳᬦ᭄ᬢᬸᬓ᭄ᬳ᭄ᬬᬂᬯ᭄ᬦᬂ᭟ᬳᬶᬦᬸᬘᬧ᭄ᬚ᭄ᬭᬶᬄᬭᬶᬂᬭᬡ᭞ᬓᬧᬶᬮᬬᬸᬫᬫ᭄ᬭᬶᬳᬸᬭᬶᬧ᭄᭞
ᬢᬦ᭄ᬗᬦᬹᬢ᭄ᬲᬢ᭄ᬭᬶᬬᬮᬓ᭄ᬱᬡ᭞ᬤᬳᬢ᭄ᬦᬶᬱ᭄ᬞᬓᬧᬗ᭄ᬕᬶᬳᬶᬦ᭄᭞ᬫᬦᬤᭀᬲ᭄ᬧᬘᬸᬦ᭄ᬤᬂᬗᬸᬭᬶᬧ᭄᭞ᬢᬦ᭄ᬫᬭᬶᬧᬘᬂᬫᬦᭂᬫᬸ᭞ᬤᬤᬶᬧᬜ᭄ᬚᬓ᭄ᬓᬓᭀᬤᬕᬦ᭄᭞ᬦᬶᬃᬕᬸᬡᬲᬢᬸᬗ᭄ᬕᬸᬦ᭄ᬦᬸᬭᬶᬧ᭄᭞ᬤᬤᭀᬲ᭄ᬮᬸᬳᬸ᭞
[ ᭒᭖ 26A]
ᬳᬶᬫᭂᬲᭂᬄᬗᭀᬤᬕ᭄ᬲᬢᬢ᭟ᬳᬾᬕᬃᬫᬦᬄᬲᬶᬭᬦᬵᬣ᭞ᬫ᭄ᬬᬃᬱᬬᬂᬯᬤ᭄ᬯᬦᬾᬲᬫᬶ᭞ᬲᬫᬶᬫᬸᬧᬸᬢᬂᬭᬵᬕ᭞ᬢᬦ᭄ᬯ᭄ᬤᬶᬧᬘᬂᬦᬦ᭄ᬤᬶᬗᬶᬦ᭄᭞ᬳᬶᬕᬸᬫ᭄ᬗ᭄ᬮᬓ᭄ᬱᬫᬬᬂᬚᬸᬭᬶᬢ᭄᭞ᬳᬶᬥᭂᬧ᭄ᬜᬶᬓᬶᬚ᭄ᬭᭀᬦᬶᬂᬓ
ᬬᬸᬦ᭄᭞ᬳᬾᬭᬂᬫᬦᬤᭀᬲ᭄ᬧᬘᬸᬦ᭄ᬤᬂ᭞ᬮᬰ᭄ᬘᬃᬬ᭄ᬬᬗᭂᬢᭀᬳᬂᬧᬢᬶ᭞ᬓ᭄ᬦᬶᬧᬸᬧᬸᬢ᭄᭞ᬘᭂᬦ᭄ᬤᭂᬢ᭄ᬤᬤᭀᬲ᭄ᬓᬓᭂᬤᬾᬓᬦ᭄᭟ᬫᭀᬚᬃᬲᬂᬦᬵᬣᬕᬃᬚ᭄ᬚᬶᬢ᭞ᬯᬤ᭄ᬯᬦ᭄ᬓᬸᬢᬸᬳᬸᬲᬸᬚᬢᬶ᭞ᬲᬸᬓ᭄ᬱ᭄ᬫᬧᭂᬲᬦ᭄ᬩᬳᬦᬶ
ᬭ᭞ᬳᬶᬦ᭄ᬤᬶᬓ᭄ᬩᬓ᭄ᬢᬶᬦ᭄ᬘᬳᬶᬚᬢᬶ᭞ᬮᬰ᭄ᬘᬃᬬ᭄ᬬᬫᬩᬾᬮᬧᬢᬶ᭞ᬧᬓᭂᬜᭂᬢᬾᬧᬤᬳᬶᬕᬸᬫ᭄ᬚᬮᬦ᭄ᬚᬲᬤᬤᬫ᭄ᬤᬩᬂ᭞ᬕ᭄ᬮᬭᬾᬧᬵᬢᬹᬢ᭄ᬬᬢ᭄ᬦᬳᬶᬦ᭄᭞ᬲᬶᬤᬓᬸᬓᬸᬄ᭞ᬭᬶᬂᬓᬮᬫᬦᭂᬫ᭄ᬧᬸᬃᬬᬸᬤ᭄ᬥ᭟ᬩᬸ
ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬲᬶᬭᬧ᭄ᬭᬪᬸᬭᬭᬸᬲ᭄ᬫᬫᬜ᭄ᬚᬶᬂ᭞ᬗᬫᬭᬦᬶᬦ᭄ᬲᬸᬢ᭄ᬭᬦ᭄ᬳᬶᬤ᭞ᬭᬶᬂᬧᬫᬺᬫᬦ᭄ᬲᬋᬂᬓᬮᬶᬄ᭞ᬓᬲᬋᬗᬶᬦ᭄ᬧ᭄ᬭᬫᬾᬰ᭄ᬯᬭᬶ᭞ᬜᬦ᭄ᬢᭀᬲᬂᬕᬢ᭄ᬭᬦᬾᬭᬯᬸᬄ᭞ᬲᬓᬶᬂᬧᬸᬭᬷᬯᬶᬮᬢᬶᬓ᭄ᬢ᭞ᬲᬶᬤᬳᬸ
Page:Bali-lontar-gaguritan-babad-sunda-300ppi.pdf/26
Jump to navigation
Jump to search
This page has been proofread.
