[ ᭖᭐ 60B]
᭖᭐
ᬲ᭄᭞ᬓᬢᭀᬦ᭄ᬲᬂᬰ᭄ᬭᬷᬭᬵᬫ᭞ᬯᬶᬚᬬᬤᬹᬓ᭄ᬳᬍᬗ᭄ᬕᬄ᭞ᬢᬲᬶᬭᬲᬩᬬᬸᬲᬶᬯᬶ᭞ᬳᬶᬂᬰᭂᬓ᭄ᬢᬶᬩᬶᬱ᭞ᬫᬜ᭄ᬚᬶᬗᬳᬶᬂᬳᬕᬮᬮᬶᬢ᭄᭚ᬤᬦ᭄ᬫᬍᬩᬸᬯᬯᬦᬧᬸᬢ᭄ᬭᬾᬂᬓᭀᬜ᭄ᬘᬭᬵ᭞
ᬦᬸᬦ᭄ᬢᭂᬦ᭄ᬳᬸᬫᬵᬢᬸᬃᬳᬭᬶᬲ᭄᭞ᬤᬸᬄᬳᬶᬗ᭄ᬕᬶᬄᬪᬝᬵᬭ᭞ᬲᬂᬰ᭄ᬭᬷᬭᬵᬫᬯᬶᬚᬬ᭞ᬓᬳᬸᬮᬧᬸᬦᬶᬓᬶᬧ᭄ᬭᬧ᭄ᬢᬶ᭞ᬲᬶᬩᬬ᭄ᬯᬵᬢ᭄ᬫᬚ᭞ᬗᬸᬮᬢᬶᬧᬶᬤᬸᬓᬵᬚᬶ᭚ᬲᬂᬰ᭄ᬭᬷᬭᬵᬫᬯᬶᬚᬬᬳᬭᬹ
ᬫ᭄ᬗᬦ᭄ᬤᬶᬓᬵ᭞ᬥᬹᬄᬅᬢ᭄ᬫᬚᬶᬯᬗ᭄ᬓ᭄ᬯᬶᬓᬶ᭞ᬲᬶᬫᬭᬸᬢᬧᬸᬢ᭄ᬭ᭞ᬫᬗ᭄ᬓᬾᬧᬸᬭᬦ᭄ᬧᭀᬮᬄᬢ᭞ᬤᬶᬫᬾᬦ᭄ᬜᬶᬤᬓᬶᬦ᭄ᬗᬸᬚᬯᬶ᭞ᬲᬂᬩᬬᬸᬲᬸᬢ᭞ᬫᬵᬢᬸᬃᬳᬬ᭄ᬯᬓ᭄ᬯᬢᬶᬂ᭚ᬤᬦ᭄ᬳᬫᬢᬓ᭄ᬬᭀᬕ
ᬫ᭄ᬓᬃᬢ᭄ᬭᬷᬯᬶᬓ᭄ᬭᬫ᭞ᬳᬕᬸᬗᬾᬓᬬᬕᬶᬭᬶ᭞ᬓᭀᬜ᭄ᬘᬭᬓᬧᬼᬲᬢ᭄᭞ᬳᬭᬦ᭄ᬢᬲ᭄ᬢᬦ᭄ᬧᬰᬾᬱ᭞ᬲᬂᬬ᭄ᬯᬵᬢ᭄ᬫᬚᬦᬸᬮ᭄ᬬᬵᬕ᭄ᬮᬶᬲ᭄᭞ᬰ᭄ᬭᬷᬭᬵᬫᬪᬤ᭄ᬭ᭞ᬲᬶᬦᬫ᭄ᬩᬸᬢ᭄ᬤᬦ᭄ᬲᬶ
[᭖᭑ 61A]
᭖᭑
ᬦᬸᬗ᭄ᬕᬶ᭚ᬮᬚᭂᬂᬫᭂᬲᬢ᭄ᬲᬧ᭄ᬧ᭄ᬭᬧ᭄ᬢᬾᬂᬕᬕᬡ᭞ᬮ᭄ᬯᬶᬃᬓᬶᬮᬢ᭄ᬮᬫ᭄ᬧᬄᬦᬾᬓᬶ᭞ᬓᬢ᭄ᬯᬸᬧᬶᬂᬧᬯᬦ᭞ᬓᬵᬮᬮᬢ᭄ᬭᬶᬮᬸᬫᬫ᭄ᬧᬄ᭞ᬢᬢᬲ᭄ᬕᬳᬶᬦᬵᬯᬸᬲ᭄ᬧ᭄ᬭᬧ᭄ᬢᬶ᭞ᬗᬫ᭄ᬧ᭄ᬬᬦ᭄ᬦᬕ
