[ ᭒᭒ 22B]
᭒᭒
ᬢᬸᬤᬶᬂ᭞ᬗᬦᬶᬦᬶᬦ᭄ᬫᬦᬄ᭞ᬓ᭄ᬭᭀᬥᬦᬾᬫᬢᭂᬫᬸᬩ᭄ᬭᬗ᭄ᬢᬶ᭟᭐᭟ᬧᬸᬧᬸᬄᬕᬶᬦᬤ᭟ᬧᬵᬩ᭄ᬥᬶᬢᬅᬰ᭄ᬭᬫᬦᬵᬣ᭞ᬓᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬳᬶᬦ᭄ᬤᬶᬓ᭄ᬧᬗ᭄ᬮᬫᬃᬭᬾᬤᬸᬫᬸᬦ᭄᭞
ᬚᬸᬫᬼᬕ᭄ᬲᬳᬗᬦ᭄ᬤᬶᬓ᭞ᬕᬸᬲ᭄ᬢᬶᬧᬢᬶᬄ᭞ᬲᬵᬫ᭄ᬧᬸᬦᬂᬚᬕᬸᬲ᭄ᬢᬶᬤᬸᬓ᭟ᬫᬦ᭄ᬢᬸᬓᬾᬭᬶᬂᬚ᭄ᬭᭀᬳᬸᬢᬸᬲᬦ᭄᭞ᬧᬗᬶᬤᬶᬄᬩᬧᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬄᬚᬲᬫ᭄ᬧᬸᬦ᭄ᬧᬸᬧᬸᬢᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬤᬤᭀᬲ᭄ᬭᬶᬓᬸᬄ᭞ᬯᬶᬯᬳᬦ᭄ᬳᬶᬤᬲᬂ
ᬦᬵᬣ᭞ᬫᬗ᭄ᬤᬩ᭄ᬘᬶᬓ᭄᭞ᬗᬶᬭᬶᬂᬳᬱ᭄ᬝᬯᬬᬂᬳᬶᬤ᭟ᬧ᭄ᬭᬪᬸᬲᬸᬦ᭄ᬤᬧᬭᬫᬮᬾᬤᬂ᭞ᬭᬯᬸᬄᬳᬶᬤᬓᬤᬶᬫᬗ᭄ᬓᬶᬦ᭄᭞ᬫᬜᬋᬗᬶᬦ᭄ᬧᬸᬢ᭄ᬭᬦ᭄ᬳᬶᬤ᭞ᬧᬫ᭄ᬭᬶᬳᬶᬂᬮᬓ᭄ᬱᬡᬳᬬᬸ᭞ᬜᬤ᭄ᬬᬲᬋᬂᬗᬲ᭄ᬢᬯᬬᬂ᭞ᬭᬤᬾᬦ᭄ᬤᬾᬯᬶ᭞ᬫᬢᭂ
ᬫᬸᬭᬶᬂᬲᬶᬭᬦᬵᬣ᭟ᬅᬃᬱᬯᬶᬮᬢᬶᬓ᭄ᬢᬦᬵᬣ᭞ᬩᬧᬲᬵᬫ᭄ᬧᬸᬦ᭄ᬢᬢᬲ᭄ᬳᬸᬦᬶᬂ᭞ᬓᬤᬶᬲᬦᬾᬓᬭᬯᬸᬳᬂ᭞ᬳᬦ᭄ᬢᬸᬓ᭄ᬤᬦᬾᬧᬢᬶᬄᬫᬥᬸ᭞ᬯᬸᬲ᭄ᬢᬵᬢᬸᬭᬶᬂᬲᬸᬦ᭄ᬤᬦᬵᬣ᭞ᬦ᭄ᬤᬢᬦ᭄ᬩ᭄ᬘᬶᬓ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬤᬤᭀᬲ᭄
[ ᭒᭓ 23A]
ᬲᬶᬗ᭄ᬲᬮ᭄᭟ᬧᬢᬶᬄᬲᬸᬦ᭄ᬤᬫᬵᬢᬸᬃᬲᭂᬫ᭄ᬩᬄᬳᬶᬗ᭄ᬕᬶᬄᬭᬢᬸᬲᬂᬲᬸᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬦ᭄ᬤᬢᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬭᬶᬂᬯᬘᬦᬦ᭄ᬮᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬜᬤ᭄ᬬᬭᬯᬸᬄᬫ᭄ᬤᭂᬓ᭄᭞ᬫᬦᬗ᭄ᬓᬶᬮᬶᬦ᭄᭞ᬜᬤ᭄ᬬᬗᬲ᭄ᬢᬯᬬᬂ
ᬓᬃᬬ᭄ᬬ᭟ᬭᬶᬂᬢᬃᬬ᭄ᬬᬯᬶᬯᬳᬦ᭄ᬳᬶᬤ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬭᬤᬾᬦ᭄ᬤᬾᬯᬶ᭞ᬗᬶᬭᬶᬂᬧᬮᬸᬗ᭄ᬕᬸᬄᬲᬂᬦᬵᬣ᭞ᬲᬂᬧ᭄ᬭᬪᬸᬰ᭄ᬭᬷᬳᬬᬫ᭄ᬯᬸᬭᬸᬓ᭄᭞ᬫᬗ᭄ᬤᬲᬶᬤ᭄ᬥᬓᬭᬳᬃᬚ᭄ᬚᬦ᭄᭞ᬲᬕᬾᬢ᭄ᬧᬗ᭄ᬕᬶᬄ᭞ᬳᬶᬦ᭄ᬤᬶᬓᬾᬳᬶᬭᬶᬓᬶᬲᬶᬗ᭄ᬲᬮ᭄
᭟ᬬᬾᬦᬶᬂᬳᬶᬧᬸᬦ᭄ᬚᬢᬶᬲᬭᬢ᭄᭞ᬗᬫᭂᬲᭂᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧ᭄ᬭᬬᬜᬤ᭄ᬬᬧᬶᬲᬦ᭄᭞ᬫᬦᬕᬶᬗᬶᬦ᭄ᬫᬦᬳᬶᬧᬸᬦ᭄᭞ᬭᬶᬂᬩᬸᬩᬢ᭄ᬢᬶᬢ᭄ᬬᬂᬜᬦ᭄ᬢᭀᬲᬂ᭞ᬢᬸᬳᬸᬚᬢᬶ᭞ᬩᭂᬦᬓ᭄ᬫᬘᬸᬦ᭄ᬤᬸᬓᬂᬫᬦᬄ᭟
᭟᭐᭟ᬧᬸᬧᬸᬄᬤᬹᬃᬫ᭄ᬫ᭟ᬫᬕᭂᬩᬾᬮᬦ᭄ᬳᬗ᭄ᬕᬦ᭄ᬧᬢᬶᬄᬕᬚᬄᬫᬤ᭄ᬥ᭞ᬓ᭄ᬭᭀᬤᬦᬾᬢᭀᬂᬓᬤᬶᬓᬤᬶ᭞ᬲ᭄ᬯᬪᬯᬦᬾᬳᬩᬂ᭞ᬧᬕ᭄ᬭᬶᬫᬶᬲ᭄ᬧ᭄ᬭᬶᬗᭂᬢᬾᬫᭂᬤᬮ᭄᭞ᬫᬭᬶᬭᬓ᭄ᬱᬳᬫᬦᬸᬤᬶᬂ᭞ᬤ
Page:Bali-lontar-gaguritan-babad-sunda-300ppi.pdf/23
Jump to navigation
Jump to search
This page has been proofread.
