[᭓᭖ 36B]
᭓᭖
ᬓᬶ᭚ᬧᬭᬦ᭄ᬓᬭᬦᬾᬓᬶᬢᬵᬗ᭄ᬭᬸᬲᬓ᭄ᬢᬶᬫ᭄ᬩᬗᬦ᭄᭞ᬫᬦᬶᬭᬫᬳᬶᬦ᭄ᬫᬳᬶᬦ᭄᭞ᬭᬶᬢᭂᬧᬶᬦ᭄ᬲᬫᭀᬤ᭄ᬭ᭞ᬤᬤ᭄ᬬᬦᬾᬓᬶᬢᬧ᭄ᬭᬧ᭄ᬢ᭞ᬳᬫᬭᬶᬪᬯᬫᬗ᭄ᬓᬾᬓᬶ᭞ᬳᬦ᭄ᬤᬤ᭄ᬬᬢ᭄ᬭᬶᬬᬓ᭄᭞
ᬮ᭄ᬯᬶᬃᬧᬦ᭄ᬤᬄᬘᬘᬶᬂᬧ᭄ᬤᬶᬢ᭄᭚ᬲᬸᬫᬸᬲᬸᬧᬭᬶᬂᬢᬦ᭄ᬧᬭᬄᬩᬬᬓᬶᬢ᭞ᬧᬭᬦ᭄ᬭᬶᬦᬱᬬᬾᬓᬶ᭞ᬫᬦᬶᬭᬮᬾᬮᬾᬤᬂ᭞ᬭᬶᬂᬲᬸᬗ᭄ᬓᬸᬩ᭄ᬓᬬᬗᬦ᭄ᬢ᭞ᬳᬗ᭄ᬭᬸᬲᬵᬓ᭄ᬢᬡ᭄ᬤᬸᬭᬜ᭄ᬚᬢᬶ᭞ᬓᬢᭀ
ᬦᬤᬾᬦ᭄ᬢ᭞ᬫᬦᬯᬫᬦᬶᬭᬾᬓᬶ᭚ᬳᬗ᭄ᬭᬭᬦ᭄ᬤᬄᬳᬗ᭄ᬭᬪᬱᬧᬭᬦ᭄ᬧᬭᬦ᭄ᬧᬭᬦ᭄᭞ᬭᬶᬂᬯᬶᬰ᭄ᬫᬫᬸᬩᬬᬾᬓᬶ᭞ᬩᭀᬲᬾᬢ᭄ᬜ᭄ᬚᬸᬢᬶᬭᬹᬯ᭞ᬳᬶᬗ᭄ᬯᬂᬳᬶᬓᬶᬮᬾᬮᬾᬤᬂ᭞ᬫᬭᬂ
ᬯᬶᬤ᭄ᬫᬗ᭄ᬓᬸᬳᬦ᭄ᬤᬶᬭᬶ᭞ᬳᬲᬸᬓᬦ᭄ᬲᬸᬓᬦ᭄᭞ᬤᬤ᭄ᬬᬦᬾᬓᬶᬢᬫ᭄ᬭᬧ᭄ᬢᬶ᭚ᬘᭂᬧᭂᬂᬳᬃᬡ᭄ᬦᬲᬂᬫᬵᬭᬸᬢᬶᬳᬫ᭄ᬬᬵᬃᬱ᭞ᬯᬸᬯᬸᬲᬾᬯᬭᬵᬮᬶᬢ᭄᭞ᬪᬂᬳᬯᬶᬗᬯᬶᬗ᭞ᬓᬮᬗ᭄ᬓᬸᬂᬓᬩ᭄ᬭᬳ᭄ᬫᬵ
[᭓᭗ 37A]
᭓᭗
ᬦ᭄ᬢ᭄ᬬᬦ᭄᭞ᬩᬬᬸᬢᬦᬬᬵᬦᬸᬤᬶᬗᬶ᭞ᬲᬃᬯ᭄ᬯᬶᬳᬗᬸᬘᬧ᭄᭞ᬳᬾᬄᬲᬶᬭᬩᭀᬲᬾᬢ᭄ᬘᬶᬮᬶᬓ᭄᭚ᬮᬗ᭄ᬓᬸᬂᬘ᭄ᬓᬧ᭄ᬢ᭄ᬓᬧ᭄ᬫᬸᬯᬦᬶᬫᬭᬶᬂᬗ᭄ᬯᬂ᭞ᬲᬧᬶᬲᬦ᭄ᬳᬶᬗ᭄ᬲᬸᬦ᭄ᬗᬦ᭄ᬢᬶ᭞ᬲᬶᬭᬵᬚᬸᬭᬶᬂᬓᬶᬰ᭄ᬫ᭞ᬮᬄ
