[᭑᭐ 10B]
᭑᭐
ᬳᬦᬓ᭄ᬩᬕᬸᬲ᭄᭞ᬜᭂᬦ᭄ᬢᭀᬓᬂᬫᬫᬗ᭄ᬕᬸᬄᬲᬤ᭄ᬬ᭞ᬚᬦ᭄ᬢᭀᬲ᭄ᬮᬮᬶ᭞ᬢᬦᬦᬮᬗ᭄ᬕᭂᬂᬭᬶᬂᬚᬕᬢ᭄᭟ᬲᬸᬗ᭄ᬲᬸᬢᬾᬫᬤᬕᬶᬂᬮᬾᬤᬂ᭞ᬧᬓᬬᬸᬦᬦ᭄ᬭᬤᬾᬦ᭄ᬤᬾᬯᬶ᭞ᬲᬸᬗ᭄ᬲᬸᬢ᭄ᬳᬶᬤᬧᬘᬂᬓᬾᬲᬄ᭞ᬫᬦᬶᬗ᭄ᬕᬮᬶᬦ᭄ᬬᬬᬳᬶᬩᬸ᭞ᬮ
ᬰ᭄ᬘᬃᬬ᭄ᬬᬮᬾᬤᬶᬭᬶᬗᬃᬱ᭞ᬜᬤ᭄ᬬᬩᬓ᭄ᬢᬶᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬭᬤᬾᬦ᭄ᬤᬾᬯᬶᬫᬢᬸᬃᬩᬦ᭄ᬩᬦ᭄᭞ᬲᬳᬳᬶᬤᬫᬗᬜ᭄ᬚᬮᬶ᭞ᬗᭂᬢᬸᬲ᭄ᬓᬬᬸᬫ᭄ᬬᬬᬄᬭᬾᬡ᭞ᬳᬶᬗ᭄ᬕᬶᬄᬭᬢᬸᬳᬚᬶᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬭᬢᬸᬩ᭄ᬬᬂ᭞
ᬢᬶᬢ᭄ᬬᬂᬗᬶᬭᬶᬂ᭞ᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬦ᭄ᬤ᭞ᬓᬳᬶᬭᬶᬂᬮᬦ᭄ᬧ᭄ᬭᬫᬾᬰ᭄ᬯᬭᬶ᭞ᬮᬾᬤᬂᬓᬬᬸᬦᬾᬫᬜᬶᬗᬓ᭄᭞ᬦᬦᬓ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬮᬰ᭄ᬘᬃᬬ᭄ᬬᬜᬸᬗ᭄ᬲᬸᬂᬫᬜᬗ᭄ᬕ᭄ᬭ᭞ᬲᬓᬶᬂᬚᬢᬶ᭞ᬯᬘ
ᬦᬦ᭄ᬳᬶᬤᬲᬂᬦᬵᬣ᭟ᬳᬾᬲᬸᬓ᭄ᬳᬾᬜ᭄ᬚᬶᬂᬳᬶᬦᬸᬘᬧᬦ᭄᭞ᬯᬢᭂᬓ᭄ᬧ᭄ᬭᬚᬦᬦᬾᬲᬫᬶ᭞ᬓᬧ᭄ᬯᬭᬶᬂᬲᬸᬦ᭄ᬤᬦᬵᬕᬭ᭞ᬧᬤᬲᬵᬫ᭄ᬧᬸᬦ᭄ᬢᬢᬲ᭄ᬢ᭄ᬯᬸᬄ᭞ᬧᬗ᭄ᬮᬫᬭᬾᬯᬸᬲ᭄ᬓᬮᬸᬕᬺ᭞ᬤᬾᬦᬺᬧᬢᬶ᭞ᬫᬗ᭄ᬕᬮᬦᬶᬂᬚᬕᬢ᭄
[ ᭑᭑11A]