ᬭ᭞ᬫᬭᬂᬗᬬᭀᬥ᭄ᬬᬧᬸᬭᬶ᭚ᬳᬸᬯᬸᬲ᭄ᬓᬢᭀᬦ᭄ᬧ᭄ᬭᬢᭀᬡ᭄ᬥᬦᬾᬦᬶᬮᬵᬢ᭄ᬫᬚ᭞ᬮᬶᬲᬸᬲ᭄ᬳᬕᬸᬂᬓᬂᬧ᭄ᬭᬧ᭄ᬢᬶ᭞ᬳᬓ᭄ᬯᬾᬄᬭᬸᬋᬩᬄ᭞ᬯ᭄ᬦᬾᬄᬭᭀᬦ᭄ᬢᭀᬕ᭄ᬕᬧ᭄ᬭᬧᬮ᭄᭞ᬧᬶᬦᬸᬢᭂᬭᬦ᭄ᬤᬾᬦᬶᬂ
ᬳᬗᬶᬦ᭄᭞ᬫ᭄ᬯᬄᬤᬶᬦᬸᬮᬸᬭᬦ᭄᭞ᬍᬩᬸᬓᭂᬲᭂᬮ᭄ᬳᬶᬂᬧᬸᬭᬶ᭚ᬮᬶᬦ᭄ᬢᬂᬓᬕ᭄ᬬᬢ᭄ᬲᬓᬢᬵᬳᬶᬂᬯᭀᬂᬚ᭄ᬭᭀᬧᬸᬭ᭞ᬧ᭄ᬭᬲᬫ᭄ᬬᬳᬦᬶᬗ᭄ᬳᬵᬮᬶ᭞ᬲᬯᭀᬗᬶᬂᬦᬵᬕᬭ᭞ᬋᬫᬺᬫ᭄ᬢᬾᬚᬦᬶᬂᬲᬹᬃᬬ᭄ᬬ᭞
ᬓᬂᬍᬩᬸᬫᬼᬓ᭄ᬗᬯ᭄ᬬᬢᬶ᭞ᬪᬕᬯᬵᬦ᭄ᬰᬺᬗ᭄ᬕ᭄ᬬᬵᬗᬸᬘᬧ᭄ᬭᬶᬂᬯᭀᬂᬦᬵᬕᬭᬶ᭚ᬬᬾᬓᬶᬍᬩᬸᬫᬵᬮᬶᬄᬗᬯ᭄ᬢᬸᬤᬸᬃᬫ᭄ᬫᬶᬢ᭞ᬗᬚᬃᬫ᭄ᬫᬶᬢ᭞ᬗᬚᬃᬧ᭄ᬭᬂᬢᬦ᭄ᬲᬶᬦᬶᬧᬶ᭞ᬫᬾᬯᭂᬄᬢᬾᬓᬦᬂᬭᬵᬢ᭞ᬫᬗ᭄ᬓᬵᬦᬓᬾ
Page:Bali-lontar-gaguritan-anuman-wetugangga-350ppi.pdf/61
Jump to navigation
Jump to search
This page has been proofread.