ᬤᬾᬦ᭄ᬧ᭄ᬭᬬᬶᬢ᭄ᬦᬲᬶᬭ᭞ᬳᬦᬸᬫᬵᬦ᭄ᬢᬸᬕᬗ᭄ᬕᬵᬳᬗ᭄ᬮᬶᬂ᭞ᬲᬓᬋᬧᬶᬭ᭞ᬲᬃᬯ᭄ᬯᬶᬗᬵᬮᬸᬜ᭄ᬚᬢ᭄ᬗᬶᬓᬶᬓ᭄᭚ᬳᬶᬄᬳᬄᬳᬄᬳᭀᬄᬳᭀᬄᬓ᭄ᬭᭀᬄᬫᬸᬩᭀᬲᬾᬢ᭄ᬤᬸᬱ᭄ᬝ᭞ᬫᬬ᭄ᬯᬫ
ᬗ᭄ᬓᬾᬳᬚᬸᬭᬶᬢ᭄᭞ᬩᬬ᭄ᬯᬵᬢ᭄ᬫᬚᬵᬦ᭄ᬭᬚᬂ᭞ᬳᬕᬧ᭄ᬭᬸᬓ᭄ᬳᬧᬸᬬᭂᬗᬦ᭄᭞ᬧᬸᬦ᭄ᬢᭂᬮ᭄ᬧᬶᬦᬸᬦ᭄ᬢᭂᬮ᭄ᬲ᭄ᬮᬾᬂᬩᬦ᭄ᬢᬶᬂ᭞ᬭᬸᬫ᭄ᬧᬓ᭄ᬭᬶᬦᬸᬫ᭄ᬧᬓ᭄᭞ᬦᬫ᭄ᬧ᭄ᬬᬮ᭄ᬓᬢᬫ᭄ᬧ᭄ᬬᬢ᭄ᬫᬶᬭᬶᬂ᭚ᬮᬶᬦ᭄ᬢᬂᬭᬫᬾ
ᬧ᭄ᬭᬗᬶᬭᬲᬫᬧ᭄ᬭᬯᬶᬭ᭞ᬳᬦᬸᬫᬵᬦ᭄ᬢᬸᬕᬗ᭄ᬕᬵᬓᬶ᭞ᬮᬚᭂᬃᬳᬸᬦ᭄ᬢᬸᬢ᭄ᬦᬶᬭ᭞ᬳᬗᬶᬢᬶᬃᬳᬗᬸᬚᬶᬯᬢ᭄᭞ᬳᬗ᭄ᬮᬸᬜ᭄ᬘᬢ᭄ᬫᬶᬗ᭄ᬰᬶᬮ᭄ᬓᬳᬓ᭄ᬱᬶ᭞ᬩᬬᬸᬢᬦᬬ᭞ᬦᬯᬸᬢ᭄ᬯᬺᬓ᭄ᬱᬵᬕᭂᬂᬗᬶ
Page:Bali-lontar-gaguritan-anuman-wetugangga-350ppi.pdf/37
Jump to navigation
Jump to search
This page has been proofread.