ᬲᬸᬦ᭄ᬤ᭟ᬲᬶᬭᬦᬺᬧᬢᬶᬳᬶᬦᬸᬘᬧ᭄᭞ᬭᬶᬂᬧᬲᬾᬩᬦ᭄ᬓᬢᬗ᭄ᬓᬶᬮᬶᬦ᭄᭞ᬓᬳᬶᬭᬶᬂᬧᬭᬧᬸᬗ᭄ᬕᬯ᭞ᬧᬢᬶᬄᬫᬥᬸᬲᬳᬤᭂᬫᬸᬂ᭞ᬯᬢᭂᬓ᭄ᬧᬚᬦᬦᬾᬧ᭄ᬭᬧ᭄ᬢ᭞ᬜᬤ᭄ᬬᬩᬓ᭄ᬢᬶ᭞᭟ᬧ᭄ᬭᬬᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬯᬘᬦᬦ᭄ᬳᬶᬤ
ᬲᬂᬦᬵᬣ᭞ᬫᬦ᭄ᬢᬸᬓᬾᬭᬶᬂᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬥᬸᬓ᭄ᬦᬬᬢ᭄ᬯ᭞ᬤᬩ᭄ᬤᬩᬂᬤᬾᬯᬾᬓᬾᬫᬦ᭄ᬢᬸᬓ᭄᭞ᬫᬢᬸᬃᬩᬾᬦ᭄ᬬᬭᬶᬂᬲᬂᬦᬵᬣ᭞ᬦᬦᬓ᭄ᬤᬾᬯᬶ᭞ᬦᬶᬭᬜᬤ᭄ᬬᬫᬗᬢᬸᬭᬂ᭟ᬲᬸᬭᬵᬢᬾᬢᬦ᭄ᬯᬍᬲ᭄ᬦᬶᬭ᭞ᬦᬶᬭᬜᬤ᭄ᬬ
ᬫᬗ᭄ᬭᬯᬸᬳᬶᬦ᭄᭞ᬧᬘᬂᬜᬋᬗᬶᬦ᭄ᬳᬶᬦᬦᬓ᭄᭞ᬧᬸᬗ᭄ᬓᬸᬭᬦ᭄ᬭᬯᬸᬄᬫᬗᭂᬢᬹᬢ᭄᭞ᬦᬦᬓ᭄ᬧ᭄ᬭᬪᬸᬫᬗ᭄ᬤᬯᬶᬓᬦ᭄᭞ᬓᬾᬢᭀᬧᬢᬶᬄ᭞ᬦᬄᬜᬦ᭄ᬤᬂᬲᬸᬩᬤᬩ᭄ᬤᬩᬂ᭟ᬧᬢᬶᬄᬫᬥᬸᬫᬵᬢᬸᬃᬲᭂᬫ᭄ᬩᬄ᭞ᬫᬧᬫᬶᬢ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬲ
ᬧᬗᭂᬦ᭄ᬤᬶᬓᬦ᭄ᬳᬶᬤᬾᬯ᭞ᬜᬤ᭄ᬬᬓᬢᬸᬭᬶᬂᬲᬂᬧ᭄ᬭᬪᬸ᭞ᬫᬫᬶᬢᬂᬮᬸᬕ᭄ᬭᬳᬢᬶᬢ᭄ᬬᬂ᭞ᬗ᭄ᬮᬸᬗ᭄ᬲᬸᬃᬧᬫᬶᬢ᭄᭞ᬩᬾᬜ᭄ᬚᬂᬢᬶᬢ᭄ᬬᬂᬧᬘᬂᬩᬸᬤᬮ᭄᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬧᬜ᭄ᬚᬓ᭄ᬱᬫᬶᬯᬸᬲ᭄ᬫᬧᬫᬶᬢ᭄᭞ᬩᬸᬩᬃᬧᬸᬦᬂᬧ
Page:Bali-lontar-gaguritan-babad-sunda-300ppi.pdf/11
Jump to navigation
Jump to search
This page has been proofread.
