[᭓᭒ 32B]
᭓᭒
ᬲ᭄ᬳᬦᬸᬮᬶᬓᬳᬓ᭄ᬱᬶ᭞ᬭ᭄ᬬᬓ᭄ᬦᭂᬫ᭄ᬧᬸᬃᬧᬭᬗᬦ᭄᭞ᬯᭂᬦ᭄ᬢᭂᬦᬶᬂᬲᬸᬓᬸᬦ᭄ᬭᬶᬂᬉᬓᬶᬭ᭄᭞ᬲᬫ᭄ᬩᬸᬭᬢ᭄ᬓᬂᬯ᭄ᬯᬾᬮᬸᬮᬸᬦᬦ᭄᭚ᬓᬢᭀᬦ᭄ᬧ᭄ᬝᬓ᭄ᬲᬳᬶᬂᬲᬳᬶᬂᬭᬶᬂᬚᬮᬤ᭄ᬭᬶ᭞ᬢᬶᬦᭀᬦ᭄ᬮ᭄ᬯᬶᬃᬓ
ᬮᬰᬵ᭞ᬓᬲᬸᬃᬲᬵᬭᬶᬯᬸᬲ᭄ᬡᬸᬫᬯᬶᬲ᭄᭞ᬫ᭄ᬢᬸᬲᬓᬶᬂᬩ᭄ᬭᬸᬡᬮᬬ᭚ᬦᬶᬕᬓ᭄ᬓᬭᬓᬬᬓᬬᬲᬦ᭄ᬤᬶᬂᬕᬸᬮᬶᬂ᭞ᬫᬗ᭄ᬓᬦᬳᬶᬘᬶᬧ᭄ᬢᬸᬦᬶᬭᬲᬂᬫᬭᬸᬢᬲᬶᬯᬶ᭞ᬤᬤ᭄ᬬᬦᬯᬂᬦᬯᬂᬢᬶᬗ᭄ᬳᬮ᭄
᭚ᬤᬾᬦ᭄ᬬᬦᭀᬦ᭄ᬓᬮᬗᭂᬦᬾᬂᬧᬲᬶᬃᬉᬓᬶᬭ᭄᭞ᬯᬸᬲ᭄ᬧ᭄ᬭᬧ᭄ᬢᬾᬂᬤᬭᬢᬦ᭄᭞ᬜ᭄ᬚᬸᬚᬸᬕᬾᬂᬧᬶᬗ᭄ᬕᬶᬃᬚᬮᬤ᭄ᬭᬶ᭞ᬳᬦᬹᬢ᭄ᬲᬾᬮᬸᬓᬶᬂᬳᭀᬭᬗᬦ᭄᭚ᬲᬂᬧᬯᬦᬧᬸᬢ᭄ᬭᬓᬵᬃᬱᬦᬾᬳᬲᬸ
ᬘᬶ᭞ᬮᬚᭂᬗᭂᬦ᭄ᬢᬸᬫᬸᬭᬸ᭞ᬭᬶᬯ᭄ᬯᬾᬦᬶᬓᬂᬫᬳᭀᬤᬤᬶ᭞ᬤᬶᬬᬸᬲ᭄ᬦᬶᬃᬫ᭄ᬫᬮᬰᬭᬶᬭ᭚ᬲᬯᬸᬲᬶᬭᬳᬦᬸᬮᬶᬳᬦᬓᬳᬓ᭄ᬱᬶ᭞ᬓᬂᬯᬦᬭᬋᬓ᭄᭞ᬮᬸᬗ᭄ᬕ᭄ᬯᬾᬂᬰᬾᬮᬵᬗ᭞ᬭᬶᬲ
[᭓᭓ 33A]
᭓᭓
ᬭᬶᬲ᭄᭞ᬗ᭄ᬳᬶᬯᬦᬭᬫᬓ᭄ᬱᬶᬄᬩᭀᬜ᭄ᬘᬄ᭚ᬲᬂᬫᬭᬸᬢᬶᬳᬯᬲ᭄ᬤᬾᬦᬶᬭᬵᬦᬶᬗ᭄ᬳᬮᬶ᭞ᬓᬢᭀᬦ᭄ᬓᬂᬯᬦᬭ᭞ᬭᬭᬾᬦᬶᬫ᭄ᬩᬂᬦᬶᬫ᭄ᬩᬂᬯᬭᬶᬄ᭞ᬓᬚᬸᬲᬂᬯᬯᬦᬲᬸᬢ᭚ᬫᬭᬶ
ᬪᬯᬳᬦ᭄ᬤᬤ᭄ᬬᬋᬗᬶᬢ᭄ᬲᬯᬶᬚᬶ᭞ᬫᬫ᭄ᬩᬸᬃᬧᬶᬦᬭᬦᬦ᭄᭞ᬭᬶᬂᬳᬸᬗ᭄ᬕ᭄ᬯᬦᬾᬯᬦᬭᬵᬮᬶᬢ᭄᭞ᬤᬸᬓ᭄ᬓᬮᬦ᭄ᬬᬦᬶᬫ᭄ᬩᬂᬢᭀᬬ᭚ᬲᬂᬩᬬᬸᬅᬢ᭄ᬫᬚᬵᬧᬦ᭄ᬲᬵᬫ᭄ᬧᬸᬦ᭄ᬳᬮᬶᬗ᭄ᬕᬶᬄ᭞ᬢᬶᬂᬧ
ᬦᬶᬫ᭄ᬩᬂᬳᬶᬓᬵ᭞ᬤᬤ᭄ᬬᬦᬾᬢᬸᬦ᭄ᬢᬂᬢᬶᬫ᭄ᬩᬗᬶ᭞ᬫᬮᬶᬄᬲᬶᬭᬜᬯᬸᬓ᭄ᬘᬾᬬ᭚ᬯᬦᬭᬵᬮᬶᬢ᭄ᬫᬮᬶᬄᬲᬶᬭᬦᬶᬫ᭄ᬩᬂᬯᬭᬶᬄ᭞ᬬᬦ᭄ᬢᬦ᭄ᬫᬾᬲᬶᬢᭀᬬ᭞ᬢᬸᬫᬸᬭᬸᬦᬯᬸᬦᬂᬋᬗᬶᬢ᭄
᭞ᬬᬦ᭄ᬫᬸᬲ᭄ᬫᬾᬲᬶᬳᬕ᭄ᬮᬶᬲ᭄ᬫᬸᬗ᭄ᬕᬄ᭚ᬫᬮᬶᬄᬢᬸᬦ᭄ᬢᬂᬯ᭄ᬭᬢ᭄ᬲᬦᬾᬄᬩᬜᬸᬦᬾᬓᬶ᭞ᬳᬦᬸᬫᬵᬦ᭄ᬢᬸᬕᬗ᭄ᬕᬵ᭞ᬫᬶᬘᬭᬾᬂᬢ᭄ᬬᬲ᭄ᬲᬧᬚᬳᬶᬮ᭄᭞ᬳᬦᬸᬦ᭄ᬢᬂᬢᬶᬫ᭄ᬩᬗᬦ᭄ᬦᬶᬗ᭄ᬯᬂ᭚
Page:Bali-lontar-gaguritan-anuman-wetugangga-350ppi.pdf/34
Jump to navigation
Jump to search
This page has been proofread.
